Ennanga 101 - BIBLIYA NTAGATIFU OMU MASHI

Omuhigo gw’omwimangizi w’olubaga

1 Lulanga. Lwa Daudi.

¹ Lulanga. Lwa Daudi. Nkola nayimba obushinganyanya n’oburhonyi; we nazihira, Nyamwagirwa.

² Mwo nayisha omu njira y’entagoma: mangaci wampikaho? Nyishire n’omurhima gw’obudahemuka, omu mwâni mwo na nene.

³ Akantu kabî ntâzigè kangera omu masù: enkola-maligo ntazibonakwo: nanga ntazibonakwo.

⁴ Omurhima mubî gurhagera aha ndi, ehiri hibî ntahikwîrirwa.

⁵ Omuntu wâshobeke owâbo bwifulikwè, nnamuheze, omuntu ocîbona, n’ogayana ntabakwîrirwa.

⁶ Abemêzi b’eci cihugo bo amasù gâni galikwo, nti bayûbake haguma nâni. Omuntu okerekera omu ntagoma, ye wâbà mwambali wâni.

⁷ Enkola-maligo erhâlabarhe omu mwâni, n’endyâla erhâyimange omu masù gâni.

⁸ Enkola-maligo ziri omu cihugo, nakaziregerera nazihungumula eziri omu lugo lwa Nyakasane, nâziheza zihwemwo.