Jeremiah 18 - Ohiatonhseratokénti

Jeremiah Ratshetònni Tsi Thóh Nonhsóh꞉te Iéres

¹ Ne Roiá꞉ner wahakénhase,

² “Wáhs ratshetón꞉ni tsi thóh nonhsóh꞉te iaháse, eh thóhʼnónhwe entkónhion naʼkateriwahnhothátshera.”

³ Káti thóh wáhkethe tánon wahíken ne ratshetón꞉ni rohióhthe ne rahokahkwénthake.

⁴ Nónenh ne kátshe tsi nikáien ne iáh tehiotʼtsetiʼióhon, nonawàtsta óia nahó꞉ten ensrónniaʼthe.

⁵ Ethóhʼne ne Roiá꞉ner wahakénhase,

⁶ “Iáh kén tewahkateriwahiénni thóh nakwahiérahse kíʼ tiónkwe Israerʼró꞉nons tsi naháiere ne thóh ionawatatsʼtakarí꞉io ne ratshetònni? Katshaʼnáhke sewahthatéron kwáh tsi ní꞉ioht nètho ionawatstaʼkarí꞉io rahtshanáhke ráhaweh ne ratʼtsetón꞉ni.

⁷ Kwáh tsík nenhkaháwiʼke nenhkíron tsi entʼtherhótion, ténkʼrihthe, tó꞉ka ó꞉ni enkhehiáthonte nonhkweshón꞉a tó꞉ka ó꞉ni ne kanahkerashera,

⁸ ók ethonʼne nonhkweshón꞉ʼa tonshahiontkaratéhni tsi nihiakonhkwetahétken, kwáh iáh ethohʼthatiéren tsi niwáhken.

⁹ Nók nóia nitsiotseráhton, tó꞉ka enkíron enhkhéteron tó꞉ka ó꞉ni enhkhekhétsko kwáh tsík niʼiakahontsioténhake tó꞉ka ó꞉ni thiʼkananakerahsehráte,

¹⁰ ók ethónʼne nètho ónkwe iáh tehionkewenhnaráhkwen tánon kariwáksen tsi nahontiéreh, iáh kíʼ eh thatiéreh tsi niwáhken.

¹¹ Né káti, sehró꞉ri nonhkweshón꞉a ne Judah nónhwe ó꞉ni ne Jerusalem nónhwe tsi kahtenikonhrónnis tsi nòkwa ne rohnónha tánon katatewehienénhtas natkheréwahthe. Sehró꞉ri nahóntʼkaʼwe tsi nikariwáhneren tsi ní꞉ioht tsi rohnonhnhétie—tehontáton tsi nihatewehienʼnótens tánon tsi nahoténsons rohthihiotáties.

¹² Tsi tenhatiʼriwahsehráko, ‘Iáh, nonhtiéren tsi éhthoh nahiakwáhiereh? Kwáh iakwahkwékon thóh nienhióton tsi enhionkwahnonhtsistaníronʼke ó꞉ni enhiatsionkwetakʼsénhake tsi nentsiakwanónhwehne.’”

Nonhkweshón꞉a Wahonwahkénron Ne Roiá꞉ner

¹³ Ne Roiá꞉ner ráton, “Sehrihwanónhtons nonhkweshón꞉a nonhwénhton kén né nikarihó꞉ten eh nahiawénhʼen Nonhkweshón꞉a ne Israel iorihwatsáni tsi nihonatiéren!

¹⁴ Ne kwáh tsionitsténrahtes ne Lebanon nonhwénhton kén ne iáh tahiotenieʼtharáhke? Ne tsi kahionhatáhtie ne tsi tsionónhthe nitsawéhnon nonhwénhton kén nahiostátʼtenke?

