Jeremiah 45 - Ohiatonhseratokénti

Ne Rawenni꞉io Wahorahrátsʼten Ne Baruch

¹ Ne kaieríhaton shiʼioserahtáʼtsie ne thóh Jehoiakim ne roʼníha ne ne Josiah ne ronnonhtí꞉ioʼkwe ne Judah nónhwe, Baruch kahiatonsehráhke wahahiáton tsi nahithá꞉rahse. Ethónʼne wahiró꞉ri

² nètho Roiá꞉ner, ne sakoʼNí꞉io ne Israerʼró꞉nons, ráhwenh, “Baruch,

³ tsi nishá꞉ton, ‘Wahkahtiakwahrísi! Ne Roiá꞉ner iaháiesʼthe ne kanikonhrakséntshera tsi naʼtewahkahnikónhrahre. Tsi naʼtewakʼkwisenhéion tsi niwahkónshenʼne, tánon iáh teketʼtsénries nahthorisénhtshera!’

⁴ “Ók Í꞉i, ne Watiá꞉ner, etʼtháke sehwahkáties tsi nahó꞉ten ne wákson tánon skótshions tsi nahó꞉ten ne waʼtsiéntʼthon. Kwáh ohontsaʼkwáhkon tsi kíʼ éhʼtho nénhtiereh.

⁵ Kwáh kén séhshaks ne iorihowáhnenh ne shariwáhke? Tó꞉sa éhʼtho náhtsiere. Kwáh takʼkháwi ne kakahronhniátshera nonhkwetahkwékon akorihwáhke, ók kíʼ níse ensehniákente ne tsi sónnhe, ne ne kwáh tsík nonhwéson nienhénse. Í꞉i, ne Watiá꞉ner, wahkatáti.”