Lamentations 1 - Ohiatonhseratokénti

Ne Jerusalem Ahonikonrakséntshera

¹ Iatetioʼiatíston ne Jerusalem, tewenniserátekwe kwáh titkanenráhrakwe! Tewenniserátekwe tsi niʼionwéntsia tekonwarensáronskwe, ó꞉nen nónwa thoníʼioht tsi síken ní꞉ioht ne ioteréʼons; Né kwáh tkasennowanénʼne tsi níkon ne kanahtowá꞉nens ó꞉nen kanáskwa iotónʼon.

² Ahsontakwékon tewasénthos; nahokáseri watnawí꞉ne ne kanókwa꞉ke. Rathikwékon ne nahoteroserahokonkénhen, iáh né saiátat tsiaʼtetiotaténron nakonwanikonrahnírate. Neh tionatenrhóhonʼne wakonwatennínon tánon ó꞉nen rahtikwékon skonwátkon꞉te.

³ Ne Judahʼs ahonkwetaʼsónhas iáh ó꞉nen thènen thesatístas tsi natehothonnakárias, ronwananakerakwáton. Àkteʼnon tkanakeraserá꞉ien iesathinákere, iáh teshononwéntsiaien nahathináthonkwe roʼnónha rahonáwenk— Ne꞉ne tehontáswens tehonwatihonwarónni, iáh kanèka tsiahón꞉ne nahonsahatiniákenʼne.

⁴ Iáh ó꞉nen ónka tatetionterennaiénnes nononsatokentíke nawentatokentíkes Ne nitiotihiónsas ne thóhnon natekontiriwáhkwakwe konwatiʼiatinekénhen, tánon ne rathitsihénstatsis kwáh nèn꞉ne thotinikonrén꞉en. Tsi iotenhenrentónnions ne kanátakons kwáh tsatehiotenonhóntions, tánon ne Zion kwáh íken tsi ioronʼiáken.

⁵ Ne tehontátsʼwens wahonateriwahténtsiase; rahothishastenserákon non nikonwaiéhnen. Ne Roiá꞉ner wahrónnien nakaroniáken kwáh tsi níkon ioriwáneren; Nakohioʼokónha ronwathiʼhiénen tánon iehonwathiʼiaténha.

⁶ Ónen iáh thènen ne tèsken tsi niʼiohnatanerakwáthonʼne ne Jerusalem. Nahonkwetaʼsónhas nohénton iehonnéton ne tesshontiérens tsi ní꞉ioht noskenónthon tsi nihiotsiʼióha ne tsi niwathonkárias, Skanórons ahonteshastenserókten tsi nihonatekweʼháties tsi nòkwah ne rontórats.

⁷ Kwáh nék khók ne ietsahonthónnia, Jerusalem sewatatehiarakwénnis tsi niʼionatanerakwathón꞉ne tsi nitsawénon. Sakonwasénni ne konwásons, iáh ónka tehiotetʼtsénrion nakonwasniénonke; Né konwasénnion wahkonwastériste tsi nihiótion.

⁸ Nahorensaróntsera iotónʼon; ahoʼnhostóskon íken tánon titkonwanonthónni tsi konwaié꞉nen. Iahonséhna tánon hiotkonsaséhton tsi niwatéhens. Kwáh ahónha ne Jerusalem waʼtewathatsatátsionsʼte neh kwáh tehiotenonianíthon ne kariwanerahákʼtshera.

⁹ Kwák thiwéʼne nahiontkátho tsi niʼiáh tehiotkwé꞉niens, nók kwáh iáh othénen teiawenésthon nahonsterístake tsi niʼiothaterakwénni. Kwáh iotathiténrat tsi ní꞉ioht tsi thonwaiaténton; iáh tewathétseres nónkak akonwanikonranírate. Ne tehontátʼtsions ronatkwénion, tánon Roiá꞉ner iehonekénnis nataniténron.

¹⁰ Ne tehontátʼtions akwékon wakonwanénsko nahotiokowatiéras. Waʼakoken iáh hontaweiáhte nononsatokentikowáhne tsi nón꞉we ne Roiá꞉ner roriwáston ne iáh tehatisitaehró꞉nons iahontáweiate.

