Romans 3 - Ohiatonhseratokénti

Asenha-ton Nateioteriwasonterakwen.

¹ Sénha ontèken Sitaeró꞉nons ronatesenʼní꞉ios tsi ní꞉ioht ne iáh tehatisitaeronons, ethòne? Thènen onhtèken satèkena tsi iontatewarakwétarons?

² Éso, kwáh tokènʼen, tsíkʼnahontahiotiératon! Ne tiotierentákwen, Rawenni꞉io tesakówi ne Sitaeró꞉nons nahathinónstate ne rahoteriwanhotátshera.

³ Ónhkatine ní꞉ioht tòhka ótiake iáh tehotiriwatóken? Ne kén kéntons neh Rawenni꞉io iáh tahoriwatokenhake?

⁴ Ohrihwihioʼonwe tsi iáh! Ne Rawenniʼio ónenk tsi enhoteriwakwarísion, iawerohátien tsi kwáh iaʼteionkwétake tsi iakonówens, Tsi niwáton noriwatokénti, “Ónenk tsi enséneste tsi teshérits nónen ensatáti; Ónenk tsi ensatkwéni ne sariwasónha nónen teiesaiatórete.”

⁵ Nók éhthoh, tòhka-a nónen thènen teionkwaterientawénrie, nonkwesónha kwáh enwenéhake eniontʼkáto nenʼne neh Rawenni꞉io taiérits? Onhnahóten aihtewakwéni aihtewénron? Ne Rawenni꞉io tehaterientawénries nónen ensonkwaréwate? (Kíʼ kén꞉en éhʼtho ní꞉ioht tsi wáktare tsi ní꞉ioht tsi rontátis nonkwesónha.)

⁶ Iáh neh tekéntons! Thoká-a neh Rawenni꞉io iáh tethoriwaiéri, onhní꞉ioht tsi tasakoiatórete nonkwesónha?

⁷ Nók tòhka-a tsi iáh tewakeriwatóken roriwáwaʼse ne Rawenni꞉io rahohiataterítsera tsi iónnis ne rahoriwakwarisióntsera tsi akátake ó꞉ni sénha awenéhake? Onhniʼiohtiéren tsi sékon ní꞉i éhʼtho ní꞉ioht tsi aiontréwate tsi síken ní꞉ioht ne roriwáneren?

⁸ Nontiéren tsi iáh taihtewénron, ethókiʼ, “Ánion wahét꞉ken tsi nitewátier tòhka nónwa neh éntewe ne iohiánere” ótiake nónkwe, kwáh thokén꞉en, ionkenikonrakaréwaton tsi ionkeriwáros tsi neh kíʼ ne kwáh neh wáken! Kwáh enhonwathiréwate, tsi natehonaténtion.

Iáh Ónhka Ne Rónkwe Tehoriwakwarísion.

⁹ Neh káti꞉ontèken, ne tewasitaerónons sénha tionʼníʼios tsi ní꞉ioht neh iáh tehatisitaeronons? Kwáh iáh! Ónenk wakenéston neh Sitaeró꞉nons tánon ne iáh tehatisitaerónons kwáh neh sahonónhʼna ratikwékon thóh non nihathiʼiatóron nahosastenserákon ne kariwáneren.

¹⁰ Tsi niwáton ne Oriwatokéntis: “Kwa iáh ónhka tetsionkwetaiéris,

¹¹ iáh ónhka teiakonikonraiéntas, ónhka ó꞉ni ronwasénʼnaiens ne Rawenni꞉io.

¹² Onhkweʼtakwékon wahonwatʼkarathéniaʼse ne Rawenni꞉io; Kwáh ratikwékon tehonaterientawénrie; Iáh ónhka teiakohiótens ne iohiánere, kwáh iáh neh tionkwétha.

¹³ Tsi rathisakáronte neh teskaieróntare ne tehiotsionwakaráwen tsi iehiáta; ronʼnasákes rónsta tsi nihathinikonrátha, tánon nowennasónhas ne iakoriótha, kwáh tsi ní꞉ioht nóniare eniakorióten nenʼiakokári, nàkon ne rathisáke;

¹⁴ tsi rathisakaróntes kwáh titkáhere ne ionewárat tánon iotakwáswat.

¹⁵ Kwáh íken tsi rathiʼiatastóre nasakothikaréwate ó꞉ni nasakothírhio;

¹⁶ nek iehonénras tsi nahoténsons ne tenhatirithánion ó꞉ni kwáh íken tsi ionikonratsentserowánen ne kwáh tsík nonwéson nienhónne.

¹⁷ Iáh nonwénton tehothiʼienteráhon nahontahíta tsi iohatátie neh skénnen,

¹⁸ khés nahothiweientetáʼon nahonwatsianíseke ne Rawenni꞉io.”

