Higalioli 28 - Ma Jou ai Demo-demo o Totobelohoka

O Isiraele ma nyawa ko yowohamuahi o Kanani ma tonakika de o Musa duru wahitiari

¹ O Musa wahingahu o Isiraele ma nyawaika wato, “Nako ngini nihidodiai niwihingounu nia Jou, Ma Jou o Yawe, de nianiiki itiai ai behehongo mata-mata, abe tinihidoaka o wange naa, Una ahao winihiowa nginika. Abe nako hokogea nia hingounu Unangika, ahao duru winigorakiye. Ngaro ngini de o nyawa o tonaka mata-mataika o dunia ma amokika, ma ka nginiohi ahao Ma Jou o Yawe, abe to ngone nanga Jou, winigorakiye iti niwihingounu itiai.”

¹⁵ De o Musa ai demo ma owa onangika wohibobaha de o hitiari ma demo wato, “Masara nako ngini ko niwihingounua ti ngini nia Jou, Ma Jou o Yawe, de nako ngini ko nihidodiaiua nianiiki itiai ai behehongo mata-mata abe tinihidoaka o wange naa, ngini ahao ma dorou inidaene hiadono inihidatapalu de o hohowono irupa-rupa kohangoe.” Hokogea o Isiraele ma nyawa ko yowohamuahi o behehongo ma tonakika de o Musa duru wahitiari.