John 16 - Ohiatonhseratokénti

Iaiak-aton iaȣenre teioteriȣasonterakȣen Oriȣatokenti tsini hoiaton Roiatatokenti San.

¹ NEH ȣaonni ȣakȣarori neh nikarihotens nene tosa aeseȣatateriȣaientaten.

² Enhietsiiatekȣate tsi ronterennaientakȣa: ienkaeȣe oni nenhietsirio, ronhnere taiakȣariȣaierite tsi nonkati ne Niio.

³ Neh ȣaonni eh nenhietsiierase ne tsi iah teionkhiienterhaon ne Rakeniha, iah oni nii.

⁴ Neh ȣaonni ȣakȣarori, nonen ienkaeȣe aonseseȣeiarane tsi kȣarori; nok iah oksaok tetkȣarori tsi tiotasaȣe neh ki tsi teȣakȣekonhatieskȣe.

⁵ Onen tanon nonȣa eh sake tsi thenteron ne takatorion; nok iah onka tsinitsion teȣakeriȣanontonnis nakenron kahȣase?

⁶ Ok eken tsiniiot ne ȣeseȣanikonrario tsi ȣakȣarori neh nikarihoten.

⁷ Oriȣiiose sane tsinikȣarori: Seȣatsennonniat oni naonsakatenti. Aseken ne iah tenskatentionhe iah ki tahontare ne Sakohnikonriiosta, nok tanon nenskatenti enthiiatenniete iseke.

⁸ Nok nonen enhraȣe, raonha ensakohnikonrasenni nonkȣeokon kariȣanerenhenne, ateriȣakȣarisiontserakon nok kaiatoretatserakon,

⁹ Kariȣanerenhenne, ne tsi iah tethonetakȣen naksennakon.

¹⁰ Ateriȣakȣarisiontserakon ne tsi Rakenineha sake, nok iah taonsaskȣakenseke,

¹¹ Kaiatoretatserakon ne tsi onen tekonȣaiatoretakȣenthon nonȣentsiakeronon konȣakoȣanen.

¹² Sekon eso ioriȣake ȣakeriȣaien nakȣarori; iah ki taeseȣakȣeni naeseȣaronke nonȣa.

¹³ Nok tanon nonen enhraȣe ne Ronikonratokenton, kariȣiiotserakon enstsiseȣasharine, aseken iah tehaonhaa tsi enhatati; neh tanon enshatrori tsinikon enhoronken, nok neh oni enhtsiseȣarori tsi nenhia ȣenseronne.

¹⁴ Raonha enhaksennoȣanate; aseken tenrakȣe nakaȣenk nok enhtsiseȣarori.

¹⁵ Tsinikon roien ne Rakeniha, akaȣenk; nese aoriȣa ȣakiron, tenrakȣe nakaȣenk nok neh hentsiseȣarorianion.

¹⁶ Akȣa niskariȣessa onen iah taonsaskȣaken; nok iah tekariȣes onakenke onen are onseskȣaken: aseken Rakenineha sake.

¹⁷ Otiake ne raotiokȣa ȣahonniron: nahoten ronton tsi raton: iah teskariȣes onen iah taonsaskȣaken; nok kenh nikariȣessa ohnakenke onen are enseskȣaken: aseken Rakenineha sake.

¹⁸ Rontonhakȣe kati: nahoten kenton neh nikaȣennoten: nikariȣesha? Iah teionkȣanikonraientas tsinahoten renton.

¹⁹ Nok ne Iesos roterientaratsion tsi ronnere asakȣariȣanontonse, ȣasakaȣenhase: teseȣatateriȣanon-tonnionni tsi nahoten ȣakiton tsi ȣakiron: kenh nenseȣeha onen iah taonsaskȣaken: nok kenhnenȣeha onakenke onen are enseskȣaken.

²⁰ Oriȣiio akȣa oriȣiio tsi kȣarori, tsi tenseȣasenthoseron, nok entsionsenanion; nok enhiontonnharonnion nonkȣeokon: katon enseȣanikonraksenseron, nok ki tanon atonnharatsera tenstiatteni ne seȣanikonraksentsera.

²¹ Tsiniiot ne tsiothonȣisen ioȣiraientasere, ȣattokas eso oni tsi ioronhiaken aseken onen ieiotenniseriheȣi; nok tanon nonen teiotohestston, iah othenon teseȣeiare naoronhiakensera, neok enskat tsi tsiotonnhahere tsi onen are enskat nʼonkȣe saionnakerate.

²² Etho kati nonȣa oni nise niiot seȣanikonraksens; sekon ki tanon enskȣaken nok entsiseȣatonnharen, nok iah onka taonsaietsikȣa ne seȣatsennonniatsera.

²³ Nok ethone iah othenon taonsaskȣariȣanontonse, Oriȣiio, oriȣiio, tsi kȣarori akȣa tsi ok nahoten entsiseȣariȣanontonse ne Rakeniha nii aksennakon akȣekon entsitsion.

²⁴ Tsiniiore nonȣa, areko othenon teseȣariȣanonton naksennakon; seȣariȣanonton nok enseȣarane, naeseȣatsennonniatseriiohake.

²⁵ Tekeriȣakentonkȣa nonȣa tsi kȣarori; ienȣatenniseriheȣe tanon nonen iah tataonsakȣariȣakentonkȣenniheke tsi enkȣarori, akȣa tanon entkeriȣakȣarisiate tsi enhiiatrori ne Rakeniha.

²⁶ Ethone aksennakon enseȣariȣanonton, nok iah takiron enhineken kenh ne Rakeniha nise seȣariȣake.

²⁷ Aseken hetsiseȣanoronkȣa oni neneh ne Rakeniha, aseken takȣanonȣehon, nok tiseȣetakon tsi Niione niteȣakehnon.

²⁸ Rakenineha niteȣakehnon, onȣentsiake teȣakehnonton; nok nonȣa skatkenratane nonȣentsiake, nok Rakenineha sake.

²⁹ Tahonniron ne raotiokȣa: onen tokenske sariȣakȣarision, iah oni tesesaststa ne tekariȣakentonkȣen.

³⁰ Onen oriȣiio ȣahationni tsi oriȣakȣeko nniiesaterientare, iah oni tateiotonȣentsiohon naiesarȣainontonse; neh kati ȣaonni tionkȣetakon tsi Niione tisaientakȣen.

³¹ Tontahenron ne Iesos, onen kenh tiseȣetakȣen?

³² Onȣatsiok ienkaheȣe, onen ki oni ieiohe ne taietsiiareniate, tsiseȣaiatatson tsiniienhenseȣe, nok akonhaa ienseȣakatatenre; iah ki nehne teȣakonhaa.

³³ Aseken iakenikȣekon ne Rakeniha.

³⁴ Noh ȣaonni ȣakȣarori neh ne skennen aeseȣanontonnionheke nii akeriȣake, seȣanikonranonȣakhe nonkȣehne; seȣanikonranironhak tanon, kesennion nonȣentsiakekha.