Psalms 29 - Ohiatonhseratokénti

Ronwasénhnaien ne Ní꞉io thóh Raohiatatokentitserá꞉kon o꞉ni tsi Nihahiatanoronkó꞉wa

Né꞉ne Táwit raorénhna.

¹ Tetsisehwanonweráton ne Roiá꞉ner, Ó sewaronhiakeró꞉nons, tesehwaʼtenonweráton ne raoiatanerahkwáhtsera tánon ne raoshaststénhsera.

² Satróri tsi nihionerákwat ne Roiá꞉ner raosénhna; etʼtsénhnaien ne Roiá꞉ner thóh nón꞉we ne iotokénti raononsatokentiʼkówa.

³ Né Roiá꞉ner raowénhna thóh í꞉wes éhʼneken ne kaniatarakekó꞉wane; ne rohiatanerákwat Rawenni꞉io roweráston, tánon ne raowénhna iatekawenhnaníharas éhʼneken ne kaniatarakhekówahne.

⁴ Né raowénhna ne Roiá꞉ner ioshaststenhseró꞉wanenʼ ne raowénhna ne Roiá꞉ner titkáhere ne kashaststénhsera.

⁵ Ne Roiá꞉ner raowénhna tekaróntsiaks nonentákwenhte; ne Roiá꞉ner teʼarón꞉tsiaks nonentákwenhte ne Lebanon nón꞉we nihioterontónhnis.

⁶ Nó꞉nen ne Roiá꞉ner thenʼronhontsishónkwe, ne tsi ionontarónhnions ne Lebanon éhʼneken iekakwát꞉thos tsi ní꞉ioht né tionhnón꞉kwaron owíra tewaʼnitionkwakwánions, tánon ne Sirion tsi né ní꞉ioht ne kenhnitionaskwahiónha tionhnóns꞉kwahron rátsinn.

⁷ Né raowénhna ne Roiá꞉ner iónhnis ne tahonhninekarahwáʼnion.

⁸ Ne raowénhna ne Roiá꞉ner ráʼwaks ne iahonwentsatʼténhake, ne Roiá꞉ner ráʼwaks ne iahonwenhtsiatʼténhake ne Kadesh nón꞉we.

⁹ Né Roiá꞉ner raowénhna iónhnis né karíhton iohrón꞉tote nahiotsiskahiónhni, tánon kaneráhtens karahkonhkówa; tánon ne raonóns꞉kon nononsatokentiʼkówaʼne, iónhton “Kaiatanerahkwáhtshera!”

¹⁰ Né Roiá꞉ner rénskote ne raonitskwáhrane éhʼneken ne tsi nitsaweʼnótonhkwe; ne Roiá꞉ner rénskote ne raonitskwáhrane rotenonhtiʼióston né꞉ne tsi nénhwe enkénhake.

¹¹ Aiáwenhs ne Roiá꞉ner ahontasaká꞉wen ne kashaststénhsera ne rahonkwetashón꞉has! Aiáwenhs ne Roiá꞉ner asakohiathatériste ne rahonkwetashón꞉has né꞉ne skénhnon í꞉ken!