Ennanga 11 - BIBLIYA NTAGATIFU OMU MASHI

Omulangâliro gw’omushinganyanya

1 Oku mukulu w’abimbiza. Lwa Daudi.

¹ Oku mukulu w’abimbiza. Lwa Daudi. Nyamuzinda ye lwâkiro lwâni. Kurhi wakacimbwîra, mpu: «Yàkira oku ntondo nka kanyunyi?»

² Ba nyankola-maligo abo bagosire emiherho, badwîrhe bafôl’emyampi oku ngè mpu balashire abantu b’emirhima nkana omu mwizimya.

³ Erhi eciriba cankahongoka, cici omushinganyanya ankacibash’ijira?

⁴ Nnâmahanga omu ka-Nyamuzinda kâge katagatîfu, Nyakasane oku ntebe yâge y’obwâmi omu malunga; amasù gâge gadwîrhe galolêreza igulu, engohe zâge zidwîrhe zasinza abâna b’abantu.

⁵ Nyamuzinda abona entimanya z’omwinjà n’omubî; omurhima gwâge gushologorhwa na nyankola-maligo.

⁶ Mûshi emihera ayirhogeze amakala g’engulumira n’ecibiriti, n’empûsi y’omuliro ebè co cigabi c’omu kabehe kâbo.

⁷ Bulya Nyamuzinda abâ mushinganyanya, akunda n’obushinganyanya; abantu b’emirhima mimâna bo bâbone obusù bwâge.