Psalms 113 - Ohiatonhseratokénti

Rawenni꞉io sakoiénawáhse ne Teiontʼkaras

¹ Tehonwaʼnonweráton ne Roiá꞉ner; Tesewaʼtenonweráton, Ó sewaʼnhátsheras rahonháke ne Roiá꞉ner; tesewaʼtenonweráton raosénhnakon ne Roiá꞉ner.

² Tehiontenonweráton raosénhnakon ne Roiá꞉ner kwáh kénʼen iewaʼtásawenh tánon ne tsi nénhwe enkénhake.

³ Kwáh tsi nentkarakhinekénʼne né꞉ne tshenskarákwenhne ne raosénhna ne Roiá꞉ner tsi tenhiontenonweráton.

⁴ Ne Roiá꞉ner kwáh éhʼneken sakotohesthakwénhni nonkweshón꞉has, tánon ne raohiatanerakwáhtshera iothohétston ne tsi karonhiátes.

⁵ Ónhka thóh naiehiatothénhake tsi ní꞉ioht ne Roiá꞉ner ne nón꞉kwah Ní꞉io í꞉ken, tsi nón꞉we thenskó꞉te ne kwáh éhʼneken tsi karonhiáte,

⁶ ahí꞉non nió꞉re eʼtàke tatʼkáthos ne tsi karonhiátes tánon ne tsi ionhontsáte?

⁷ Tesehsakotástha ne iakóten nokenràhke, tánon tesehsakotástha ne tehiontkárias ne tsi iehiakotsethákwah,

⁸ tánon sakahonhniénhnis skát꞉ne ahóntsien ne rotinontí꞉ios, né꞉ne sakotinontí꞉ios ne rahonkwetaʼshón꞉ha.

⁹ Sakononsonhniénhnis ne iáh tewáʼtons ahiotiwirahiéntaʼne, né káti nahónton nakonhtonhnáren tsi kanisthénsera enkónton tsi nòkwah ne ratiksaʼokónhas. Tehonwaʼnonweráton ne Roiá꞉ner!