St. Mark 11 - Ohiatonhseratokénti

Enskat-aton iaȣenre teioteriȣasonterakȣen tsini hoiaton Roiatatokenti Mark.

¹ Onen thoha siiaonneȣe ne Jerusalem, onen Beth-phagé Oni Betani nonȣe Sihonne, Onontakta ne Olivier teniiase ne raotiokȣa iasakotori.

² Ȣasene ȣahenron: Kehiken tkanataien, akȣa neok ienseninatarane entsiatkato teȣahontes ȣasharonte nareko onka teiakosatenston, seninerensi nok kaseniiatenhaf.

³ Toka onkakiok othenon enhiahiron: Seniron! Roianer ki tehotonȣentsioni nok oksaok entkonȣatkaȣe.

⁴ Eh kati neneh ȣanete, iahaneȣe ȣaiatkatto tsi tekanatoken astste ȣasaronte ne teȣaontes; nok ȣaiasarontako.

⁵ Otiake netho ionkȣene ȣahiron ohniiotieren kehiken ȣeseninerensi?

⁶ Ok neh tontaiatasaȣen tsini hoieren tsi sakorionnienni ne Iesos nok iah Onka othenon tetsiaȣen.

⁷ Iakonȣaiatenhaȣe kati ne teȣaontes tsi tare ne Iesos, nok raonatseronniat ȣakonȣarase ne teȣaontes nok eh tahanistskȣaren.

⁸ Ok eh nikatens ȣahestskaron tsini ienhenre, otiake ok neneh akotseronniat nok otiake okȣiresonha iakotieskȣe.

⁹ Nok tsiniiakon nohenton ȣahen oni nonaken taien, iontonne: Hosana! ahonȣasennaien ne tare raosennakon ne Raȣenniio!

¹⁰ Takonȣanonȣeraton, nʼetsiteȣaniha Taȣit raonakerasera, raosennakon ne Raȣenniio tsi tare! ahonȣanenton Karonhiake!

¹¹ Eh niiot tsi ȣahataȣeiate ne Iesos Jerusalem, iahakȣatto oni nononsatokentike; akȣa tanon neok ne ȣahakaenhionnion, aseken onen siiokara, ne se ȣaonni oksaok saontenti Betani niionsaonne, neok shonne ne tekeni iaȣenre nihatikȣekonne.

¹² Nok ne tsi ȣahorhenne nonen satontahonne eh ȣahatonkariake.

¹³ Iahatkatto isiniiore tiokȣirote ȣisonkoȣa, eh niiahare raȣesakonhatie nothenon ahatsenri, neok nene neioneratonte aseken areko tiieiohe tsini ȣaia niiontha.

¹⁴ Ethone tahatati ne Iesos oni ȣarenhase neh iokȣirote: Iah nonȣenton onka taonsaionhiake ne sahik! ronathontetsihon ne raotiokȣa tsi neh ȣahenron.

¹⁵ Onen kati ionsaonneȣe Jerusalem; Ononsatokentike niiahare sasakotekȣate tsini iakon netho iontenninonskȣe oni ne ieninonskȣe, ȣaharisionko tsi teionthiosarakȣa, oni tsi iontenaskȣatkerontakȣa norite.

¹⁶ Sakonnhesehakȣe oni nʼOnonsatokentike aiontohestste aietsetenhaȣi.

¹⁷ Ratonhakȣe tsi sakorionniennihakȣe: iah kenh teȣaton tsi kaiaton: Akȣekon nonkȣe enkonȣanatonkȣake nakenonsa Ionterennaientakȣa? nok nise kanenskȣatsera seȣatatenonsonniatenni.

¹⁸ Tsini hati ȣahonronke ne ratiiatons oni ne ratitsihenstatsiokon ȣahonterientisake oh nahatiiere nahonȣario, aseken ȣahonateronhienten tsi akȣekon ok iakonerakȣaskȣe konȣakonnienstakȣe oni ne raoriȣasonha.

¹⁹ Nok sahatenti nonen siiokarahane.

²⁰ Nok tsi ȣahorhenne orhonkene eh skonne, ȣahontkatto ne raotiokȣa tsi oterake tiotasaȣe tsi iostathen ne ȣisonkoȣa.

²¹ Ethone Sareiarane ne Tier tsinitiaȣenhon, Sahenron: Saianer, Akȣekonseken iostathenhon thiken ȣisonkoȣa sreȣaton.

²² Tontahenron ne Iesos: taseȣetakonhak ne Niio Raosennakon.

²³ Aseken oriȣiio tsi kȣarori, onkakiok enrenhase ne kenh iononte; ehren iset kaniatarake iasatesko; neiah taontahatennoȣentake ne raȣeriane, enthaȣetakon tanon tsinahoten raton akȣekon etho nenhiaȣenne tsinenhaȣen.

²⁴ Nese karionni kȣarori: tsinikon enseȣariȣanonton aterennaientatserakon kaseȣetakonhak tsi enseȣarane, eh oni nenhiaȣenne.

²⁵ Nok tanon nonen saterennaienne sasanikonrhen nonkakiok iesanikonraksaton aontiesenhake aonsaianikonrhense oni nise ne Ianiha Karonhiake thenteron tsinikon ehtsenikonraksaton.

²⁶ Aseken ne iah tentsisanikonrhensere, iah ki oni neneh taonsahonikonrhen tsini tsenikonraksaton ne Ianiha Karonhiake thenteron.

²⁷ Onen are ionsaonneȣe Jerusalem, tsikati nikariȣes Ononsatokentitserakon ihres etho ȣahonȣateranentakten ne ratitsihenstatsi oni ne ratiiatons.

²⁸ Ȣahonniron: kah niteshas, onka oni iesakȣeniatseraȣi tsinisierha?

²⁹ Tontasakoȣennaȣeron ne Iesos, ȣahenron: tsioriȣat oni nii enkȣariȣanontonse, tontakȣariȣaserakȣas kati, ethone oni nii enkȣarori tsinitekhas tsinikatieranions.

³⁰ Karonhiake kenh nitiaȣenon ne Saȣatis raotenekȣahests katon Onkȣene! Ennioh takȣarori.

³¹ Neok ne rahotinikonrakon thontonhakȣe: toka eniakȣenron karonhiake, enthenron oh kati niiotieren tsi iah tetiseȣetakon.

³² Nok naiakȣenron: Onkȣene, Onkȣene neneh nonkȣati iotteronk, aseken akȣekon ok tiakaȣetakonne tsi Rotokense ne Saȣatis.

³³ Nekati ahoriȣa ok tonsahonniron: iah othenon teiakȣariȣaienteri. Nok tontahenron ne Iesos; iah ki oni nii takȣarori onka ahokȣeniatsera kieratha tsini kierha.