Job Tánon ne Raoronhiakensera 7 - Ohiatonhseratokénti

Rá꞉ton Ne Job: Nakeronhiakénhsera Iáh Tsehiotókte

¹ “Iáh ken nonkweshón꞉as kwáh tó꞉kenk tsi nikarì꞉wes iontaterahkwé꞉ni naiakoiò꞉ten nakoioténhsera ne tsi ionwenhtsá꞉te, tánon iáh ken tehonwarakwén꞉ni ne kawistá꞉hets ne rónkwe nonwenhtsá꞉ke?

² Tsi ní꞉ioht ne ranáskwa rò꞉rare niahioká꞉rawe; tsi ní꞉ioht ne ranáh꞉tshera rò꞉rare nahonwakáriakse,

³ káti né watienà꞉on nenhní꞉tas ne iáh othé꞉non tekariwásthas, tánon ne tsi niwashonté꞉sons karonhiakénhsera ne ionkerakwé꞉ni.

⁴ Ne nó꞉nen enkatsiatsión꞉nite enkí꞉ron, ‘Kát꞉ke kwáh enskatkétsko?’ Ók washóntes, tánon kwáh í꞉ken tsi wakatkarateniáthon tsi nió꞉re iathenhioswátene.

⁵ Natierónhta ne iotserón꞉niaton notsinónwas tánon noʼkén꞉ra; nakí꞉non thenwatsá꞉kon tánon iáh othé꞉non tekariwástha.

⁶ Ne tsi wakathenhniseraténions sénha iostó꞉re tsi wathohéstha tsi ní꞉ioht ne tehanonwaiéntha raó꞉waste ne iewasehrihietóhare, tánon tsi ienhón꞉newe tsi iehiotókte iáh othé꞉non tehonararahtsherá꞉ien.

⁷ “Sehiá꞉rak, ne tsi kón꞉nhe kwáh shenekʼkok nahonhní꞉sera í꞉ken; ne khá꞉rake iáh nonhwén꞉ton nahonshontkátho ne ioiánere.

⁸ Noʼká꞉ra ne tewatkánere nón꞉wa kwáh ki iáh shé꞉kon thatahonshasetkané꞉rake; enstiaʼtí꞉shake ók iáh ki ónhka tasehiataʼtshén꞉ri.

⁹ Tsi ní꞉ioht ne tsi iotsikerarónhnion tsi tonhsontsikeraré꞉ni tánon katʼtsiónhsawe, káti tsi nihiá꞉kon ne ienhiontsnénhte notsatónhkwakon iáh thatetieraʼthens;

¹⁰ kwáh iáh nonhwénton tsiahónsare ne tsi thóh nónshote, khehs ne tsi nón꞉we nihatinákereʼkwe iáh teshonwehnehiáre.

¹¹ “Ne káti aorì꞉wa kwáh iáh thakátskweke; kwáh enkatá꞉ti thóh akeronhiakenhserá꞉kon tsi nikónhe; kwáh enkerihwaká꞉tate kwáh í꞉ken tsi wakonhnatsáta.

¹² Í꞉ih ken ne kaniatarakeʼkowáhne kátsi nón hiowá꞉nen í꞉ken, khehs ne iononwaronhtsétha, tsi tió꞉konte askeʼnikonrá꞉rake tsi nikatiéra?

¹³ Nó꞉nenh enkí꞉ron, ‘Nakenák꞉te kwáh ne enwakorihsentʼthose, nakanitskwá꞉ra ne wanitswarahtsherí꞉io ne entewaseronnénhte nakerihwakathénhtsera,’

¹⁴ Ók ní꞉se ne táskon nahonkatét꞉tsen ne iotesehrenhtákterons nahonterónhkwen tánon ne tsi niwenhniseré꞉sons ne tatʼteronkwenní꞉tha tsi niwatatsataron꞉rons

¹⁵ káti sénha né akerá꞉ko tahiontkhonrhiá꞉ke tánon akí꞉heie tsi ní꞉ioht nakónhneke.

¹⁶ Wakatiaʼkwarí꞉shi; Kwáh iáh thakónhneke ne tsi nén꞉we akénhake. Takátkaf, tiorì꞉wa tsi niwakathenhniseraté꞉nions iáh othé꞉non satekenatéken.

¹⁷ Nahó꞉ten ne nonkweshón꞉as, tsi nihiorihowá꞉nen shehión꞉nis, tsi ná꞉teshehianón꞉tonhnions,

¹⁸ shenatarená꞉wi niatehioronketsherá꞉ke, shehiateniéntʼtha kwáh tsi ní꞉kon kawistáhets?

¹⁹ Kwáh ken iáh nákte nón꞉we tsiasatkátho kenhnikarì꞉wes, Takátkaf tsi nió꞉re iakanitskeranékwahne?

²⁰ Tó꞉ka shí꞉ken akerihwanérake, onh ne nisehierá꞉se né꞉tho, í꞉se ne shenikónhrare nonkweshón꞉as? Nontié꞉ren ní꞉se tsi ne waskonhniá꞉te ne teshohiahástha? Í꞉ih ken wakonreniatsté꞉then?

²¹ Nontié꞉ren tsi iáh tesrá꞉kwas nakaterenhtawenré꞉tshera tánon é꞉ren sáwít nakerihwaneraháktshera? Asè꞉ken ó꞉nenh kwáh enkatiatiónhnite okénrahke; ní꞉se enstiatí꞉shake, ók iáh ki thóh tahonsakésehke.”