Psalms 61 - Ohiatonhseratokénti

Né Naterénhnaien Nahontahiontátene

Ne Raterenhnathentsatha: né áhonste né karenshó꞉taron waterenhnót꞉tha. Né꞉ne Táwit raorénhna.

¹ Sathóntet tsi natekaséntʼthos, Ó Sewenní꞉io; satahónsatat nakwaterénhnaien.

² Ahí꞉non nón꞉we níkes ne tsi nikanakerasehráien tsi iakonhnáton, iáh tatkwéni nahonsakatakáts꞉thate. Iatakasárih tsi nón꞉we ostenhrohhárakeh né꞉ne sénha tsonitsténhrate tsi ní꞉ioht ní꞉i;

³ Asèken í꞉seke nón꞉we nikatasehtákwah, né꞉ne kwáh ionikataníron ne iónkshons iáh tsahónhnewe tsi nón꞉we nakésehke.

⁴ Takeríhon sahnonsatokentikówane akiterón꞉take né꞉ne tsi nénhwe akénhake, akettsénhri nakataséhtakwe nákon tsi iotasátare ne sanerahontsókons. Selah

⁵ Asèken í꞉se, O Sewenní꞉io, sathontéhon tsi niwakararatsthánion; tánon teskáwi tsi nahoténshon iakóien tsi nihiákon ne iesahsénhnaiens.

⁶ Shé꞉kon wé꞉so iosehráke ahonsarón꞉nheke ne ronhnontí꞉io; aiáwenhs ne tsi nenhronnéshonke iahotihiatórenhne ratikwékon tsi wahenekwenhsathátsie!

⁷ Aiáwenhs tió꞉konte ahonontí꞉ioke raohénton ne Rawenni꞉io; ne rohiatanóns꞉tat ne sáwenk iorihwatóken kanoronhkwáhtshera tánon ne sarihwaʼtokentítshera ahothenhnikonhráren!

⁸ Ká꞉ti tiotʼkonhón꞉we tenhwakerihwákwen ne kanonweratónhtshera ne sahsénhnakon, tsi niatewenhniseráke entʼkonhiawíseke ne karihwiʼiosehokónhas.