Psalms 147 - Ohiatonhseratokénti

Tehonwanonweráton Ne Rawenni꞉io Ne Tsi Naʼtesakorihwasniéʼse Ne Jerusalem

¹ Tehonwanonweráton ne Roiá꞉ner! Tsi niʼioiánere ne tahonwarihwákwaʼse nonkwaní꞉io í꞉ken; asèken kwáh í꞉ken tsi torihwaiéri, tánon né꞉ne karénhna ne tehiontenonweronhkwáhtha tsiathénros nètho í꞉ken.

² Né Roiá꞉ner shokwahtakwenhátse ne Jerusalem; seshakohiataroronhátse ne ástste iehonwatihiatónhtion ne Israeronónke.

³ Sesakotsientonhátse ne teiakaweriasaríhon, tánon sakokentorónhnions tsi nihotikarewátons.

⁴ Rahónha thanóntons tsi níkons iotsistokwahrónhnions; akwékon niesakosenhnawíhon.

⁵ Tehotenonhnianíton ne Sonkwahiáner í꞉ken, tánon roshaststenhserowánen; ne raonikonraientátsera iáh tsehiotót꞉te.

⁶ Né Roiá꞉ner sesakokétswas ne tehiontonhnakárias; ne hionkwetahétkens ohontsáke iesakoiatónhtses.

⁷ Tetsisewarihwákwas ne Roiá꞉ner ne tehiontenonweratónhkwah; onhowakówa ne karensotáron tsi sewaterenhnhót꞉tas nónkwah Ní꞉io.

⁸ Otsatasónhas rarorókstha ne tsi karonhiáte, raweienénhtas nahiokénhnore nonhontsáke, ne rónhnis nóhonte nakonteiáron ne tsi ionhniarónhnions.

⁹ Sakokkwahnóntens ne kontitshénens, tánon ne ken nitotihiónsas tsiókawes nónenh tenhonséntʼtho.

¹⁰ Iáh ne tehawerientiʼióstha tsi nakonhtisháststeke ne kosáthens, iáh ó꞉ni thóh natahokátonhke ne teharátats;

¹¹ ók kí ne Roiá꞉ner ne rawerientiʼióstha tsi niʼiákon ronwatsánis, rononháke tsi niháti thóh nón꞉we nihotiráhre ne iorihwató꞉ken raonoronhkwáhtshera.

¹² Tehonwanonweráton ne Roiá꞉ner, Ó Jerusalem! Tetsisewanonweráton ne sewaní꞉io, Ó Zion!

¹³ Asèken rashaststenhseráwis ne tekaristáronhwe ne tsi sathenhenrakáronhte; sakohiataterístha ne sehiohokónhas shonháke.

¹⁴ Tatkáwas ne skénnon ne tsi sateristhatátse; né iathathéhni ne kwáh tkanatsí꞉ios.

¹⁵ Tateniétha ne raorihwatátʼtseras ne tsi ionhontsáte; tehióka ne raowenhnahókons.

¹⁶ Tatkáwas nóniete kwáh né꞉ne ononhwèron; tehareniátha nosakénseras tsi ní꞉ioht ne wakenronhtákwen.

¹⁷ Thóh wishióntses tsi ní꞉ioht nonawátsiste— ónhka aiekwéni nahiontakátsthate ne raówenk iowísto?

¹⁸ Tateniétha ne raowenhnaókons, tánon nówise wakawistanáwen; tánon iehotewerónhtses ne rahonhnísera, tánon nonékanos watnékines.

¹⁹ Thóh wis ne raowénhna ne Jacob, ne rahorihonhnienhnítsheras tánon ne raoianerénhseras ne Israeronónke.

²⁰ Iáh thóh nió꞉re tsi thatehonterihwasónhtera ne tiʼononhontsátes; iáh teonateriéntare ne raoianerénhseras. Tehonwanonweráton ne Roiá꞉ner!