Joel 2 - Ohiatonhseratokénti

¹ Sewatá꞉tis ne iehonrawatsthakó꞉wa ne Zion nón꞉we; sewatá꞉tist ne watewenhnhót꞉tha nakenontatokenhtí꞉ke! Kwáh ratikwé꞉kon ne ienáhkere nonwenhtsà꞉ke iakohiathiʼshónk! Asè꞉ken ne Roiá꞉ner rahwenhní꞉sera tsi tá꞉we, ákta í꞉wes—

² ne enwenhniserá꞉te tsi nathentsiokaráseke tánon kwáh thentsoká꞉rawe, ne enwenhniserá꞉teke enhiotsatarónhnionke tánon iáh shó꞉tsi tahonsahionkentónke! Kwáh né꞉ne tahiorenhenhátie thóh tewaʼré꞉ni tsi ionhnontarónhnions ronatiohkowá꞉nen tánon ratiʼshátstes onkweshón꞉as; ne ní꞉ioht iáh nonhwén꞉ton thóh tetsawénhon ne wahón꞉nise tkénhne, iáh ó꞉ni nonhwén꞉ton shé꞉kon thóh tahonsaiá꞉wenhne tsi niahawenonhátie.

³ Ó꞉tsire iotsahatonhátie ne raotihén꞉ton, tánon ne ratisónhne iotonkwahtékha. Ne raotihén꞉ton ionhontsá꞉ien thóh ní꞉ioht kwáh né꞉ne tsi kahetáien ne Eden, ók tsi nihonatohétston kwáh ahonhotiónskon iontónhon ne iahonwenhtsathénhake, tánon kwáh iáh thahóthen nahonsahotiniá꞉kente.

⁴ Thóh nihontkathotseró꞉thens kwáh né꞉ne kohsá꞉tens. Tánon kwáh né꞉ne kohsá꞉tens raʼtitatkhenónhtses.

⁵ Kwáh né꞉ne tehiontonhá꞉rere notiónhkwas, ionitionkwahténion nonhotoharakésons, kwáh né꞉ne watsiratónhkwas nó꞉tsire iotsahatonhátie kawá꞉he, thóh ní꞉ioht kwáh né꞉ne ratiʼshátste ronterí꞉ios rotinenhraserón꞉ni nahonterí꞉io.

⁶ Tsi nenhtonwaʼken, akahontsakwé꞉kon waherón꞉hiaken, ratikwé꞉kon ronahnitiokwahró꞉ron tsohotirihwaié꞉was.

⁷ Tsi ní꞉ioht ne ronterí꞉ios ratitátke; tsi ní꞉ioht ne ronterí꞉ios iathontawénhrate ne tsi wathenhénrote nosthénra. Ne satihiatatʼtions kwáh ioʼthakwahrí꞉shion tsi nihotinenhraseronhnihátie, iáh thatehotihiathéntons tsi ní꞉ioht tsi ronathahítake.

⁸ Iáh tsiatehontatkwahthánions, ne satihiatatʼtions tsi nón꞉we nienhón꞉ne; nó꞉nen ienhatiiatienénhne raonasárake tánon iáh thahó꞉then tehotikarewá꞉ton.

⁹ Iathotisterí꞉hen ne tsitkanatowanénhke, ratitatkenóntie aʼthenhenratʼthátse ne tsi wathenhenró꞉te nosténhra; wahatirát꞉then ne tsi kanonshó꞉tons, iahontawehiathánion ne tsi kanonstonhkwahkarónhtons tsi ní꞉ioht ne ratinénskwas.

¹⁰ Watsahontsíshonkwe ne raotihén꞉ton, asè꞉ken ne tsi Rawenni꞉io wahá꞉wake ne tsi karonhiá꞉te. Ne karáhkwa tánon nasonthenhné꞉kha karáhkwa enwaterakwáhton, tánon ne tsi iotsistohkwarón꞉nion iáh ó꞉nen thatahonsakaswát꞉thete.

¹¹ Ne Roiá꞉ner kwáh enhatá꞉ti raotihén꞉ton ne raonkweʼtashón꞉as ronterí꞉ios; ne raonkweʼtashón꞉as ronterí꞉ios iáh tewashé꞉ton tsi nionatiokowanen, nón꞉ka enhatewénhnaraʼkwe ne raorihwatatʼtsera enhashátsteke ki! Asè꞉ken ne rawenhní꞉sera ne Roiá꞉ner tsi enwenhniserowá꞉nen tánon thenhiotenonhianì꞉tonke! Ónhka iaiekwé꞉ni nahiontakátsthate?

