Jeremiah 5 - Ohiatonhseratokénti

Ne Jerusalem Ahorihwaʼneraháktshera

¹ Jerusalemró꞉nons tsi tekanathokánions ne sehwanáhthakons niasehwatátke! Tesehwatʼkahthónnionf! Sehwatátʼken! Sehwésak ne tsi iontkeronthákwahs! Ahisehwahkwéni ken ne tionkwétha aiétʼtsi hiatatsénhri né tkarihwahiéri tsi nahiontiérahke tánon ahiontheniénthake nahiakorihwathokénhake tsi nòkwa ne Ní꞉io? To꞉ka ensehwahkwéni, ne Roiá꞉ner kwáh ensehshakonikónhrense ne Jerusalem.

² Iáh werohátien tsi sehwáhthon Roiá꞉ner tsi sehwahsénnahiens, iáh thitisehwehthákwen tsi nahó꞉ten sehwáhton.

³ Oriwihiohónwe ne Roiá꞉ner tsi né réhsaks ne tewehthákwen. Iahién꞉ton, ók iáh othènen karíhwa thesónni; wahthiaskwahséhrahkwe, ók iáh teshathontháton nahishaweienthetháhon; Shanonhtsisthaʼníron tánon iáh thathetsisatkarahthénion tsi nòkwa ne sahriwahnerahákʼtsheras.

⁴ Eʼthóhʼne wahkanonhthónnionwe, “Kí꞉ken nek khók ne tehonthonnakárhias tánon ne iáh tehonahtheriénthare. Ononhwahroríhta íken; iáh tehonahtheriénthare tsi niharihwanónhtons ne Ní꞉io, tsi natehothonwenhtioni ne Roiá꞉ner tsi nahóntiereh.

⁵ Ne ienkhehiató꞉renʼne ne rothishaststenseráhien tánon tenhiakwahtháren. Orihwiʼiohónwe tsi ronahteriénthare tsi niharihwahnónhtons ne Raotiní꞉io, tsi natehothonwenhtioni ne Roiá꞉ner tsi nahóntiereh.” Ók rathikwékon kwáh rothikenrahthaníhon ne Roiá꞉ner raohianerénsehra tánon iáh tehonatʼthontháton nahonwahwenhnahráhkwen.

⁶ Né aoríhwa ne kénreks kahráhkon nénhtewe kwáh enhiakononhwahrhiákon; nokwáhos kahenthakeʼkówah néntʼthonʼne nashakothihiatahrahtiónko, tánon ne tá꞉kos iorahkwahrónnions tenwahthawénhrie ne raothináhthakons. Tó꞉ka nonhkweshón꞉ʼa ienhathihiákenʼne kwáh enhonwathihiatharahtiónko tsioríwa tsi nihiawehtowáhnenh ne rahothiriwahneraháktsheras tánon kwáh tiókonte tsi ronwatʼkahrahthénion ne Rawenni꞉io.

⁷ Ne Roiá꞉ner wahariwahnónhton, “Onh nonhtiéren tsi ahonsakkhenikónhrense nakonhkwetahshón꞉a raotiriwahnerahákʼtsheras? Ionkatewenhtheʼton tánon né konhwahthisénhnaien ne kahiathónnis ne iáh tekonhnónnhe. Nónenh khenónhten nahkonhkwetaʼshón꞉a tsi nióreh ne kwáh hiathotihiériseh, ók wahontenahkwahiéshaʼte tánon ne wahontʼkáhionsthe ne iothiriwahiathaʼthónʼhons.

⁸ Thóh nihonnonhnhóten tsi ní꞉ioht ne tehanénhia koshá꞉tens kwáh rahonnhinekénʼen, shathihiatátʼtion konhwahnaskáneks ne tehonnonhsahnékens iothihiátʼkonhs.

⁹ Iáh onhtèken thatehiothonwenhtióhon natʼkheréwahthe kíʼ nahorihoténsons tánon nahonsakʼkárhiate rononháke ne thóh nihionkweʼthó꞉tens tsi ní꞉ioht kí꞉ken?

¹⁰ Ienkhehiaténieʼte ne tehontátʼtions nahatíhiake nahkonhkwetahsón꞉a rothinenharahientʼthósehron, ók iáh kíʼ tiahathikónhtahkwe nakonwahnáhthonte. Enkheró꞉ri nahathinahtoskarónko, tsioríwa thíken onahtehsonʼa tsi iáh i꞉ih tewahkáwenk.

¹¹ Nisraeró꞉nonhs ó꞉ni ne Judahró꞉nons kwáh tohkénʼen tsi wahonkenikonhráhten. Í꞉ih ne Watiá꞉ner, wakatháti.”

Ne Roiá꞉ner Washakóswen Ne Israerʼró꞉nons

¹² Ne Roiá꞉ner rahonkwetahshón꞉a wahonwathonníhaʼse tánon wahonníron, “Kwáh séh iáh thènenh taháiere. Iáh thènenh tahonthahionkwatókʼthaʼse; iáh thahitewatʼkátho nateriʼiósehra tó꞉ka ó꞉ni ne athonkarhiákon.”

^13-14 Ró꞉nenh nètho rotitó꞉kense kwáh iáh othènenh tehatiriwásthas nék khók ne kawehrahthárions tánon iáh thènenh tehathíhawe nateriwahnotátshera ne Roiá꞉ner nónhwe nahonthaiawénon. Ne Roiá꞉ner Ní꞉io Roshaststenserowánenh wahakénhase, “Jeremiah, ne enkarihónni tsi nahoténson kíʼ rónenh, tsi ní꞉ioht nótsire enkénhake nakewenhnasónhas ne tsiákon. Nonhkweshón꞉a tsi ní꞉ioht nóiente enkénhake, tánon nótsireh enhiakhotsiáhate.”

