1 PITOR 3 - ANU LUGOD N. T. (BSI)

Nc:ng kvdvngclang Milbongkvdvngc

¹ Cdcmv:pc nc:ngkvdv:nolu, noluk milbong kvdv:dok lukamdcmpci tadlangka, odomvlojen akke, bulu agomdcm tadmanggom, mopvla:ya:pc agom apirkosin lumango:pc buluk nc:ngkvdv:dok inamsa:namki,

² cdvlo bulu noluk mc:jup mcngkap odokkc milbong akkongcm mc:la ka:la du:nc.

³ Nolukkcpc ru:yidok ka:lvgsunamo:pc ipc ma:namc ta:pet pennam dumvtki, avnkokki moru:moba:sunamc, odokkc kangkannc attar gcnam bomnamcm gcla,

⁴ cmpige:la cdc lc:sula du:nc asin ara:bok tani:dokki yogpakma:ncdok asin ansvngclang agamnc yalodok avn gcrung gcbangki cdcmpc v:rmotoka, okodc Ru:ncpvnckc kangkolo airu:pc arc kadagji.

⁵ Cdcmpidag lckoncm narc:nc nc:ngkvdv:dcm sc:kobv Ru:ncpvncmc mc:tinna du:du:nc bulu av avycm mcnggcsudunganc odokkc buluk milbongkvdv:dcm aipc mc:la agom taddunganc,

⁶ kapc Sarabv Abrahammc agom lukamcm tadtonc, bvm ru:tumc cmna gogla. Odokkc nolu su:pak bvk ommangc jodi nolu kabonc agercm geryc odokkc nolum okkosin pcsokono momangka:langka.

⁷ Cdcmv:pc nolu milbongkvdvnga, noluk nc:ng kvdv:dokki mcngcsagcla mc:jo:langka, nc:ngkvdv:dcm mcnggcla mc:la bulum rcmagncpc ru:namla:yam, kapc turnamsok aya:pc mc:namila:yam, cdcmpc ipc cmna jc noluk kumnamdcm motum morumma:dopc.

Kabonc Ager Gernamdok Lcgangc Ipusire: Pa:nam

⁸ Adtcrso, nolu appvngc, yalo atcrongkopc ilangka, aya:sitapc mc:mvnsunamlo, bvrokvdv:dcm aipc mc:namlo, rcmakpc asin gcnamlo odokkc asinc rcmago:la ila.

⁹ Aima:nc ager gernam lcgangc aima:nc agercm germvnsuyoka cdcmanggom ge:la lunam lcgangc ge:namcm; cmpige:la cdcmyam akirba:d bitoka, kapcnc odok lcga:pc nolum gogto, jen nolu akirba:dko pa:ycpc.

¹⁰ Kapcnc, “Sc:kobv turnamcm aipc mc:ycnc odokkc ainc longckvdv:dcm ka:begyc, bvm ayodcm aima:nc agerlokkcm odokkc bvk nabber kvdvngcm luyatla lunamlokkcm la:paktoka.

¹¹ Bvm aima:nclokkcm gc:rmotoka odokkc aincm germotoka; bvm mcngancm mamotoka odokkc cdcm mcnna gvmotoka.

¹² Kapcnc Ru:tumkc amikkvdv:dc dormokanc tani:kvdv:dcm ka:la du:dag. Odokkc bvk yerung kvdv:dc buluk kumnamkvdv:dcm taddag. Cdcmpige:la Ru:tumkc nappa:dc nabyotdag cdc aima:nc agercm gernckvdv:dok birudi:pc.”

¹³ Su:pak cdc sc:kobv:nu du:n nolum atvaima:ncko ipcnc jodi nolu okodc aidagji cdcm airu:pc ilvgmvlo?

¹⁴ Cmpige:la jodi nolu dormokanam lcgangc geryc, nolu akirba:d pa:ncpc iyc. Nolu bulum pcsola kcngcrcjayok, cdcmanggom mc:dvrmc:so:la ogo:suyok,

¹⁵ cmpige:la noluk asinkvdv:do Kristomc Ru:tumpc mc:jubla mcnga:la. Nolukkolo du:nc mc:tindcm lo:dvscm mosv:sulangka sc:kobv kvlenna tadpc cmna morasupc cmnamc:ycji, ckvdaggom cdcm asin ansv:la:la mcnggcnam kumnamki ilangka;

¹⁶ odokkc noluk mcngc-saggcm narc:pc mc:langka, cdcmpcmvlojen, cdvlo nolum aima:pc luycnc, cdc sc:kobulu noluk aipc Kristokolo inamsa:namdc anyi:sumoycpc.

¹⁷ Kapcnc cd kabonc agercm gertvla ipusire:ycm pa:namdc jodi cdc Ru:ncpvnckc mcngkamcmvlo, aima:nc agercm gerla pa:namdcmyam aiya:dag.

¹⁸ Kapcnc Kristobv:sin pa:plcganc lckkongko sikang, cdc dormo kancdc dormokama:ncdok lcgangc, jen Bv ngolum Ru:ncpvnckolo:pc langangkupc cmna, adinpc mokelvgla cmpige:la yalodo turmotoku;

¹⁹ okolo Bv gvtonc odokkc makana:lo du:nckvdv:dcm lutadcm luto, sc:kobulu po:pcbo agom lukamdcmpc tattomang,

²⁰ cdvlo Ru:ncpvnckc mentumsula du:namc Noakc longckvdv:do toya:la du:tonc, ollu:dcm pado longcdo, okolo anggongkonc, cdcyam, pi:nyi tani:yc asidokkc turkang.

²¹ Buptisma la:namdc, okodc sokkokki dungkonsudagnc, su:pak nolum mopvtdag, cdc amvrdokkcm koiyangcm mopu:sunamcmpcmang cmpige:la Ru:ncpvnckolo:pc kumna:sola lukamcmpc narc:pc mcngcsagcla mc:namcpmc,

²² Jisu Kristokc sikolokkc turkunammcmpc sc:kobv tayc:pc gvkangkuji odokkc taycng among lutad lunckvdv:dokki Ru:ncpvnckc lagbvk alakpc tedkang, ilang gvlangnc, odokkc tornamc Bvkkcpc ikang.