Jeremiah 26 - Ohiatonhseratokénti

Jeremiah Iahonwahiaténhaʼwe Ne Tahonwahiató꞉rehte

¹ Iáh tekaríhwes nónenh ne Jehoiakim ne roʼníha ne ne Josiah sahononhtí꞉iohne ne Judah,

² ne Roiá꞉ner wahakénhaʼse, “ʼAtenhénrahkon ne Ononhsatokentiʼkówahʼne nónhwe naʼtéstann tánon satró꞉ri oriwahkwékon tsi nikonnháhon nasehró꞉ri nonhkweshón꞉a tsi nitsiéntha ne kanahthakérons ákta ne Judah ne ne thóh nónhwe nahionterénnaien. Kwáh tó꞉sa ne othènen ahonthashaʼthótʼthaʼkwe.

³ Tó꞉ka nónhwah nonhkweshón꞉a enhionthahónsahthaʼte ó꞉ni enhóntkaʼwe tsi nihatiʼweiennáksens. Tó꞉ka éhtho nenhatí꞉iere, ethóhʼne kíʼ tensewahʼkateriwahténien tsi niʼwahkatenikonhrónni nátienh ne kariwahiesáhtshera ne ronónhake ne ahiorihóntaʼke tsi nihatiʼhiotensehráksens.”

⁴ Ne Roiá꞉ner wahakró꞉ri nakkeró꞉ri nonhkweshón꞉a, “Í꞉i ne Watiá꞉ner, né wáhken tsi ónenhk tsi ensehwatewénhnarahkwe tsi ne ensehwásehre ne karihonnienʼnhítshera tkwá꞉wi,

⁵ tánon né tsi wesehwaʼtennikonhráhren ne raotiʼwenhnasónhas nakenhátsheras, ne rotiʼtokénse, tsi nikáien ne tiotkonhónwe iekhehiateniéthaʼkwe ne tionháke. Iáh nonhwénhton tesehwatewenhnaráhkwen tsi nihónenh.

⁶ Tó꞉ka iesehwahthasónteren ne iáh tahisehwahtewénhnarahkwe, ethóhne kíʼ éhtho nenhtiérahse kí꞉ken Ononhsatokentiʼkówah tsi nitiérahse ne Shiloh, tánon onhkwetaʼkwékon ne tsi ionwenhtsiáte ne énhionsthe kíʼ kanatowáhnenh ahosénna naʼieriwahiesáhtaʼkwe.”

⁷ Ne rotikháres, tánon onhkwetahkwékon ionkathontéhon tsi niwakatró꞉ri ki nahorihoténsons ne Ononhsatokentiʼkówahne,

⁸ tánon kwáh tsi niʼiostó꞉re wáksa tsi nahkatáti tsi nihakenáhon nètho Roiá꞉ner, wahontiéna tánon wathotihénreʼthe, “Ahówennhk nahieshaʼnonhwahrhiákon ne kíʼ aoriwáhke!

⁹ Nonhtiéren tsi né wahshíron thóh rahosénnahkon ne Roiá꞉ner kí꞉ken Ononhsatokénti kwáh eh nenhiáwenhne tsi niʼhioiathawénhʼon ne Shiloh tánon kí꞉ken kanatowáhnenh kwáh enkariwénhtʼthonke tánon iáh ónhka tahonsahienáhkerehke?” Ethóhʼne nonhkweshón꞉a wationkenenhrónni.

¹⁰ Nónenh ne shaʼkotihenténseh ne Judah shaʼhatiʼriwáhronke tsi naháwenhne, waʼthotisteríhen tahonténti ne tsi thonónhsohte ne ronnonhtí꞉io tánon Ononhsatoʼkentikówahne niahónne iahonnitskwahrónnion ne áse tiotenhenrahkáronʼte.

¹¹ Ethóhʼne ne rothikháres ó꞉ni ne rotitó꞉kense wahonwénhnenhse ne ohénton iehonnhéton ó꞉ni nonhkweshón꞉a, “Kí꞉ken rónhkwe tehoténtion nahonwaʼnonhwahrhiákon tioríhwa tsi wahatkónten nonhkwanáta. Kwáh tsi tesehwahonthaʼkáronthe watsisehwatʼthónteʼne.”

¹² Ethóhʼne wakíron, “Ne Roiá꞉ner thaʼkateniéthon noriwahkwékon akatró꞉ri ne ne tsi nahóten waskwahthónteʼne tsi wahkíron tsi nòkwah kí꞉ken Ononhsatoʼkentikówa ó꞉ni ne tsi kanatowáhnen.

