Ennanga 1 - BIBLIYA NTAGATIFU OMU MASHI

Enjira ibirhi

¹ Iragi lyâge omuntu orhacîfundikira haguma n’encuku orhagenda n’emihera, orhanaboneka omu ndêko y’abashombanyi.

² Arhasîmisibwa n’agarhali marhegeko ga Nyamuzinda, anagerêreza ago marhegeko bwacà-bwayira.

³ Kwo agandâza nka murhi gumezire aha cikunguzo c’olwîshi, guyêrakwo emburho amango gâgwo, gunayôrha guyinjihire. Na ngasi hyoshi ajira kubêra himubêra.

⁴ Emihera erhakabona okwo! kàli kw’eri nka hyâsi hya canda hiyehwîrwe n’empûsi!

⁵ Ntà kwâbo: aha kagombe eyo mihera erhakahambûla, ciru erhakalabarha omu ihano ly’abashinganyanya.

⁶ Bulya Nyamuzinda ayishi enjira y’abimâna, ci enjira y’endyâlya kuhabula ehabula.