1 Nganîro 3 - BIBLIYA NTAGATIFU OMU MASHI

iburha lya Daudi

¹ Aga go mazîno g’abâna ba Daudi bàburhiragwa e Hebroni. Owa burhanzi, Amnoni, mugala wa Ahinowamu w’e Yizreyeli. Owa kabirhi, Daniyeli, mugala wa Abigayili, w’e Karmeli.

² Owa Kasharhu, Absalomu, mugala wa Maaka, mwâli wa Talmayi mwâmi w’e Geshuri. Owa kani, Aniya, mugala wa Hagiti.

³ Owa karhanu, Shefatiya, mugala wa Abitali. Owa kali ndarhu, Yitrayamu, mugala wa Egla, naye mukà mwâmi.

⁴ Aligwêrhe bâna ndarhu baburhiragwa aha Hebroni, ho àyîmaga myâka nda na myêzi ndarhu. Ashubiyîma n’aha Yeruzalemu myâka makumi a sharhu n’isharhu.

⁵ N’abà bakulikîre bo bâna bâge baburhiragwa aha Yeruzalemu: Shimeya, Shobabu, Natani, Salomoni: bâna bâni ba Bati-Shuwa, mwâli wa Amiyeli.

⁶ Yibehari, Elishamaʿ, Elifêleti,

⁷ Noga, Nefegi, Yafiya,

⁸ Elishamaʿ, Eliyada, Elifeleti; bâna mwenda.

⁹ Abo boshi bo bâna ba Daudi. Abâna b’ebiherula byâge barhaganjirwi. Abusire n’omwânanyere, ye Tamari.

Abâmi ba Yûda

¹⁰ Abâna ba Salomoni nk’oku banakulikiranaga, bo: Rehabamu, Abiya, Asa, Yehoshafati,

¹¹ Yoramu, Akhaziyahu, Yowash,

¹² Amaziyahu, Azaryahu, Yotamu,

¹³ Ahazi, Hizekiyahu, Menashè,

¹⁴ Amoni na Yoshiyahu.

¹⁵ Bagala ba Yoshiyahu: Yohanani lwo lubere, owa kabirhi, Yehoyakimu, owa kasharhu, Sidekiyahu, n’owa kani Shalumu.

¹⁶ Bagala ba Yehoyakimu, bo: Yekoniya na Sidekiyahu.

Abâna b’abâmi enyuma ly’olubungo

¹⁷ Bagala ba Yekoniya, olya walulizibagwa e Babiloni, bo: Sheyaltiyeli,

¹⁸ Malkiramu, Pedaya, Shenasari, Yekamiya, Hoshama na Nedabiya.

¹⁹ Bagala ba Pedaya, bo: Zorobabeli na Shimeyi. Zorobabeli aburha bagala babirhi: Meshulamu na Hananiya, na munyere muguma ye Shelomiti.

²⁰ Buzinda ashubiburha bâna barhanu: Hashuba, Oheli, Berekiya, Hasadiya na Yushabu-Hesedi.

²¹ Abâna ba Hananiya, bo: Pelatiya na Yeshaya, haguma na bagala ba Refaya, bagala ba Arnoni, bagala ba Obadiya na bagala ba Shekanya.

²² Abâna ba Shekaniya: Shemaya, Hatushi, Yigeyali, Bariyahi, Neariya, Shafati boshi bantu ndarhu.

²³ Abâna ba Neyariya: Eliyehoyenayi, Hizikiya, Azrikamu, boshi bantu basharhu.

²⁴ Abâna ba Eliyehoyenayi, bo: Hoda­viyahu, Eliyasibu, Pelaya, Akubu, Yohanani, Delaya, Anani, boshi bantu nda.