Huhupu 27 - Ma Jou ai Demo-demo o Totobelohoka

Ma Jou ai hingahu ma titi yodiai o Haharongo ma Huhuba ma Ngi o tabaagaino Ma hitararono ma hidogo

¹ Ma Jou wato, “La ngini ka idadi nimahihuba Ngohiye kiani moi o huhuba ma ngi nidiai o akasia ma gotaino abe genangoka nia aewani nimahihuba de o uku. Nidiai ma rupa hoka o pahagi iata de ma pahagi ma gurutu de ma ngoata imaketero ma duduga o metere hinooto de o senti monaoko ho o mongoo moi ifoloi. De o huhuba ma ngi ma gurutiye o metere moi de o senti moruange ho to ena ma badanga ma hononga ifoloi ma gurutiye.

² De daku ma barene ma libuku iatoka gea niodiai ma rupa hoka o tataduku homoi-homoiika abe nihipasika duru ikekete la idadi moi de ma badanga. Gea nidiai ibooto de ahao mata-mataika kiani nihihawo de o tabaaga abe nihisapuroka de o hori.

⁸ Ho o huhuba ma ngi gea hoka o baaka ma rupa abe nidiai o papangino, de ngona, Musa, kiani ona abe yodiai gea nahiaturu la yaniiki ihidodiai ahi hidumutu ngonaika abe tonihingahuoka o lokuoka naa.” Hokogea Ma Jou wihitiari o Musaika.