¹³ Ónenhk tsi tentsisehwahtáton tsi ní꞉ioht tsi tionnhétie tánon tsi nahorihoténsons tsi niʼsehwatiéras, tánon ónenhk tsi entsisehwahwénhnarahʼkwe ne Roiá꞉ner sehwahʼNí꞉io. Tó꞉ka éhtho nenhsewáhiere, tenhshoteriwahthénien ne kaʼkahronniátshera raienséhrehne ne tionháke.

¹⁴ Tsi nòkwah ní꞉i, Sehwahshastsʼtenserákon wahkataténron! Thóh naʼthakwahiéras tsi nísehwereh ne tkariwaiéri ó꞉ni ioiánereh.

¹⁵ Ók kwáh sehwahriwaʼhienteríhak kí꞉ken: tó꞉ka enskwahnonhwahrhiákon, i꞉se tánon ne kíʼ kanathakonhró꞉nons tsi ensehwáhniʼke tsi wahtsiʼsehwaʼnonhwarhiákon ne iáh thènen tehosthónton, tsioríhwa tsi ne ne Roiá꞉ner thakathó꞉rion nakwahronkáten kí꞉ken.”

¹⁶ Ethóhʼne ne sahkotiʼhéntenʼse ó꞉ni nonhkweshón꞉a wahonwenhnénhase ne rotikháres tánon ne rotitó꞉kense, “Kí꞉ken rónkwe tsi wahsonkwahtháraʼse ne ne raosénnakon ne Roiá꞉ner onhkwahNí꞉io; iáh thaʼtehiothonhontsióhon nahonwahnonhwahrhiákon.”

¹⁷ Sonteʼweiennénhthaʼne, ótiake ne rotikstenhokónhas wahthatítahne tánon wahshakotiró꞉ri nonhkweshón꞉a tsi nihiákon iakoʼtiatharó꞉ronʼne,

¹⁸ “Nonenh ne Hezekiah sihononhtí꞉io ne Judah, ne rotó꞉kense Micah ne ne Moresheth nónhwe onhkwetahkwékon wahshaʼkoró꞉ri nètho Roiá꞉ner Roshastsʼtenserowáhnen ráwenh, ‘Ne Zion kwáh ki enkatenrahratʼton kwáh né꞉ne kahentà꞉ke; Jerusalem kwáh enhiosthoʼkotónke tsi nihioriwentà꞉on, tánon nononsatokentiʼkó꞉wa iononhtáhere karákon neh enwá꞉ton.’

¹⁹ Ne Ronnonhtí꞉io Hezekiah ó꞉ni nonhkweshón꞉a ne Judah nón꞉we iáh ronónha tehonwahnonhwahrhiákon ne Micah. Khèkok, ne Hezekiah wahthorénsahron ne Roiá꞉ner tánon wahateniénten ne ahonthahoriwáhwaʼse. Tánon káti ne Roiá꞉ner thonshahoteriwahthénien tsi niháwenh enshaʼkoiénhaʼse ne kakahronniátshera ne ronónhake. Ók nónhwa ónenh thóhʼwa í꞉i ahontethewáhaʼwe ne kaʼkahronniátshera nontionhakéson.” (

²⁰ Shé꞉kon ó꞉ia rónkwe, Uriah ne roʼníha ne ne Shemaiah ne ne Kiriath Jearim nithonénonh, raosénnakon ne Roiá꞉ner tsi ronahtatíhon tsi nòkwah kíʼ kanatowánenh ó꞉ni nonhkweshón꞉a kwáh kíʼ tsi nihoiéren ne Jeremiah.

²¹ Nónenh ne Ronnonhtí꞉io Jehoiakim tánon ne rahonkwetashón꞉a ne ronterí꞉ios ó꞉ni ne rohnaʼterihónton wahatiʼriwáhronke tsi niháwenh ne Uriah, ne ronnonhtí꞉io wahatheniénten nahononhwahrhiákon. Ók ne Uriah wahariwáhronke; sók kíʼ katerontseráhkon tsi wahatèko tánon Egypt nónhwe iahatekwáhsen.

²² Ne Ronnonhtí꞉io Jehoiakim, tsi ne naháwenhne, Elnathan iahoténieʼthe ne roʼníha ne ne Achbor tánon thòkaʼ niháti ahonshaʼhonwenknónhksa ne Uriah ne Egypt nónhwe.

²³ Sahonwahiáthiʼwe rahohénton ne Ronnonhtí꞉io Jehoiakim, wahathénnhaʼne nahonhwahnonhwarhiákon tánon ne rahohierónta tsi tionʼthatsathatahástha iehonáhti.)

²⁴ Ók ne tsioríhwa tsi niʼthakatswahnónhne ne Ahikam ne roʼníha ne ne Shaphan, iáh tiehionkatkáhwen tsi nòkwah nonhkweshón꞉a tánon naʼhionkenonhwarhiákonʼke.