Jeremiah 21 - Ohiatonhseratokénti

Tsi Nenhkonhwasénni Ne Jerusalem Ohénton Tewatró꞉ri

¹ Ne ronontí꞉io Zedekiah ne Judah tahoténieʼte ne Pashhur ne ne Malchiah roiénha ó꞉ni ne rokháres Zephaniah ne ne Maaseiah roiénha ne tsi nihoriwahnónhton:

² “Asatthontátʼtsheke takwathátias rahonháke ne Roiá꞉ner, tsioríhwa ne rononhtí꞉io Nebuchadnezzar ne Babylonia tánon ne rahonkwetaʼshón꞉a ronterí꞉ios tsi tehotinahtanatʼthonhátse ne kanatowáhnen. Tó꞉ka nónhwa ne Roiá꞉ner ne enhohióten ne iorihwaneráhkwat nonhkwahriwáhke tánon enhahónnien ne Nebuchadnezzar nahonshaʼhakhéte.”

³ Ethóhʼne ne Roiá꞉ner wahakénhaseh, tánon wahkheró꞉ri tsi niháti ne thonwahnateniéton nakonháke

⁴ nahiró꞉ri ne Zedekiah nètho Roiá꞉ner, ne sahkoní꞉io ne Israerʼró꞉nons, ráwenh, “Zedekiah, kwáh enkhesénni ne shonkwetahshon꞉a ronterí꞉ios tsi ronahterí꞉io ne rononhtí꞉io ne Babylonia tanon ne rahonkwetaʼshón꞉a ronterí꞉ios. Kwáh enkhithonhióten ne shonkwetaʼshon꞉a ronteriʼiosthákwas sahtekanahtíʼen ne kanatowánenh.

⁵ Kwáh keshastsʼtenserahkwékon tsi entiaterí꞉io, naʼkaterhiatitkhóntshera, naʼkenahkwáhtshera, tánon tsi waʼkatenahkwahwenhráhti.

⁶ Kwáh tsi niatehionkwétahke tsi enkhenonhwarhiákon ne kén ienáhkere kíʼ kanatowánenh; onhkweshón꞉a ó꞉ni ne katʼtshénen kwáh sahtenhiotónhake tsi tehiohnʼrahnonhnáni enhotírhiothe.

⁷ Ók nonkʼní꞉se, shonkwetahshón꞉a, ó꞉ni ne iaʼtenhonahtátereh ne tsi wahterí꞉io, nathonkárhiakon, ó꞉ni ne kahnrahtarinhétshera—kwáh enkatʼthóntahte ne sehwahkwékon ne rononhtí꞉io Nebuchadnezzar ahtsisehwahiéna skátne ne tionkwetaʼshón꞉as ronterí꞉ios, tsi natehonathonhontsóni nahiétʼtsinonhwahrhiakónʼnion. Nebuchadnezzar entsiʼsehwahnonhwarhiakónʼnion. Kwáh iáh ónhka tsi nítsion thatsisehwahiatanónhsthate iáh ó꞉ni tahrénesʼthe nathaniténron iáh ó꞉ni ne karhothóntshera tsi nahthétsion. Í꞉i, ne Watiá꞉ner, wahkatáti.”

⁸ Ethóhʼne ne Roiá꞉ner wahatró꞉ri nakheiénhaʼse nonhkweshón꞉a, “Sewathahónshaʼtat! Í꞉i, ne Watiá꞉ner, tkwáhwis naʼisehwahthateráhkwaʼse tsi nahtetsiátere tsi niehiotʼthahínonh ne iónhnhe tánon tsi niehiotʼthahínonh ne kenhéien.

⁹ Ónhka ne tsi kanatowáhnenh nónh nenhʼietehrónthake kwáh ateriʼiosehráhke tsi enhiontaʼtenonhwahrhiákon khés ne athonkarhiákon khés ne kahnrahtarinhétshera. Ók ónhka ne ienhiehiákenʼne tánon ahiontsiakwahríshi tsi nòkwah ne Babylonia, tsi nikáien ne ónen iekonhwahtsathóntion ne kanatowáhnen, kwáh iáh tahionthaʼtenonhwahrhiákon; ók iekénhak enhieniákenʼthe tsi iakónhnhe.

¹⁰ Iáh tewahkeriwahiéntahse ne tó꞉sa akenónhsthaʼte kíʼ kénʼen kanatowáhnenh, ók ne nakáthonte. Ók ne ne Babylonia rononhtí꞉io tentʼthónnion, tánon okenráhke enrónni tsi enhatenaténtahwe. Í꞉i, ne Watiá꞉ner, wakatáti.”

Kahrewahtátshera Wahoráhʼne Tsi Rohnónhsohthe Ne Rononhtí꞉io Ne Judah Nónhwe

^11-12 Ne Roiá꞉ner wahatró꞉ri ne iátsien kí꞉ken ateriwahnotátshera tsi thohnónhsohte ne rononhtí꞉io ne Judah nónhwe, ne ne tahawahtsitahtátie ne Táwit: “Satahónshatat tsi nahó꞉ten ne Í꞉i, ne Watiá꞉ner, káhton. Oriwí꞉io shón꞉ni kwáh niaʼtewenhnisehráhke akahioténʼen ne tkariwahiéri. Tahietʼtsíʼnhe tsi nikáien ne iaʼkohtenikonhrahténnis éhren tsi sehwahiatenháwit ne sahkoniʼkonhrahténnis. Tó꞉ka iáh thóh tahisewáhiereh, tsi niʼsehwahtiérah ne kariwahétken entiónni naʼkenahkwáhtshera enhiótehke tsi ní꞉ioht nótsire né꞉ne iáh tahónton ahonswátʼthon.

¹³ I꞉se, Jerusalem, thóh tsiskwáhere éhneken nahonráhkwahkons, tsi ní꞉ioht ne oststénrah iehiokéhthoʼte ne kahentáhke. Ók entiaterí꞉io. Sáhton iáh ónhka tahiekwéni ne iahieshatiathónti tó꞉ka ó꞉ni iaʼthahonnhótʼkaweh ne tsi sahtenhénroʼthe.

¹⁴ Ók enkonhréhwaʼthe ne tsi nisahtiéren. Enʼkatenonhkwahtékʼthe tsi sahnónhsohthe, tánon nótsireh akwékon enwátʼtsahaʼte nakthatsieshón꞉a. Í꞉i, ne Watiá꞉ner, wakatati.”