Jeremiah 39 - Ohiatonhseratokénti

Tsi Nahkonhwahsénhni Ne Jerusalem

¹ Ne oieríhaton shiʼwenhnithakéhaton ne tiotonháton shiʼhioseráhte nètho Zedekiah shihononhtí꞉io ne Judah nónhwe, ne Ronnhontí꞉io Nebuchadnezzar ne ne Babylonia nónhwe tahaténti kwáh kanenhrahkwékon tahshaʼkohiaténhaʼwe ne ronterí꞉ios tánon iashaʼkotsatónti ne Jerusalem.

² Ne tiotónhaton niʼwenhniserahkéhaton ne ne kaieríhaton shiʼwenhníthare ne Zedekiah ónenh énska shiʼhiosehráhke shihononhtí꞉io, ne kanatakʼthóntsie tewahsónthohte iathonnhótkahwe.

³ Ne nónenh sahkonhwahiéna ne Jerusalem, rahtiʼkwékon ne thóhʼnatsʼennahtes ne Ronhnontí꞉io rahonkwetahshón꞉a ne ne Babylonia nónhwe tahónʼne tánon wahóntien ne asènhnon nónhwe nihiotenhenrahkáhronʼte, thóh íkahre ne Nergal Sharezer, Samgar Nebo, Sarsechim, tánon nó꞉ia Nergal Sharezer.

⁴ Nónenh ne Ronhnontí꞉io Zedekiah ó꞉ni rahtiʼkwékon ne ronhterí꞉ios rahonkwetaʼshón꞉a wahontkátho tsi nihiawénhserons, wahonteniénten ne ahontèhko ne kanatowahnènhne tsi niwahsóntes. Ne ne kanonhtiʼiósera ahohéthakonh nónhwe nahonthóhetste, iathonnhótkaʼwe ne tsi iohtenhenrahkáhronthe ne tékeni tewahsonhthasónhtere, tánon thóh nónhwe nahathiniákenhne tsi nieʼiahwéhnonh ne Jordan ahonráhkwahkon.

⁵ Ók kíʼ ne Babyloniaró꞉nons ronhterí꞉ios wahonwahtísehre tánon wahonwahiéhna ne Zedekiah ne tsi nónhwe nihiohenthakwénhrahre ne Jericho. Ethóhʼne Ronhnonhtí꞉iohke ne Nebuchadnezzar niaʼhonwahiaténhaʼwe, tsi kanatowahnénhke ne Riblah thóh nónhwe iéresʼkwe ne ne tsi wathonwenhtsiáien ne Hamath, tánon thóh nónhwe ne Nebuchadnezzar tahorihwénhte.

⁶ Ne Riblah nónhwe ne Zedekiah shaʼkohiookón꞉a washaʼkononhwahrhiakónhnion tánon rohteróh꞉ronʼne ne Zedekiah, tánon ó꞉ni rahtiʼkwékon ne ratisenhnhowáhnenhs ne Judah nónhwe wahshaʼkononhwahrhiakhónnion nonhʼnéʼe.

⁷ Ethóhʼne ónenh wahthonwahkharahthaʼkwaniónhko ne Zedekiah tánon wathonwahronhkwahshaʼnerénkʼkhon tsi niaʼhonwahiaténhaʼwe ne Babylonia nón꞉we.

⁸ Tsi nikaríwes, ne Babyloniaró꞉nons wahontenonhkwaʼtekthánion ne tsi rohnónhsohte ne ronnonhtí꞉io ó꞉ni tsi rohthinonhsóhtons nonhkweshón꞉ʼa tánon wahthonshontharihthánion ne tsi tekahnahthatátʼthonkwe ne Jerusalem.

⁹ Ethóhʼne ne Nebuzaradan, ne rahnenhrahkwení꞉io, thóh ní꞉ioht tsi iashakohiaténhaʼwe Babylonia tsi shí꞉ken ní꞉ioht ne rathinhóton ne tsi nihiákon iaʼtehiakothaténron ne kanatowahnénhke, skátke tsi nihiákon ne rahonháke nónhwe nihonwatewenhtéton.

¹⁰ Ók ne kwáh thóhʼtíten ne ne kwáh iahothénenh tehotiʼhienthatseráhien ne Judah nónhwe iáh né tseshakohiathénha, tánon ne thashakáwenh ne kanenharahientʼthóhsehron ó꞉ni ne kahenthashón꞉a.

Tsi Shaʼhonwátʼkaʼwe Ne Jeremiah

¹¹ Ók ne Ronhnontí꞉io Nebuchadnezzar wahó꞉nhaʼne ne rahsenhnowá꞉nen Nebuzaradan, nahá꞉sehre tsi nenhonwáhnhaʼne.

¹² “Wáhs tánon tsiatishákʼka ne Jeremiah tánon kwáh ioianeréhak tsi thaʼtsiatewehienthónhas. Tó꞉sa thènenh skarèhwat, ók thóh náhtiere tsi nahthehothonwenhtsóni.”

¹³ Sók kíʼ ne Nebuzaradan, skátke ne kwáh thonatsénhnates ne ne Nebushazban ó꞉ni ne Nergal Sharezer tánon ne óia rathisennhowáhnenhs ne Ronhnontí꞉io Nebuchadnezzar ronwahiótenʼse ne Babylonia nónhwe,

¹⁴ thahiontsiatínekenhwe nahotenhénrahkon ne tsi kanonhtiʼiotsheráien. Tánon Gedaliah né shaʼhonwahrihónten nahonshaʼhakatenhnikonhráhren, ne roʼníha ne ne Ahikam ó꞉ni ne rosótʼtha ne ne Shaphan, rahónha oriwí꞉io enrónhni tsi kwáh skénnenhk tsi iénskewe. Tánon káti thóh nónhwe nahkahtserónhniaʼte skátke nonhkweshón꞉a.

Ne Raorharátʼtshera Ne Ebedmelech

¹⁵ Tsi náhe shé꞉kon shiʼkhenhóton nahotenhénrahkon ne tsi kanonhtiʼiotsheráien, ne Roiá꞉ner wahakró꞉ri

¹⁶ nahiró꞉ri ne Ebedmelech ne ne Ethiopianró꞉nonh nètho Roiá꞉ner Roshastsʼtenserowáhnen, ne sahkoʼNí꞉io ne Israel, ráhwenh, “Kwáh tsi niwàhken tsi eh nénhtiereh, tsi enthekahwíten kíʼ kénʼen kanatowáhnenh ne kahkaronniátshera tánon iáh ne kahkwahséhtshera. Tánon nónenh kí꞉ken eh nenhiáwenhne, thóh ensehshé꞉ke nahsatkáhtho.

¹⁷ Ók Í꞉i, ne Watiá꞉ner, kwáh entkónhne, tánon iáh tsiahiesátkaʼwe ronónhake ne setʼtsánis.

¹⁸ Í꞉i enkhonhnikonráhrahke, tánon iáh thahieshaʼnonhwahrhiákhon. Ne tsi sónnhe ensehniákenhthe tioríwa tsi í꞉i thakeniahésenhne. Í꞉i, ne Watiá꞉ner, wakahtháti.”