¹⁵ Kíʼ ó꞉ni nakonhkwetaʼshón꞉a kwáh hiontiatanikonhrénhen; wahontsaʼáhte ne wenhnekeráhkon ne nakonhwaʼnahtsienkwahronniáten ne kahiatonnisónhas. Tahoʼnahshítiaʼke tsi ronthahíʼne, tsi nienhónʼne; iáh ónen theshatísehre norihwahkáhions; thóh nónhwe nihónʼne tsi nónhwe ne iáh tehiohiánahre.

¹⁶ Né wahonnónhniaʼthe kí꞉ken ohóntsa ne kateronkwáhtshera, né꞉ne tsi nénhwe ahiekenronníhake. Tsi nihiákon né éhthoh nónhwe nenhiontóhetsʼthe entionthónnheke tsi nahó꞉ten enhiontkátho; tenhionnonhkaʼrénron tsi nenhiakoneráhko.

¹⁷ Raothihénton ne ronwahtísons tenkhehiaréniaʼthe nakonhwehtahshón꞉a, tsi ní꞉ioht nehiokenróh꞉te ne tsitkarahkwínekens nòkwahti nitsiowehrénha. Kwáh enkhehiatsʼwaténien; Kwáh iáh thaʼkhehiatahkéna nónen ne karihwahiesáhtshera énwahwe.”

Wahthenikonhrónʼni Tsi Nòkwah Ne Jeremiah

¹⁸ Ethóhʼne nonhkweshón꞉a wahéron, “Ánion khiʼtewáhier tsi nòkwah ne Jeremiah! Tiókonhte né rotikháres enhiontsionkweʼthaiéntahke naʼionkhirihónnien, ne rontenikonhratʼtóhkhas enhionkhiʼhiatennikónhron, tánon ne rotitokénhse enhonterihwanóten ne Rawenni꞉io raoterihwanotátshera. Ánion etʼtsitewahrihwáhro tánon tekátann tsi ionkwahtahónshaʼte tsi nahoténsons ratónnions.”

¹⁹ Sók kíʼ wakahterénnahien, “Saiá꞉ner, satʼthóntek tsi nahoténsons káton tánon sathahónshaʼtat tsi nahó꞉ten rontónnions ne tehiakwahtátʼtsions tsi nòkwah ní꞉i.

²⁰ Ne karihwahétken ne kén ne ahokarhiátshera ne iohiánereh? Ethohʼsáne rohtisonhiónni nakerihwáhke né hiatiátenʼne. Sehʼhiáranh tsi ní꞉ioht tsi iewahkénon ne sonháke nahkhehiatátsaʼse, ne ne tó꞉sa kanahkwahtsherákon tsi kén niahséhʼiereh.

²¹ Ók nónhwa, Saiá꞉ner, ánion ne sakothiʼienokónha athonkarhiákon rotírhiot; ánion ateriʼiosehráhkon nónwe nihonníheʼie. Ánion ne iothiniátkons ionáhtons tsi iotiniákons ó꞉ni ne akotiʼienʼokónha; ánion ne ronnónhkwe kanrahtharinhétshera rohtírhiot tánon ne kén nithóhtihiónsa tsi wahterí꞉io nónhwe nihonníheʼieh.

²² Kén tiokwáksen iasehiaténiet nahathinenhskwenháton tsi ratiterónton ne ne kwáh iáh othènen tahonthontró꞉ri; sehiónʼnien katerontsherákon tsi tehonséntʼtho. Hionksonhionnénhni né iatiáʼtenne tánon hionkaterísthaʼien nahiontiénha.

²³ Ók, Saiá꞉ner, sahteriéntareh akwékon tsi nihonahtenikonhrónni nahionkenonhwahrhiákon. Tó꞉sa shaʼsehnikónhrens tsi nihonnonhkwetaʼhétkens tó꞉sa ó꞉ni shaʼsehnikónhrens ne raoʼtirihwaʼneraháktshera. Tehsehʼhionhontióient ne tsi sehsénhnion ó꞉ni kén niásehreh tsík sénha shé꞉kon shanakwénʼen.”