Higalioli 6 - Ma Jou ai Demo-demo o Totobelohoka

Ma Jou ai Pareta abe ka enangohi ikurutiye

⁴ De o Musa ka wotemohi onangika wato, “Abeika hototoihene, o Isiraele ma nyawa mata-mata! O Yawe Una gea dika to ngone nanga Jou, de ko iwa utu!

⁵ De ngini kiani niwidora nia Jou o Yaweikahi de ti ngini nia hininga ma gahumu, de kiani niwidora de nia wowango ma gahumu, de kiani niwidora Unangika de o kia dika mata-mata abe naga nginioka!”

⁶ “De ma pareta ma demo abe o wange naa tinihuloko, ma demo gea kiani ka ihikaika nimahihohininga.

⁷ De kiani ma pareta ma demo gea niatobadotoko nia ngofa-ngofakika. Abe ma oraha ngini naga nigogeruku nia tauoka de ka idadi nimakoketemo ma titi ma demo gea. De ngaro ma oraha nitagi-tagi o ngekomika, de ma oraha nimaidu, de abe ma oraha nimamaoino, masara gea mata-mata ma oraha ka idadi niapake la ma demo gea nimahiketehihohininga.

⁸ De irahai ma demo gea nihitulihuku de nimahidehorino nia giamino de nia peaino la ka ihikaika idadi o hohininga la ufa hiadono ma demo gea niawohanga.

⁹ De irahai ngini niahitulihuku ma demo gea abe nia tau ma ngoranika de nia kota ma ngoranika la gea ka ihikaika niohohininga.”