Sosawaro 24 - Ma Jou ai Demo-demo o Totobelohoka

24:30-33 ko atailakouahi

³⁰ Ngohi o wange moiuku naga totagi-tagi de tatilakuru o angguru ma redi moi, de gea ma redi ma dutu una wotobatebeturu de ai sosawaro ko iwa.

³¹ De tomalega ma redika de tamake abe naga ma hihika mata-mataika, de to ena ma dadaduhu o hakaruino abe ihigilolitino, gea iturabahoka ho ka parahaja dika.

³² Ho ka de gea mata-mata tamake de duru tongano-nganono, la ka idadi tomadotoko genangino. De hokonaa ma dodotoko abe ngohi tamake.

³³ Nako ngone hosanangiholi nanga hiaini ma orahika de abe nanga giookika, ho hiadono nanga magawe ko ilakuokaua,

³⁴ Ahao ka itodokanino de nanga kuranga idogo ilamoko, de ngone hodadioka o huha ma nyawa. Abe gea imakadaene hoka o futu moioka dika de o nyawa inaora ho nanga kiahonanga duru yamataka!