Psalms 15 - Ohiatonhseratokénti

Tsi Nahóten Rariwanón꞉tons Ne Rawenni꞉io

Né꞉ne Táwit raorénhna.

¹ Saiá꞉ner, ónhka ne iakonatarénenh ahónton aieterón꞉take ne sahtohsehrákon? Ónhka ahónton thóh aieterónhtake ne sanontatokentíke?

² Ónhka ne iakonʼnhétsie ne iáh othènon tehiakonitseráien, thóh niʼiehiéra, tánon orihwiʼiohónwe tsi iontátis nakaweriáne.

³ Ne rawenhnáson iáh tewatátis ne karihwahét꞉ken í꞉ken. Khés nashakokarónhni nakóren, khés nashakonikonrakaréwate ne tehononsanéken.

⁴ Shakokenrónhni tsi nihiákon ne ionthatsatonhtákwen, ók shakokweniénstha tsi nihiákon ne ronwahtsánis ne Roiá꞉ner. Rarihwanírats tsi nihorihwaniráton iekaníhare ne rahónha ahokarónhniate.

⁵ Nenhsakowístani iáh tehára ne watehiárons, tánon iáh thatehonwatsikhetároseh nasakokʼkónhten ne iáh tehiakoníkon. Tsi nihiákon kíʼ kén thóh niweiehnó꞉ten iáh kíʼ nonwénhton tahiakohiathíshonkwe.