¹² Iehió꞉he shé꞉kon nón꞉wa, ráton ne Roiá꞉ner, kwáh sewerhiasakwé꞉kon akonhá꞉ke natontásewe, sewenhthón꞉tiet, tánon tesewasénhtho, tánon shewatsiónhnion;

¹³ sewathaterhiasharaʼtiónko tánon iáh ne sewatserónhnia. Thóh nionshá꞉sawe rahonhá꞉ke né Roiá꞉ner, sewah Ní꞉io, asè꞉ken thorihwaié꞉ri tánon rotanithenráts꞉kon, rohiatakenhé꞉ion nahonà꞉kwen, tánon titʼkahé꞉re ne iorihwató꞉ken kanoronkwáhtshera, tánon satateriwástani tsi thatsisewaténieten ne kaʼnikonraronhiakénhsera.

¹⁴ Ónka iakoteriéntare Tó꞉ka ken tentʼre, tánon roʼien ne kahiatateríhtshera ne raoná꞉ken, noná꞉tsa tsi nitieiéstha tánon ne ienekirá꞉tha tsi nitseiéstha né꞉ne Roiá꞉ner, sah Ní꞉io raorihwà꞉ke?

¹⁵ Sewathá꞉tist ne iehonrawátstha ne Zion nón꞉we; sewarihowánat tsi ensewenhtóntiete! Iahitsinontʼset nonkweshón꞉a ne naierihwatokentíste raohénton ne Ní꞉io!

¹⁶ Ietsihiaʼtaró꞉rok nonkweshón꞉ha, ietsihiónnien naotihiatatokenhtí꞉ke; skátne ietsihiónhni ne thotí꞉ions; ietsihiaʼtaró꞉rok ne ratitʼsahokón꞉as, iekaníhare ne ronwatistarónt꞉tha. Tsi sewarí꞉hon ne roniákon thahiáken ne tsi ranonwétstha, tánon ne ioniákon ne tsi wanonwétstha.

¹⁷ Tsi naʼtetiátere ne tsi iehiontawehiaʼtáhkwa tánon ne ietsienharáhkwa áhnion ne ratitsihénstatsis, ne ronwaterihwatsterístase ne Roiá꞉ner, tehonsénhto. Áhnion ronhní꞉ron, “Shenónstat ne shonkweʼtashón꞉a, O Saiá꞉ner, tánon tó꞉sa tashé꞉hion ne shonkweʼtashon꞉ahs atehenserá꞉kon ne ronhnonwenhtsakeró꞉nons ne nahonwanatkóraste, Ne káti nahonhní꞉ron ne tsi ratinákere nonkweshón꞉as, ‘Kaní꞉res né Sewaní꞉io?’”

¹⁸ Ethò꞉ne ne Roiá꞉ner wahatekéfase tsi nokwáh ne rahonʼóntsa; tánon wateshakoró꞉ton ne rahonkweʼtashón꞉ʼa.

¹⁹ Tsi wateshakoriwaʼserá꞉kwahse ne rahonkweʼtashón꞉as ne Roiá꞉ner wahèn꞉ron: iakwateniéten ne sewarihwà꞉ke nonátsias, onenhará꞉keri, tánon kénhie, tánon kwáh ensehwerienʼtí꞉io tánon iáh shé꞉kon ne thahonshationhniáte ne naietsiiatehá꞉te tsi ratinákere ne ronhnonhontsakeró꞉nons.

²⁰ Kwáh é꞉ren ensehkhehiaʼtenhá꞉withe nothoreʼkeró꞉nons ronterí꞉ios ahinonhkó꞉wa enkénhake tsi nón꞉we ní꞉ses, tánon thóh iekheiató꞉ri tsi tsahonwenhtsiatʼthénhake tánon nahonhontsóskonk í꞉ken, Tsi niká꞉ien ne ohén꞉ton rónhnete enhontè꞉ko thóh nienhatitátke kaniatarakeʼkowá꞉ne ne tkarahkwí꞉neken nokwá꞉ti, tsi niká꞉ien ne onà꞉ken ronhnè꞉te thóh nokwá꞉ti nienhónhne kaniatarakheʼkowá꞉ne tsi iatawatʼtséntos nón꞉we; nahonsheratsénhtshera tánon ne wenhseráksens entewatharátate. Asè꞉ken ken tsi nihotierá꞉nion tsi nihiorihowá꞉nens!

²¹ Tó꞉sa satéron, okén꞉ra; satsenhnonhní꞉hak tánon satonhná꞉rak, asè꞉ken ne Roiá꞉ner tsi nenhatieránion kwáh kí eniorihowá꞉nenke!

