Sosawaro 23 - Ma Jou ai Demo-demo o Totobelohoka

23:29-33 ko atailakouahi

²⁹ De naa tonaleha moi. O nyawa onagona abe naga de manga kangelaka de manga hininga ma huhaka? De onagona gea abe ma ngoe yokadatoro de naga manga daiana? De onagona abe manga badanga ma nabo ma ngoe masara ko ihiorikua o kiaino hiadono idadi? De onagona naga manga lako de ma gogateoka?

³⁰ De gea o nyawa onagona dika abe yatobaokere o daluku, de abe o angguru ma teongo ma gohaka yaokere ilamokuku ka hiadono o futu gorona.

³¹ Ho koaho ufa homahigunoa la homalega ma angguru ma doka-dokarika hiadono nanga horoodo inahikala, abe ngaro ileto-letongo ma mangko ma goronaka de to ena ma mau ma rahai, masara ufa nanga hafini enangika ilaku.

³² Angamoi nako hokeruku de ipahaino ahao imaketero hoka o dodiha ma biha inatuduku.

³³ De nagali ngone hato bote hamake de nanga lako o kiahonanga abe duru o fara moi, de nanga hiningaka de nanga demoka de duru holilifangoka! Ho gea koaho ngone duru homahitiari la ufa hiadono o daluku inahikala ngoneino!