Psalms 54 - Ohiatonhseratokénti

Naterénhnaient Nahontahionta꞉tene

Ne Raterenhnathentsátha: né áhonste né karenshó꞉taron waterenhnót꞉tha. Né꞉ne Táwit raorénhna (Maskil). Nónen ne Ziphró꞉nons iaháre tánon wahoró꞉ri ne Saul, “Ne Táwit tsi í꞉tewes ken nón꞉we nihotasehtonháties.”

¹ Tatiatanóns꞉tat, Ó Sewenní꞉io, né꞉ne sasénhna í꞉satst, tánon sastsiatotarísi né꞉ne sashaststénsera í꞉satst.

² Sathóntek nakwahterénhnaien, Ó Sewenní꞉io; satahónsatat nakewenhnaʼókons.

³ Ne rontatkowánen tahonenonhátsie nahontahionkatsiatónhti, ne ratiniakátstes hiontiatísaks nahionkenonwariákon; né꞉ne ronhnón꞉kwe ne kwáh iáh othènen tehonwehiáre ne Rawenni꞉io. Selah

⁴ Ók orihwiʼiohónwe, ne Rawenni꞉io tsi rahónha ratiénawaʼse; ne Roiá꞉ner rahónha nenhné꞉e tkakènes.

⁵ Aiáwenhs ne Rawenni꞉io né arátste ne raotirihwahetkénsera tsi ensakoréwate. Kwáh ensakótonhte tsioríhwa tsi nihorihwaʼtó꞉ken.

⁶ Kwáh akattsenhnonhniatserákon tsi enkontátʼtse nakonhiatsienkwaronniáthen; kwáh thenkatenonweráton ne sasénhna, Ó Saiá꞉ner, asèken ioiánere kíʼ í꞉ken.

⁷ Asèken rahónha sakeniakénton kwáh tsi níkon thènen tenhwaʼkenikonhrá꞉ren, tánon khéken ne hiónkshons ronwatisénhnion.