Jeremiah 19 - Ohiatonhseratokénti

Ne Tehiotshetahríhon

¹ Ne Roiá꞉ner wahakró꞉ri nakninónhrah ne otáhra kátʼtshe. Ó꞉ni wahakró꞉ri ne thóh꞉ka niháti ne thonʼnonhkwátahions tánon tóka niháti ne rotikháres hiakhehiaténhaʼwe,

² tánon thóhʼnónhwe iaʼtekathóh꞉hets tsi tiotenhenrahkáronʼte ne Potsherd né꞉ne Hinnom oronwáhkon. Éhthoh nónhwe iaʼkhateriwahnóten naʼteriwahnhotátshera nentʼthá꞉kon.

³ Ne Roiá꞉ner wahakró꞉ri nakíron, “Rotinonhtí꞉ios ne Judah ó꞉ni nonhkweshón꞉a ne Jerusalem, sewathahónsahtat ne Í꞉i, ne Watiá꞉ner Keshaststenserowáhnen, ne kheʼNí꞉io ne Israerʼró꞉nons, wáhtien nakíron. Thóh nióre tsi éntsien ne kariwahiesáhtshera ne kén nónhwe niwatenáhtaien né nónhka enhiónronhke kwáh entiontónnheʼke.

⁴ Né kíʼ thóh nénhtiereh tioríhwa nonhkweshón꞉a tsi iontiatanikonhrénʼen, tánon wahthontenahtátionsʼte ne tsi wahontsaʼáhthe ne wenhnekeráhkon tsi ahonwahnahtsienkwaronniáten ne thikaniʼiosehrátes né꞉ne rohnónha ó꞉ni ne shaʼkotisotʼthonkonkénʼen ó꞉ni ne rotinonhtí꞉ios ne Judah iáh othènen tehathiriwahientérisʼkwe; tánon ó꞉ni né iorihónni ne wahatínahʼne kí꞉ken wahtenáhthaien ne iáh othènen tehiakoníkonh akonekwénhsa,

⁵ tánon Baal wahonhiónnien ne ientsienharáhkwa né꞉ne nahonwanahtsiatátʼtsaʼahte ne sahkotiʼienokónha tsi ahontsienkwaronniáthaʼkwe. Iáh nonhwénhton kí꞉ken tetetkheró꞉ri ne etʼnahatí꞉iereh; kwáh iáh nonhwénhton ne tethewakanonhtonniónʼon.

⁶ Ók kíʼ, ienkáheʼwe nónenh kíʼ kénʼen watenáhthaien iáh né tahonsahkonwaʼnatónkwahke ne Topheth tó꞉ka ó꞉ni ne Hinnom ahonráhkwahkon, Khèkok, né enskonhwahiátʼtseke ne iontatenonwarhiakónhtha ahonráhkwahkon.

⁷ Ne kénʼen watenáhthaien kwáh tenkhehianikonhrhiáten tsi nihonatenikonhrónni nonkweshón꞉a ne Judah ó꞉ni ne Jerusalem nónhwe. Enkheríhon ne tehontátʼtions nahonwatisénni ó꞉ni nahonwatiʼnonhwarhakónnion tsi waterí꞉io. Otsitenokónha tánon ne konhtírhios ienkhehiátsienʼse ne raotihierontahsónhas nakonhtekhónniaʼte.

⁸ Thóh nióre tsi éntsien ne atkaronniátshera ne kénʼen kanatowánenh né nónhka enhiontó꞉hetste kwáh entionthónnheke ó꞉ni enhiakoneráhko.

⁹ Ne ionkwetáksens tenhatiʼnahtáhnahke ó꞉ni enhonteniénten nashakotiʼnonhwarhiakónnion nonkweshón꞉a. Ne tehonwatinahtánenh éhtho nióre tsi tenhiotenonhianitónhake nonhkweshón꞉a ne kanáhthakon ienáhkereh kwáh tenhonthatewáhrahke iekaníhareh ne kwáh ronnónha sahkotiʼienokónha.”

¹⁰ Ethóhʼne ne Roiá꞉ner wahakró꞉ri raotihénton teketʼtsetáhrit tsi niháti ne iónksehron

¹¹ tánon natkheró꞉ri nètho Roiá꞉ner Roshaststenserowáhnen ráwen, “Kwáh thenkhehiáke kíʼ onhkweshón꞉a ne kénʼen kanátahien, tánon kwáh tsi ní꞉ioht kí꞉ken otáhra kátshe tsi tehiotʼtsetaríhon iáh thahónton ne shé꞉kon tahonsahkatkhánionʼke. Nonhkweshón꞉a nahkawenheʼióntas iekaníhare Topheth nónhwe ienhionthatsiatháta tioríhwa tsi iáh kahnèka nakʼtenónhwe tekáien nashakotihiatháta.

¹² Wakaráhratsʼte kwáh né enkónhiate kíʼ kénʼen kanáhthaien ó꞉ni ne ienáhkereh tsi ní꞉ioht ne Topheth nónhwe.

¹³ Ne Jerusalem nónhwe nikanonhsóhtons, ne tsi rothinonhsóhtons ne rotinonhtí꞉ios ne Judah nónhwe, tánon ó꞉ni ne kwáh tsi niaʼtekanónhsahkes tsi nónhwe ne karonkweʼnahkésons ne wenhnekeráhkons watʼtsahathánions né꞉ne ratironhiakerónons raothiriwáhke tánon thóh nónhwe ne otsítsa tewahwéhron né꞉ne akonwahtítatʼtse ne thikaniʼiosehraténions—kwáh ratikwékon tsi iáh tahonatkwenienstónhake tsi ní꞉ioht ne Topheth.”

¹⁴ Ethóhʼne éhren thonthákeʼte ne Topheth nónwe, tsi thóh nónhwe ne Roiá꞉ner iehakatheniéthonʼne niaʼkaterihwahnhóten ne raoʼterihwanhotátshera. Iewahkénon tánon ahotenhénrahkon ne tsi ionterennahientákwah íkthaʼkwe tánon okwetahkwékon wahkheró꞉ri

¹⁵ nètho ne Roiá꞉ner Roshaststenserowáhnenh, ne ne Israerʼró꞉non sahkohʼNí꞉io, ráhwenh, “Entétkhaweh ne kén nónhwe kíʼ tsi kanahtowáhnenh tánon ó꞉ni ne aktatsesónhas kanahtaʼiénton akwékon ne karewahtátshera tsi ehʼnénhtiereh tsi niwáhken, tioríhwa tsi nisehwaʼnonhtsistaníron ó꞉ni kwáh iáh tesehwahthahónsahtats tsi nikáton.”