¹¹ Nahonkwetaʼsónhas ronnonsenénʼnes tsi rathikwísas nahóten hahónneke; watontáton ne raotiʼientátseras ne káhkwa né꞉ne ahonónnheke. “Takenʼénion Saiá꞉ner, tátkens tsi nikonnakʼsen,” ne kanatowá꞉nen tewaséntsos.

¹² “Aiáwens thósa níse thóh nahisaiátawen,” iatehiohenréta nónka iakothohestonhátie. “Taskatkáto! Àrok nonwénton nónkat thóh naiakokararenséken tsi ní꞉ioht Í꞉i, kanonhwakténtshera tahákon ne Roiá꞉ner tsi nikaríwas ronakwenhén꞉ne.

¹³ “Tahaténiete nótsire ne éhneken nontáwe, néh꞉ne tiatákon non nihiotékha. Wahakateristaiénhase tánon wathonwakonhontsióiente. Etʼthóne éhthot tahakátkaʼwe tánon kwáh tiókonte tsi wakahkarárens.

¹⁴ “Wahahiatónnion akwékon nakeriwanerahákʼtseras tánon akwékon watesakónerenke; Tánon ne wahakniasánereke, tánon neh watewakwisenhéiate tsi nihiókste. Ne Roiá꞉ner teiakwatátʼtions non niahatiaténhawe, tánon kwáh iáh othénen téstha ne rahothihénton.

¹⁵ “Ne Roiá꞉ner wahostériste ne kwáh tásaste nakonkwéta raterí꞉ios; Ronterí꞉ios tasakothéniete nasakóthonte nakonkwetaʼsónhas nithotihiónsas. Wahtesakoskwáseron nakonkwetaʼsónhas tsi ní꞉ioht ne tsi tehionhiarithákwa noʼnénhare káhik.

¹⁶ “Ne kíʼ aoríhwa ne kharáke kwáh thitewakʼkhaseráheʼrhe. Iáh ónka taiekwéni naionkenikonranírate; iáh ónka taiekwéni naionkenikonráhreke. Ne iónkswens ionkesénnion; nakonkwetaʼsónha kwáh iáh othénen tesohthíʼien.

¹⁷ “Hiatewakátiate, nók iáh ónka thahiontsniénon. Ne Roiá꞉ner iasakónonke ne iónkswens kwáh tsík nonwéson nontahón꞉ne; Thóh non tahióntʼtate tsi ní꞉ioht ne kwáh tehiótion.

¹⁸ “Nók ne Roiá꞉ner roriwakwarísion, asèken riwennóntion. Takwatahónsatat, tionkwetaʼkwékon kwáh tsiknonwéson akénhake; takwakʼkátho tsi naʼtewakawehésta. Nithonthihiónsas óni nitiothihiónsas ronwathiʼiénen.

¹⁹ “Iakhènonke nón kwatenrosónhas, nók iáh tehonatʼthontáton nahiontiénawaʼse. Ne rathitsihénstatsis ó꞉ni ne ionkhiʼhenténsens tsi tekanatokenhátons rohnenhéions, Rathitkwísaskwe onʼnaiáwen꞉ne nahonnónʼneke.

²⁰ “Satkátho, O Saiá꞉ner, tsi niwakeronhiáken, tsi niʼiokarárens nakwathónnhes! Tewakeriasaríʼon tsi niwakenikonráksens nakeriwaneraháktseras. Sakonasétas ne tsi tekanatokenhátons; iahióhe nòn꞉ne kanonskónsons thóh ronnihéions.

²¹ “Satahónsatat tsi niwakonsèhna; iáh ónka naionkenikonranírate. Ne iónkswens tsi nihonatʼtsenʼnónni tsi nasekʼkarónni. Tásaf nenʼnísera tsi nisarahrátston; sehiónnien ne iónkswens nahatironhiáken tsi ní꞉i ní꞉ioht.

²² “Sehrèwat rathikwékon tsi nihonnonkwetaʼhétken; Sehréwat kwáh tsi ní꞉ioht ni꞉ih tsi tatrewáton nakeriwanerahákʼtseras. Wakonsènah tsi niwakeroniáken, tánon kwáh wakeriasanónwaks.”