Psalms 70 - OhiatonhseratokéntiAterénnaient naonsaiontatiatotaríhsi tsi nokwáh naiontáshons (Teharihwaʼkwáhtha 40.13-17) Ne Raterenhnathentsátha. Né꞉ne Táwit raorénhna, naʼweiahwarátshera tieiéstha. 1 Tasarihwaʼiérik, Ó Sewenní꞉io, nahonsastiatáko! Ó Saiá꞉ner, tesasteríhen tatiatakènha! 2 Aiáwenhs tsi niháti ne ronteniéntʼtha nahionkenonwaʼrhiákon, ronhwaʼtisénhni tánon tehonwananitonniáten! Aiáwenhs tsi niháti ne ronatʼtsenhnónhni tsi natewaʼkanikónhrahre sonwaʼnátʼtat tánon ronhwaʼthisenhnáksat! 3 Aiáwenhs tsi niháti ne thiʼhiontiéron ahonateronhiénten tsi nihonwaʼthisénhnion. 4 Ók aiáwenhs tsi nihiákon ne iesahiatísaks ahontonnárenh tánon ahonatʼtsenhnonhníhake shonháke; aiáwenhs tsi nihiákon ne ienorón꞉kwah ne senténhrat iaʼhiakokonhtakwénhak ahonhníron, “Tsi natehotenonhianíton ne Rawenni꞉io!” 5 Ók kíʼ ní꞉i waʼkí꞉ten tánon tekatkárias, ók kíʼ ne Rawenni꞉io iáh tehatiatanikonrénhʼen. Í꞉se natiatakená꞉tsera tánon takenonsthatonhátsies; tó꞉sa satenhnískwat, Ó Saiá꞉ner. |
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
Canadian Bible Society