Psalms 53 - Ohiatonhseratokénti

Iáh tehonwatiriwaniʼráti ne Iáh Teotiniiosetráien

Ne Raterenhnathentsátha: tsi niorihwanonwéhon né Mahalath. Né꞉ne Táwit raorénhna (Maskil).

¹ Né tiakotónhnokte rontatró꞉ris, “Iáh teʼkáien ne Rawenni꞉io.” Kwáh ratikwékon tsi ronhnonkwetahétkens, karihwák꞉sens tsi nihotiʼieránions; iáh né saiáta nahioianeréhake né thènen ahohióten ne tkarihwaiéri.

² Né Rawenni꞉io karonhiáke nón꞉we tethesakokánere nonkweshón꞉ha ne nahatkátho tó꞉ka kén ónhkak nahiontenikonratʼtókhake, tánon ronwahiatísaks ne Rawenni꞉io.

³ Kwáh ratikwékon ronwatswateniénhni ne Rawenni꞉io, skát꞉ne tsi wahononkwetahétkenhne. Iáh ónhka ne tehionterihwaʼthentsátha ne tkarihwaiéri, iáh ne tionkwéta.

⁴ Iáh kén tehonatʼthokhatseráien, ratikwékon né꞉ne rotihióthens ne kariwahetkénhsera, tsi niháti ne sakotiiataratsiónkwas nakonkwetashón꞉ha tsi shí꞉ken ní꞉ioht naotinatárakon, tánon iáh tiehonhwanátons ne Rawenni꞉io?

⁵ Ók kwáh kíʼ enhonateronhniénten, né꞉ne iáh nonwénhton thoʼtèhiot tsi ahonateronhienténhni. Asèken ne Rawenni꞉io teharé꞉niate ne raotistsienshónhas ne ronhwaʼtíshons rahonkwetashónha. Kwáh kíʼ enhonwanatéhate, asèken ne Rawenni꞉io sakotstháshion.

⁶ Ó nètho nahotesenhniétsera ne Israel Zion nón꞉we nénhtewe! Nó꞉nen ne Rawenni꞉io ensehsakorihwakwahthákwaʼse tsi nihononnhétie ne rahonkwetashón꞉ha, aiáwens Jacob kwáh kíʼ enhatonhnháren; aiáwens ne Israel kwáh enwatsenhnón꞉ni.