John 20 - Ohiatonhseratokénti

Teȣasen-aton teioteriȣasonterakȣen Oriȣatokenti tsini hoiaton Roiatatokenti San.

¹ Aȣententaonke, ȣariȣatere eh ȣahete tsi thaiatatakȣe sekon ok satetiokaras, nok ontkatho tsi kanenhiarakȣen ne kanontektonne.

² Tonsonratate saiakororiana ne Simon Tier tanon ne Iesos ronoronkȣakȣe, ȣakenron: Sonȣaiatatakȣen ne Roianer nʼoshonȣakon; iah oni teionkȣaterientare kah niiehonȣaiatenha.

³ Nensok rotention ne Tier tanon ne Saiatat, nok eh ȣanete tsi tioshonȣe.

⁴ Nok tetsiaron tenitakke; ne tanon ne saiatat ne tehoka tsiniiot ne Tier, neh kati rahente iaharaȣe tsi tioshonȣe.

⁵ Nok iathastsakete iahatketoten, ȣahatkatho nʼo-niatarahasonha eh kakeron; iah ki tanon tiiehostsnenton.

⁶ Ethone ne Simon Tier ohnaken ratakhe eh ȣaraȣe, nok tahastsnente oshonȣakon ȣahatkatho oni ne raonha noniatarahasonha ehtake kakeron.

⁷ Nok ne rotenontsistoroktonne ne Iesos iah tiiatekaieston nʼotiake oniataraasonha akȣa neneh akte nikaien tanon kaȣenonni.

⁸ Ethone onen ne rahentene siiahaheȣe tsi iokaronte, iahastsnente oni neneh nok ȣahatkatho taretakȣe oni.

⁹ Aseken areko sihoterientare tsiniiot tsi kaiaton tsi enshatonnhete.

¹⁰ Nok saiatenti.

¹¹ Kenh kaien nʼOnȣari astste naoshonȣati kenteron teȣasenttos; tsi kati nikariȣes teȣasenttos, iaontketoten oshonȣakon.

¹² Nok eh ȣahakoken Tenironhiakeronon kenrakenseroskon ronastston, nistskȣahere saiatat tsi rakonhentakȣe, nok saiatat tsi iatehasitaientakȣe ne Iesos.

¹³ Nok ȣakonȣenhase: oh niiotieren tsi tesasenthos? tontakenron: ne ki tsi teionkekȣenni ne Roianer, tanon iah teȣakaterientare kah onte niiehonȣaiatenha.

¹⁴ Nok nonen siiaonteȣennokten, ȣateȣatkarhateni, nok ȣahoken eh ihrate neneh Iesos; iah kitanon tetioterientare iah oni teiaȣeron neh ontekenh ne Iesos.

¹⁵ Ȣahenron ne Iesos: oh niiotieren tsi tesasenthos? onka seiatisaks, ȣahere naonha tsi onnontonnion neh kenh ne ratsitsiaienthos, ȣahaȣenhase kati: Saianer; toka ise iestsiatenha, takrori tsinonȣe nisaien nok iensekko.

¹⁶ Sarenhase ne Iesos: ȣari! nok tonsontkarhateni, ȣahaȣenhase: Rabbonni!

¹⁷ Tontahenron ne Iesos tosa kenh niiatatier: aseken areko Rakenineha tiieseȣakenon; ȣas tanon seroriana nʼiakȣatatekenha: Rakenineha sake, nok etsiseȣanineha oni nise; Ake-Niione, Etsiseȣa-Niione oni nise.

¹⁸ Ȣari-tere ionsonȣe nok saiakorori ne raotiokȣa tsi sahoken ne Roianer nok oni tsi raonha rarori neh nikarihoten.

¹⁹ Nok okarasneha nonkȣati, neh ȣenniserate ne tiotenniseratierenton noiaiakserake, akȣekon kannhoton tsinikon kannhokaronte tsinonȣe nihonatkennison ne raotiokȣa ne tsi sakotistsaniskȣe ne Sitaeronon, eh ȣahataȣeiate ne Iesos, rahotinenrihen etho ȣathatane nok ȣasakaȣenhase: skennen tikenhak!

²⁰ Nok nonen saharihokten, ȣasakonatonhase rasnonsakesson oni ranahatake; nok ne raotiokȣa ȣahontonnharen tsi sahonȣaken ne Roianer.

²¹ Nok sekon sahenron ne Iesos: skennen takenhake niseke! Tsiniiot tsi takatorion ne Rakeniha etho oni nise niiot tsi iakȣatori.

²² Nok nonen saharihokten, raonnisera iasakorontate nok ȣahenron; seȣaiena ne Ronikonriioston.

²³ Onka kiok, entsiestsirakeȣase nakoriȣaneraaksera, entsiakoterakeȣase; nok nenhietsinerenkse, enhiakotnerenkse.

²⁴ Kenh kaien nʼAtonȣa ronȣanatonkȣa Dydime, enskat raiatarakȣe ne tekeni iaȣenre Nihati, iah eh tehenterontakȣe sahakȣatho ne Iesos tsinonȣe notiake nihatiterontakȣe.

²⁵ Nok ne ronatiake, sahonȣarori ȣahonniron: sesakȣaken ne Roianer. Nok tahenron: toka iah tenkatkatosere tsi karonȣaraieronnianion, iah oni tiiakanisnonsorokhe tsi nonȣe nikaronȣarotonkȣe, iah oni tiiakienasere ne ranahatake, iah ki taontaketakȣe.

²⁶ Nok satekon nonta ohnakenke, kanonskon are ratiteron ne raotiokȣa, raiatare oni nʼAtonȣa, Iesos eh ȣahoketote, kannhotonnion sane tsi kannhokaronton, rahotinenrihen eh ȣathatane, nok ȣahenron: skennen tikenhak niseke!

²⁷ Ethone iahaȣenhase nʼAtonȣa; kenh iasanisnonsoten, nok skahenhion ne kesnonke; iatsiena oni ne kenahatake; nok tosa sasatennoȣentastskonhak, sariȣatokenhak tanon.

²⁸ Nok nʼAtonȣa tahenron: Saianer nok Ake-Niio.

²⁹ Nok ne Iesos tontahenron: neh tsi ȣaskken Atonȣa, tasetakȣe; iakotaskat nonka iah teiakotkathon nok tiakaȣetakon.

³⁰ Sekon eso tsinihoieren ne Iesos rahotihenton ne ratikȣekonne ne iah tekaiaton ne kentho kaiatonserakon.

³¹ Nok tsi kaiaton ne kenh kaien, neh ki naonteseȣetakȣe tsi Keristos ne Iesos, Niio Roienha, nok tsi entihseȣetakȣe ne raosennakon enseȣaientane naetsionnheke onȣe.