Ayubu 25 - BIBLIYA NTAGATIFU OMU MASHI

Olwimbo lw’obukuze bwa Nyamuzinda

¹ Okubundi, Bildadi w’e Shwahi anacijà eluhya aderha, erhi:

² Emwâge oburhegesi n’obôba; yênene ye hira omurhûla omu malunga.

³ Ka emirhwe yâge gurhali mwându? Murhwe guhi gurhabashakwo izûba lyâge?

⁴ Kurhigi omuntu ankabà mushinganyanya, embere za Nyamuzinda? Kurhigi ankabà mwêru-kwêru oburhwa n’omukazi?

⁵ Lolà omwêzi gônene, wanabona gutulwire, nazo enyenyêzi zirhaba nyêru-kwêru omu masù gâge.

⁶ Oku muntu yêhe ka kurhabulikane, Omuntu orhali muntu ci muvunyu, gula mushwa mpu mwene omuntu!