Matthew 1 - Ohiatonhseratokénti

Oriȣatokenti Tsinihoiaton ne Roiataiokenti Ȣatio.

¹ KENH Kaiaton tsinithotenekȣensinon ne Iesos-Keristos, David roienha, Abraham roienha.

² Abraham roienha ne Isaak; Isaak roienha ne Jacob; Jacob roienha ne Judah tanon ne rontatekenhokonha.

³ Juda roienha ne Phares oni ne Zara Thamar roteȣe-tonni; Phares roienha nʼEsron, Esron roienha nʼAram.

⁴ Aram roienha nʼAminadab, Aminadab roienha ne Naasson; Naasson roienha ne Salmon.

⁵ Nok ne Salmon roienha ne Booz Rahab roteȣetonni Booz roienha nʼObed, Rut roteȣetonni; Obed roienha ne Jesse.

⁶ Nok ne Jesse rohnontiio David roienha; David ronontiio roienha ne Salomon, Urikenha rone roteȣetonni.

⁷ Nok ne Salomon roienha ne Roboam, Roboam roienha nʼAbias; Abias roienha nʼAsa.

⁸ Nok nʼAsa roienha Josaphat, Josaphat roienha ne Joram, Joram roienha nʼOsias.

⁹ Nok nʼOsias roienha ne Joathan, Joathan roienha nʼAchaz, Achaz roienha nʼEzechias.

¹⁰ Nok nʼEzechias roienha ne Manassé, Manassé roienha nʼAmon; Amon roienha ne Josias.

¹¹ Nok ne Josias roienha ne Jakim, nonen Babylonke ȣiiaonȣatinaskȣenhasere, nihoȣiraientaon ne Jakim nehne Jechonias tanon ne rontatekenhokonha.

¹² Nok nonen siiehonȣatinaskȣenha Babylonke nihoȣiraientaon ne Jechonias nehne Salathiel; Salathiel roienha ne Zorobabel.

¹³ Nok ne Zorobabel roienha nʼAbiud; Abiud roienha nʼEliacim; Eliacim roienha nʼAzor.

¹⁴ Nok nʼAzor roienha ne Sadok; Sadokroienha ne Achim nok nʼAchim roienha ne Eliud.

¹⁵ Nok nʼEliud roienha ne Eleazar, nok nʼEleazar roienha ne Matthan, Matthan roienha ne Jacob.

¹⁶ Nok ne Jacob roienha ne Sose nʼOnȣari rone nok aonha ionkȣateȣetonni ne Iesos-keristos ronȣanatonkȣen.

¹⁷ Kentho kati kahiaton tsinikon teiotereseranet. Kaieri iaȣenre teiotereseranet tsinatehiatere nʼAbraham tanon ne David; Etho tsiotasaȣe tsiniiore Babylonke siiaonȣatinaskȣenhaȣe Kaieri oni nehneh iaȣenre nateiotereseranet; Etho are tsiotasaȣe Kaieri are nehneh iaȣenre teiotereseranet tsiniiore niiehonakeraton ne Iesos-Keristos.

¹⁸ Kenh niiaȣenhon tsi ronakeraton ne Iesos-Keristos: Onȣari ne ronistenha, Sose ronȣatiniaktenhni; ok taontierentsi onen oia niionnhoten, areko ok ohseronni siniteron eh nithoteȣeiennonni ne Rotkon-Roiatato Kenti.

¹⁹ Nese ȣaonni ne rone, Sose tsinihoriȣakȣarision ȣarere senha ioianere notasetonkeha taha teȣentete tsiniiot nahatehate.

²⁰ Nok tanon sekonok nehe nihanontonnionskȣe, Raronhiakeronon ȣahotehtsaten, nok ȣahaȣenhase: Sose, David iaienha, tosa tesanonhianik ne taesoniiasehake ne teseniteron: Kahtiken onkȣe eh niiakoieren, Rotkonse Roiatatokenti roiatonni ne kaiatakon raiatat.

²¹ Nok roskenraketa enkenhake nenhioȣiraientane; Iesos enhtsenatonkȣe: Asekenraonha sariȣatontane ne kariȣaneren.

²² Neh ȣahonni etho nahaȣenseron nahoȣennaierite ne Niio, Rotitokensehakȣe ronȣaȣennakaratatskȣe, ratonhakȣe:

²³ Iah tekanakȣaienteri nenhioȣiraientane; Emmanuel enhonȣanatonkȣe; neh sakat naiahiron Niio teȣakȣekonhatie.

²⁴ Aksekon ȣahariȣaierite tsinithotati ne Raronhiakeronon nonen Sonsahaie ne Sose, ok Skennen tatonsaharhoton ne rone.

²⁵ Nok ki tanon iah othenon tehaieren tsiniiore iarennakerate ne takoȣanen roienha; nok Iesos ȣahonatonkȣe.