Yesaya 10 - Ma Jou ai Demo-demo o Totobelohoka

Ma Jou wapake o homoa ma nyawa la wahohowono to Una ma hirete ai nyawaika O Hitararono ma hidogo

^5-7 Ngohi, Ma Jou o Yawe tamake ahi nyawa o Isiraele ma nyawa duru ko yomahijouokaua Ngohino ho to Ngohi ahi ngamo itagi manga dorouika hiadono ona tahidoaka o Asuru ma nyawaika la yahidadi to ona manga huhuloko. Ho ahao o Asuru ma nyawa gea tahidingoto o Isiraele ma tonakika la ahi nyawaika yahohowono ka hiadono manga kiahonanga yaora de yomahitoona o Isiraele ma nyawa manga kaya. De ahi nyawa gea duru o Asuru ma nyawa ahao yahitipokouku ka hiadono imaketero de ona yadoko-doko hoka ona yodadioka o tapaka ma pese-peseke dika. Hokogea o Asuru ma nyawa ahao tahidadi to ngohi ahi boboha ahi nyawaika ngaro o Asuru manga koano una ko wohihiorikua gea Ngohi abe tihidingoto la una de ai tentara tapake. Abe o Asuru manga koano gea ai hidee ko o Isiraelikaua dika masara una wato de ai tentara waparangi o tonaka ma ngoeika de wahikala ka hiadono o tonaka ma ngoeika gea wahipareta. Masara ahao o Asuru ma nyawaikaoo o kokangela yadaene! Abe ngaro ona tahidadi ahi boboha la o Isiraele ma nyawa tahohowono masara, ahao manga sade ifoloiholi hiadono onangoo tahibinaaha.