Mika 6 - Ma Jou ai Demo-demo o Totobelohoka

6:6-8 ko atailakouahi

⁶ Ho mangale ma titi to ngone nanga howo-howono duru ifoloioka Ma Jou o Yawe ai himangoka, ho done hokokia ka idadi homahitigi Unangika? De koaho o kia ka idadi homahihuba Ma Jou Wokokurutiyeika la hiadono wosanangi wonaapongo de wonadafongoli? Bote ngone hohiboaino / haoino o hapi ma ngofaka la genangino homahihuba de homamotumuku ai himangoka.

⁷ Ekola o domba ma nauru abe o dutu duru isana, marai gea ka idadi homahihuba la ahao wonasanangi ngoneino? De o saitunu ma minya kohaamoko ka idadi hogopoauku o huhuba ma ngiuku hiadono ihahurika ngade-ngade hoka o nguihi ma tonakika. De marai kiani nanga ngofaka duru ma riaka hahidoaka Unangika la yodadi nanga ngongoluku ma hibalaha, abe nanga badanga ma hofoko gea kiani haturuuru la nanga howono Unangika waofioka. Bote hokogea kiani homahihuba Unangika la ahao nanga Jou wonadafongoli.

⁸ Koua, ahi gogianongoru! Duru ko hokogenangua abe Ma Jou woigo la ngone hodiai! Abe Una wonahingahuoka nanga datoro hokokia abe itiai, de abe duru imakiniiki de to Una ai mau ngoneino. Abe Una woigo la ngone hatobaniiki o totiai ma datoro, de woigo la nanga gogaoino de hatobagou-goungu abe Unangika de nanga date-datekika. De nagali woigo la nanga wowangoino de hohidodiai hotagi-tagi ka Unangika dika. De gea ena abe Ma Jou o Yawe ai mau ngoneino la ka idadi wonadafongoli.