¹⁵ Nisraeró꞉nonh, ne Roiá꞉ner aínonh nióre ienshakónonhke nonhkweshón꞉ha ne iaietʼtsihiatsiatónti. Rathishástste tánon iotsiokwasténha, tsi nihonrhonkhatseró꞉ten iáh tesehwahróntʼkha.

¹⁶ Ne ahénna ratíhawe né꞉ne rathishástsʼtes ronterí꞉ios nenhsahkothinonhwarhiákon iáh tehothí꞉ien ne kenténron.

¹⁷ Ienhathishaháte ne sehwaientʼthótsheras ó꞉ni ne sehwáhkhwas; enshakothinonhwahrhiakónʼnion ne ietʼtsiʼienhokónha. Enkonwahnahwentʼthósehron ne sehwatsenenhókonhs tánon enhónthonte ne sehwanenharahientʼthóhsehron ó꞉ni ne sehwakwireshón꞉ha wishonkówahs. Ne tekensthorohthákwen ne tekahnahtanátʼthon ne kanahtowáhnenhs ne sewaniahesens kwáh enhathirihwáhthonte ne rahononhkwetaʼshón꞉a ronterí꞉ios.

¹⁸ Ne Roiá꞉ner ráton, “Shé꞉kon ne éhtho entewenhnisehraʼthénionʼke kwáh iáh tsiátʼsahate nakhehiáthonte nakonhkwetahshón꞉has.

¹⁹ Nónenh enhathirihwanónhton nonhtiéren kíʼ tsi éhtho niwahtieráhnion, sehró꞉ri Jeremiah, kwáh tsi ní꞉ioht tsi ionkatʼkarahthénion ó꞉ni ne watʼkhonhwariwásnieseh ne thikánionk kahiatónni ne rahononhontsiáke, ne káti tenhonwathiriwásnieseh ne thihátiʼte ne tionhontsiáien ne iáh ronónha tehathihiathaʼkwení꞉io.”

Ne Rawenni꞉io Wahshakothokáten Ne Rahonkwetaʼshón꞉a

²⁰ Ne Roiá꞉ner ráton, “Sehró꞉ri tsi nithonatʼwatsirínonh ne Jacob, sehró꞉ri nonhkweshón꞉a ne Judah nónhwe:

²¹ Sehwatennikonhráhren, í꞉se ne tesehwatenonhwaroríhtonʼte ó꞉ni thisehwathónnokʼte tiónkwe, ne sehwáhken, ók iáh tesehwahkwénies nahisehwatʼkátho tánon tesehwahonthakáronte, ók iáh tesehwahkwénies nahisehwatʼthónteʼne.

²² Í꞉i ne Watiá꞉ner; nonhtiéren tsi iáh teskhetsiánis? Nonhtiéren tsi iáh teshahiathisónkwa nakʼkénton? Wakenehsahronkóntion ne tahkawahnátʼte ne kaniatarahkheʼkówa, ne iahontkónhthaʼkwe tahontʼwáhnahke ne ne iáh tahónton tahkahiáiake. Ne kaniatarahkheʼkówah ne tahiowehrahtháse, ók iáh kíʼ tahónton ne iahonthóhetste; ne iononhthakwarontáties nahioronkathónhake, ók iáh kíʼ thahónthon ne iathakonnótʼkaweh.

²³ Ók íse tiónkwe! Í꞉se ne sewanontsisthanírons ó꞉ni sewahteriʼioserahnónhwe; ákte niahísehwe tánon waskwatewénhtheʼte.

²⁴ Iáh nonhwénhton tesehwanonhthonniónhon naskwakwéniensʼte, ethosáne iewahkateniéton ne kanenahkhéka okennoréhsehras ó꞉ni ne konkwitenékha okennorésehras tánon tkwáwis nahisehwaientkwáko ne niaʼtehioseráhke.

²⁵ Khéʼkenk, ne sewahriwahnerahákʼtsheras tahiónʼneke kí꞉ken ioiáneres ne tionháke.

²⁶ Ne kariwahétkens rotiʼiótens skátʼke rathináhkere nakonkwetaʼshón꞉a; rathihiatahkerontátie rothiráhre tsi ní꞉ioht ne ronthaharáiens notsitén꞉a akonwahtiʼiéna, ók né ronahteristhaienthákwen nónkwe ashakotiʼiéna.

²⁷ Kwáh tsi ní꞉ioht ne rathórats ne wahathérihke otsitenokónhas, ne wahathinónhshike tsi rathiterónton ne kanénhskwen. Ne ahoríhwa rahtisháststhe ó꞉ni rothikwáhties,

²⁸ nonhtiéren tsi ronahrésenhs ó꞉ni kwáh ioiánere tsi tehonskáhons. Iáh tiehiotókʼte tsi nihatiweiennákʼsens. Iáh tetheshakonáhwis ne tehionthonnahkárhias ne raothihianerénsehras khés nahonnénesʼthe ne tkarihwaiéri tsi nòkwa ne sahkotiwihsáhtha.

²⁹ Ók Í꞉i, ne Watiá꞉ner, kwáh enkheréwahte kíʼ nahorihoténsons; kwáh ensekʼkárhiake ronónhake kíʼ kén onhkweshón꞉a.

³⁰ “Karihwáksen ó꞉ni tiothónnek tsi naháwenhʼne tsi ionwenhtsiáte:

³¹ tsi rontáhtis ne rotitó꞉kense nék khók nohnhówenhs; ne rothikháres enhatísehre tsi nenhthontáti ne rothitó꞉kense, tánon nahkonhkwetaʼshón꞉a iáh thahóten tehathirihwáhiaks. Ók káti nenhatí꞉iere nónenh ienhónnewe tsi iehiótokte?”