Ennanga 100 - BIBLIYA NTAGATIFU OMU MASHI

Olwimbo lw’engabo yasôkera omu ka-Nyamuzinda

1 Lulanga. Lwa kuvuga omunkwa.

¹ Lulanga. Lwa kuvuga omunkwa. Amahanga goshi gasâmire Nyakasane.

² Mukolere Nyakasane n’enshagadu; mujè omu masù gâge n’omwîshingo.

³ Mumanye oku Nyakasane ye Nyamuzinda, Yêne warhulemaga nîrhu rhuli bâge, rhuli ishanja lyâge, rhunali bibuzi by’okw’irango lyâge.

⁴ Mushesherere omu mihango yâge erhi mwanakoma akagasha. muyongoberere omu côgo câge n’enyimbo; mumuhè irenge, mukuze izîno lyâge.

⁵ Bulya Nnâmahanga ali mwinjà, obwonjo bwâge buli bw’ensiku n’amango, arhanarheba ndi kurhenga abantu baburhwa.