Psalms 51 - Ohiatonhseratokénti

Né Naterénhnaient Nahonsahionthatenikónrenhse

Ne Raterenhnathentsátha. Né꞉ne Táwit raorénhna. Nó꞉nen ne rothokénse Nathan shaohiatorénhne ne Táwit nó꞉nen sahariwanérenhke ne kenthétsera skátke ne Bathsheba.

¹ Takiténhrat Ó Sewenní꞉io, né tsioianénhaf ne iorihwaʼtó꞉ken sanoronkwátshera; né tsioianénhaf tsi niʼiawetowánen í꞉ken ne sanitenhrá꞉tshera sasehrón꞉ko nakerihwanerahát꞉tshera.

² Kwáh toʼkénʼen sastiató꞉hare tsi nòkwah nakerihwanerahákʼtshera, tánon kwáh sewaʼkatkwenienstónhat né꞉ne tó꞉sa ahonsakerihwáʼnerake.

³ Tientères nakenhí꞉tsheras, tánon nakerihwanerahát꞉tsheras tiót꞉konhonwe akʼkénton í꞉ken.

⁴ Waʼkerihwáneren tsi nòkwah ní꞉se, tánon kariwák꞉sen tsi niwaʼkatiéren ne sahénton, tesèhrits nó꞉nen enskénhase, saníkon tsi watestsiatórete tkariwaʼiéri tsi ní꞉ioht tsi wasetréwaʼte.

⁵ Kwáh shontakenhʼnákerate shikonkwetahétken; shiwakeriwáʼneren nakenisténha sahonkatewé꞉ton.

⁶ Tsi nahióntsere ne tkarihwaʼiéri nakawerhiáne nón꞉we ahontakaiénthakwe tánon ne iésehre ne iotokenskehónwe ne Rawenni꞉io raowenhnahó꞉kon né thóh ní꞉ioht tsi rarihwaʼnón꞉tons ne Rawenni꞉io; takerihón꞉nien atʼthokhátseras tsi nòkwah ne ioteriwaʼséhtons.

⁷ Éhʼren sá꞉wit nakeriwaʼnerahát꞉tshera, tánon kwáh ensehwaʼkatkwenienstónhake; sastiató꞉hare, tánon kwáh sénha enskerakénhake tsi ní꞉ioht nó꞉niete.

⁸ Takeríhon nahonkattónhtene ne iotsiaró꞉kwen tsi nihiakotonhnáhere tánon iakotsenhnón꞉ni; satthóntat nostsienshónhas ne tesaríhton nahonshontonhnáren.

⁹ Satarónhtiens akwékon nakerihwaʼnerahát꞉tseras, tánon sasehrón꞉ko akwékon naketerihwatewatónhtshera.

¹⁰ Á꞉se saskerhiashónhnien né꞉ne werhiasí꞉io, Ó Sewenní꞉io, tánon ne saʼsé꞉tha né á꞉se tánon tkariwaiéri ioriwaʼtó꞉ken kanikonraʼnirát꞉tsera nakonháke.

¹¹ Tó꞉sa éhʼren tatiatenháwit né sahén꞉ton, tánon tó꞉sa éhʼren sáwit ne sashaststénsera nakonháke.

¹² Sasetkwathákwas nattsenhnonhniátshera né꞉ne sá꞉wenk sehiathakwátha í꞉ken, tánon takónhnien thóh nahonkenikonroténhake tsi akonwénhnarakwe.

¹³ Eʼthóhʼne kwáh enkherihónhnien ne rotirihwanerahákskon ne satsiawenhrá꞉tsehras, tánon ne rotirihwanerehákskons í꞉seke nòkwah nienshón꞉ne.

¹⁴ Seniákent ne tsi kónnhe, Ó Sewenní꞉io tánon takenónstat, tánon kwáh enkheró꞉ri nonkweshón꞉ha tsi nisaiá꞉neren.

¹⁵ Tatiénawas nakatáti, Saiá꞉ner, tánon kwáh tenhkonhnonweráton.

¹⁶ Iáh né thatesatonhontsóni ne kariwiʼiosehokónhas; tó꞉ka né iakontátʼtse ne watéskonte, iáh né tahisehrenhtí꞉ioste.

¹⁷ Nakeriwiʼiosehokónhas né꞉ne í꞉ken né tsi tewakenikonhraríhon; ne tehioríhon ó꞉ni ne teiawerhiasaríhon, Ó Sewenní꞉io, iáh taskénron.

¹⁸ Ó Sewenní꞉io, tasarihwaiérik tsi nòkwah ne Zion tánon tiénawas; sahshathenhenronniánion ne Jerusalem,

¹⁹ Eʼthóhʼne né enserientiʼiósten ne tkarihwaiéri enkénhake ne kariwiʼiosehokónhas; né꞉ne wateskóntes tánon ne tsekontiʼiatakwékon wattsaháton; tánon eʼthóhʼne ó꞉nen tionhnónskwaron rátsinn enwateskóntake ne sáwenk ietienhsarákwahke.