1 Nganîro 1 - BIBLIYA NTAGATIFU OMU MASHI

I. Olukalaba lw’amâburhwa kurhenga Adamu kuhika kuli Daudi Olukalaba lw’amâburhwa oku gashimbìne kurhenga Adamu kuhika Ezau

¹ Adamu aburha Seti; Seti aburha Enoshi,

² Enosi aburha Kenani, Kenani aburha Mahalaleli, Mahalaleli aburha Yeredi,

³ Yeredi aburha Henoki, Henoki aburha Metushalem, Metushalem aburha Lameki,

⁴ Lameki aburha Nûhu. Nûhu aburha Semu, Kamu na Yafeti.

Bene-Yafeti

⁵ Alaga bagala ba Yafeti: Gomeri, Magogi, Madayi, Yavani, Tuvani, Tubali, Mesheki na Tirasi.

⁶ Bene Gomeri bo: Askenazi, Difati na Togarma.

⁷ Bagala ba Yavani, bo: Elisha, Tarsisi, Kiti na Rodanimu.

Bene-Kamu

⁸ Alaga bagala ba Kamu, bo: Kushi, Misrayimu, Puti na Kanâni;

⁹ Bagala ba Kushi, bo: Seba, Havila, Sabta, Ragma na Sabteka, bagala ba Rama, bo: Saba na Dedani.

¹⁰ Kushi naye aburha Nimrodi, owabâga mwâmi-hanga murhanzirhazi wa hano igulu.

¹¹ Misrayimu ye wali shakulûza w’abantu b’e Ludi, Anemi, Lehabi n’ab’e Nafutu,

¹² w’abantu b’e Patrosi, b’e Kaslu n’e Kafutori, lwo lunda Abafilistini barhengaga.

¹³ Kanâni aburha Sidoni, lubere lwâge, na Heti,

¹⁴ na shakulûza w’Abayebusi, w’Abamoriti, Abagirgashi,

¹⁵ Abahiti, Abaarki, Abasini,

¹⁶ Abarvadi, Abasemari n’Abahamati.

Bene-Semu

¹⁷ Bagala ba Semu, bo: Elamu, Asûru, Arpaksadi, Ludi na Aramu. Bagala ba Aramu, bo: Utsi, Huli, Geteri na Mesheki.

¹⁸ Arpaksadi aburha Selahi, na Selahi aburha Eberi.

¹⁹ Eberi aburha bâna babirhi; omurhanzi izîno lyâge ye wali Pelegi, kwo kuderha «Lugabanyo», bulya omu mango gâge lyo olubaga lw’en’igulu lwacigabagamwo; omulumuna izîno lyâge ye wali Yoktani.

²⁰ Yoktani aburha Almodadi, Shelefu na Hasarmaveti, na Yera,

²¹ Hadoramu, Uzali, Dikla,

²² Ebali, Abimayeli, Seba,

²³ Ofiri, Havila, na Yobabu. Abo boshi bo bagala ba Yoktani.

Kurhenga Semu kuhika kuli Abrahamu

²⁴ Semu aburha Arpaksadi, Arpaksadi aburha Selahi,

²⁵ Sela aburha Eberi, Eberi aburha Pelegi, Pelegi aburha Reu,

²⁶ Reu aburha Serugi, Serugi aburha Nahori, Nahori aburha Tera,

²⁷ Tera aburha Abramu, ye wayishirihâbwa izîno lya Abrahamu.

²⁸ Bagala ba Abrahamu bo Izaki na Ismaeli.

²⁹ Alaga olukalaba lw’amâburhwa gâbo: Olubere lwa Ismaeli ye wali Nebayoti, ahirakwo Kedari, Abdeli, Mibusamu,

Bene-lsmaeli

³⁰ Mishma, Duma, Masa, Hadadi, Tema,

³¹ Yeturi, Nafishi na Kedma. Bo bagala ba Ismaeli abo.

³² Ketura, mukazi wa kabirhi wa Abrahamu, anaciburha Zimurani, Yokshani, Medani, Madiyani, Yishbaki na Shuwahi. Bagala ba Yokshani, bo: Saba na Dedani.

³³ Bagala ba Madiyani, bo: Efa, Eferi, Hanoki, Abida na Elda. Abo boshi lyo iburha lya Ketura.

Izaki na Ezau

³⁴ Abrahamu anaciburha Izaki. Bagala ba Izaki, bo Ezau na Ismaheli.

³⁵ Bagala ba Ezau, bo: Elifazi, Reweli, Yeushi, Yalamu na Kora.

³⁶ Bagala ba Elifazi, bo: Temani, Omari, Sefi, Gatamu, Kenazi, Timna na Amaleki.

³⁷ Bene Reweli, bo: Nahati, Zera, Shama na Miza.

³⁸ Bagala ba Seyiri, bo: Lotani, Shobali, Sibeoni (ye wali îshe wa Ana na shakulu wa Dishoni), Eseri na Dishani.

³⁹ Bagala ba Lotani, bo: Hori na Homami (Lotani agwêrhe mwâli wâbo ye Timna).

⁴⁰ Bagala ba Shobali, bo: Aliyani, Manahati, Ebali, Shefi na Onamu. Bagala ba Sibeoni bo: Aya na Ana.

⁴¹ Mugala wa Ana ye Dishoni; bagala ba Dishoni, bo Hamurani, Eshebani, Yitrani na Kerani.

⁴² Bagala ba Eseri, bo: Bilahani, Zaavani, Yaakani. Bagala ba Dishoni bo: Utsi na Arani.

Abâmi n’abarhambo b’obûko bwa Edomu

⁴³ Abà bakulikîre bo bâmi bayîmire omu cihugo ca Edomu embere abâmi barhangire okuyîma omu Israheli: Bela, mugala wa Beori; ecishagala câge càderhagwa Dinhaba.

⁴⁴ Oyo Bela erhi àyûsifà, Yobabu àyima ahâli hâge: Yobabu mugala wa Zeraha w’e Bosra.

⁴⁵ Yobabu àfà na Hushamu warhengaga omu cihugo c’Abatemani ayîma omu byâge.

⁴⁶ Hushamu erhi àyâsifà, Hadadi mugala wa Bedadi ayîma ahâli hâge. Ye wahimaga Abamadiyani omu irungu lya Mowabu. Ecishagala câge càderhagwa Aviti.

⁴⁷ Hadadi naye afà. Samla w’e Masreka ayîma omu byâge.

⁴⁸ Samla erhi afà, Shaulu w’e Rohoboti-han-Nahari ayîma omu byâge.

⁴⁹ Shaulu afà, Baal-Hamani, mugala wa Akbori ayîma ahâli hâge.

⁵⁰ Baal-Hamani àfà, Hadadi ayîma omu byâge. Ecishagala câge caderhagwa Payi. Mukâge izîno lyâge ye wali Mehetabeyeli, mwâli wa Matredi, mwinjikulu wa Me-Zahabu.

⁵¹ Erhi mwâmi Hadedi àyâsifà, ecihugo ca Edomu cakazirhegekwa n’abakulu b’amûko. Alaga amazîno gâbo: Timna, Alva, Yeteti,

⁵² Oholibama, Ela, Pinoni,

⁵³ Kenazi. Temazi, Temani, Mibsari,

⁵⁴ Magdiyeli na Iramu. Abo bo bâli barhambo b’amûko g’e Edomu.