²² Tó꞉sa sewatéron, í꞉se ne kaʼtshé꞉nens nisewahiató꞉tens ne tsi kahentaiéntons, asè꞉ken ne tsi konwatiterontáhkwas ne iahonwentsiaʼthénhake ioʼtonhtón꞉ni; ne tsi keríhtons ioientón꞉nions, ne tionhnionwaronhtonhakó꞉wa tánon ne watenenharíseres tsi nitsionát꞉re.

²³ Tesewahénret natsenhnonhniá꞉tsheras, sewahioʼokónhas ne Zion, tánon sewatonhná꞉rak rahonhà꞉ke ne Roiá꞉ner ne Sewaní꞉io í꞉ken; asè꞉ken thiatenietén꞉ni nokenhnorésera thóh raoriwakwarishiontserá꞉kon; enthiateniéhten niatakaié꞉rike nokenhnorésera ne kanekákene tánon ne kokwitè꞉ne.

²⁴ Ne tsi iehthethákwa kwáh thentʼkanhatsiaráhke, ne watnekarákwas enwatawenhrát꞉tseke nonenhará꞉keri ó꞉ni ne tsi wateienaráhkwa ne kénhie.

²⁵ Kwáh enskonkarhiákʼse né tsi nihioserákes né꞉tho rotihonwarenháwis tsistá꞉rare ronatetʼkwí꞉son, ne tehonhnitionkwáhkwa, ne sakonatónhtha, tánon ne ratinatsí꞉iaks; né꞉ne teionenhranonhiáni akitsiókwah ronhterí꞉ios í꞉ken, ne tsi nitekheiateniéhton ne shonhà꞉ke.

²⁶ Ní꞉se kwáh wé꞉so thenshatskà꞉hon tsi nió꞉re iathensaié꞉rise, tánon thensatenonwerá꞉ton ne raoshén꞉na ne Roiá꞉ner Saní꞉io í꞉ken, rahónha rohiothénhen ne iorihwanerakwahténions ne sarihwá꞉ke. Tánon nakonkweʼtashón꞉as kwáh iáh shé꞉kon nonhwén꞉ton tahonsahonwanateháte.

²⁷ Ní꞉se kwáh ensaterienʼtá꞉rane né꞉tho tsi kwáh satekanenhrí꞉hen nón꞉we níkes Nisraeró꞉nonke, tánon ne tsi Í꞉ih ne Watiá꞉ner í꞉ken, né꞉ne Saní꞉io í꞉ken tánon iáh ónhka nakó꞉ren akénhake. Tánon nakonkweʼtashón꞉as kwáh iáh shé꞉kon nonhwén꞉ton tahonsahonwanatehá꞉te.

²⁸ Eʼthò꞉ne ohnákenke kwáh entkawé꞉ron nakeshatsténhsera onkweʼtakwé꞉kon ahiakó꞉rane; né꞉ne sanekenteronhtsheraʼshón꞉as tánon ne sehioʼokón꞉as tionathonhwí꞉sens kwáh kí ienhatiriwakénhseke, ne tionkweʼtashón꞉as ne thotí꞉ions kwáh enhonathetsenhá꞉ton naʼtetsénhseras, tánon ne ken nithotihónsas tionkweʼtashón꞉as thenʼonatieronhniónhase.

²⁹ Iekaní꞉hare ne rotiskenhrakè꞉te tánon ne tionaʼthonhwí꞉sens ratinhá꞉tsheras, né thóh entewenhniseraténionhke, kwáh entkawé꞉ron nakeshatsténhsera.

³⁰ Kwáh enkenéste ne iorihwanerakwahté꞉nions ne tsi karonhiá꞉te tánon né tsi ionwenhtsá꞉te, onekwénhsa tánon ó꞉tsire tánon enkaienkwahrotónhnion.

³¹ Ne karáhkwa entsiokárawe, tánon nasonhthenhné꞉kha karáhkwa thenwatenekwenhsónhten, raohén꞉ton ne teiotenonhianì꞉ton tánon iothenhniserát꞉teron rawenhní꞉sera ne Roiá꞉ner enwá꞉we.

³² Eʼthò꞉ne tsi nihiá꞉kon nenhienáton ne raoshén꞉na ne Roiá꞉ner kwáh kí enhionthatenónsthate; asè꞉ken ne tsi Iononte ne Zion tánon ne Jerusalem kwáh thóh nón꞉we nenhieniá꞉kenhne, tsi kí ninihá꞉wen ne Roiá꞉ner, tánon thóh nón꞉we tsi nihiá꞉kon ne iateiakotathénhron né꞉ne ronónha ne Roiá꞉ner sakoiatará꞉kwen.