¹⁹ Kén nónwa ionkwateriéntare kwáh oriwakwékon ne kaianerénsera niehéken tsi niháti ne thóh nónwe ne kaianerénsera ronastonhátie, neh akakwéni onhkwetaʼkwékon taiakótaste ne tóhsa ahonsahatirahiátakwe tánon nawéneste tsi Rawenni꞉io seh tenhaiatórete nohontsiakwékon.

²⁰ Asèken iáh ónhka ne rónkwe neh tahotakwarísi rahohénton ne Rawenni꞉io neh naháiere tsi nikarihwanóntons ne kaianerénsera; tsi nikaiérha ne kaianerénsera nahahónnien ne rónkwe nahaiénterene tsi roriwáneren.

Tsi Níʼioht Ne Rawenni꞉io Tsi Sakotakwarísions Nonkwesónha

²¹ Nók nónwa neh꞉ne Rawenni꞉io rahoteweiénʼna tsi ní꞉ioht tsi shesakotakwarísions nonkwesónha tsi natehóntere ne raónha kwáh iawenestáhon, tánon kwáh iáh othénʼnen tatekanerénkston ne kaianerénsera. Ne kaianerénsera tánon ne rotitokenséhakwe tonatʼkáwen ne rahothiriwanirátʼtsera.

²² Ne Rawenni꞉io neh sesakotakwarisháta neh tsi tonwethákwen ne Ié꞉sos Kerístos. Rawenni꞉io thoʼnihaiérha tsi niʼiákon tonwethákwen ne Kerístos, asèken iáh noʼiáh tehioháhaien onʼnakaiéren nonkwesónhas nahonsahotiʼianerásten tsi natehónthere ne Rawenni꞉io.

²³ Kwáh onhkwetaʼkwékon iakoriwáneren tánon aíhnon nióre thónʼnes ne Rawenni꞉io rahononsthatserákon.

²⁴ Nók kíʼ tsi kwáh iáh othènen tehiokáraien ne Rawenni꞉io rahoténrat, kwáh okwetakwékon tsi tiakoteriwaseronniénʼni tsi natehóntere ne raónha, thoʼnihóson rahonháke ne Kerístos Ié꞉sos, tsi nikáien sesakonerénsions.

²⁵ Rawenni꞉io wahatenikonrísa neh tsi rawenheión꞉ne thoʼnahontáwe tsi niʼiawénhon nètho nonkwesónha ahonsaionthatenikónrense nakoriwaneraháktsera, neh tsi rahonháke non nithonethákwen. Rawenni꞉io thoʼnihóson thoʼnahontáwe nahariwanírate ne rahoriwakwarisióntsera. Tsi nitsawénon, rothakastáton tánon iáh tehokenhenʼiónʼon nakoriwaneraháktsera nonkwesónhas.

²⁶ Nók kíʼ nónwa kén nikaháwis ken niehaiéra nonkwesónhas akoriwaneraháktseras, nahariwanírate ne rahoriwakwarisióntseras. Tsi thoʼní꞉ioht Rawenni꞉io renéstha tsi rahónhak khók roiánere, tánon ó꞉ni kwáh onkwetakwékon sehsakoha-arátha tsi niháti entonwétakwe ne Ié꞉sos.

²⁷ Onkáti nekénʼen, naihtewakwéni taihtewataterénsaron knahótenk? Kwáh iáh othènen! Tánon nahóten kíʼ karihónʼnis? Ne ken tsi ionkwatewenʼnarákwen ne kaianerénsera? Iáh, nók neh kíʼ tionkwetákwen.

²⁸ Asèken thoʼní꞉ioht tsi iaihtewása nek khók ne tewethákwen sotakwarísions ne rónkwe rahohénton ne Rawenni꞉io, nók iáh tsi nahontónhake ne kaianerénsera.

²⁹ Káthon ken ne Rawenni꞉io nek khók ne Sitaeró꞉nons Rahotiní꞉io? Iáh kén raónha ó꞉ni tesakoní꞉io ne iáh tehatisitaeronons? Kwáh seh raónha ó꞉ni.

³⁰ Rahónhak khók ne Ni꞉io, kwáh ó꞉ni ensakotakwarísion neh Sitaeró꞉nons tsi natehóntere ne raónha neh entewanónton tsi nithonetákwen, neh nònʼne sháka ne iáh tehatisitaerónons.

³¹ Ne ken kéntons entewatiakwarísi neh kaianerénsera tsi neh kíʼ tionkwetákwen? Iáh, iáh totèiot; kwáh, entewatiénawasʼte ne kaianerénsera.