Psalms 134 - Ohiatonhseratokénti

Taiontenonhwerá꞉ton noʼkarasnéha Nikahá꞉wi

Né꞉ne karén꞉na ne ienonhtarástha.

¹ Káts, tetsisewanonweráton ne Roiá꞉ner, sewakwékon ne tsi sewahióthenhse ne Roiá꞉ner, sewakwékon ne nasontʼthénhne sewahióthens Nononsatokentikówaʼne.

² Sewanentʼtsakétsko tsi nón꞉we ne iotokénti í꞉ken, tánon tetsisewanonhweráton ne Roiá꞉ner.

³ Aiáwens ne Roiá꞉ner, ne róhson ne tsi karonhiáte ó꞉ni tsi ionhontsáte, ahiaʼiatatérisʼte ne Zion nónhwe nahontáwe.