Isaiah 16 - Ohiatonhseratokénti

¹ Iaʼtsisewatenaskwahténieten ne tehotinakarotónhas owirasónhas ne rakóra ne tsi ionhontsáien, né꞉ne Sela nentʼthónhne, iahonwentsiatʼthénhaʼke nòkwah enhontéheste, thóh tsi iotenontáhere nakoiénha Zion.

² Kwáh tsi ní꞉ioht ne tewatewehiaríkʼkons otsithénha, tsi ní꞉ioht ne tehiotʼtókwen otsinákwah, kwáh kí né꞉ne akohiohʼokónhas ne Moab tsi nón꞉we natsiakʼtónhties ne Arnon nón꞉we.

³ “Seiatenikonrashón꞉teras, tashé꞉hion ne karihwakwarihshón꞉tshera; sathatónhnien nasatʼrenhósthaʼkwe tsi ní꞉ioht nashonʼthenhne né éntie níkare; sehiatá꞉set ne tonwatiʼhiatinekénhen, tó꞉sa sehiathaharákwat ne rotiʼnathenháwis;

⁴ Seríhon ne rotiʼnatenháwis ne Moab skát꞉ne sewanakérek; í꞉se sheʼiatanónstat tsi nòkwah ne sakotón꞉tha.” Nó꞉nen ne sakoronhiakéntha iáh okàneka tèsres, tánon natʼkaronhniátshera watʼkátane, tánon ne rotiʼnatenháwis ronatónhon ne tsi ionwenhtsá꞉te,

⁵ eʼthó꞉ne anitskwáhra enkakwatákwenhke tsi nón꞉we ne iorihwató꞉ken kanoronhkwáhtshera nikáien thóh rahothohserákon ne Táwit, tánon thóh nón꞉we nenhanitskwáhren ne raoʼrihwatokentitsherákon né꞉ne rakóra ne ré꞉saks kaiáneren tánon rahiatastó꞉re ne thóh naháiere ne tkarihwaiéri í꞉ken.

⁶ Hionkwahrihwáronhke tsi nikanáʼie ne Moab —tsi nió꞉re tsi ratatónhni!— né tsi niʼhatatkowánen, raná꞉ie, tánon rohianerenhserát꞉sen; tsi naʼtehathaterenhshá꞉rons iáh tókenske tèken.

⁷ Ne ká꞉ti wahhónni sheʼríhon ne Moab tahokaseranáwenhne, áhion onkwetaʼkwékon tehiakokaseranáhwenhne Moab raorihwàke. Hionhtsiónhnion, kwáh í꞉ken tsi ronwarewáton, asèken ne tkanénhara watenatáronhte ne Kir-hareseth raorihwàke.

⁸ Asèken ne kahentàkes ne Heshbon iostatʼténhen, ó꞉ni ne watenenharí꞉seres ne Sibmah, ne hionenhrhokwenhtónhnion iehioteráston iakononwaratónhthaʼkwe ne sakotiʼiáners ronnonhonhtsaʼkeró꞉nons wahshaʼkotinatoskarón꞉ko, iehioniharáhon ne Jazer tánon thóh niehiawénon tsi tsahontsatʼthénhake; ne tehiorenháron iehioterátsʼton ahiʼnónhson nió꞉re nieʼiawénon tánon iatehioniataríhiakon ne kaniatarakhekoʼwáne.

⁹ Eʼthó káti watʼkhaséntʼtho tsi naʼtekonwaséntʼthose ne Jazer ne aorihwàke ne watenenharíseres ne Sibmah; wakonhkoharoshónhni né nakʼkháseri wakátste, Ó Heshbon tánon Elealeh; ne tsi natehotihenrétha ne sahiksónhas ne sahiákwen tánon ne sanátsias tsi nishientwákwas iotottáhon.

¹⁰ Natonhnará꞉tshera tánon natsenhnonhniátshera eʼren kahawíton tsi niʼiawetowánen tkáhaskwe ne kahentàke; tánon thóh tsi iotenenhárahre iáh thatesatirihwá꞉kwas ne karenhnasónhas, iáh kàneka taʼtetionhtewenhnakétskwas; Iáh ónhka thateʼtionhiaríhtha naʼhatirathatséson nahʼienekínekenhwe nonénhhare ne tsi ratiʼnekonhniátha; tsi tehiakohenréhtha sakʼthíken.

¹¹ Èʼthoh káti ne wahón꞉ni tewakerhiaʼsíshonkwah tsi ní꞉ioht onowakówa ne aorihwàke Moab, tánon ne kwáh akatónnhets né꞉ne aorihwàke ne Kir-heres.

¹² Nó꞉nen ne Moab enhatotási raonhatsí꞉wa, nó꞉nenh enhanikonrókten tsi nón꞉we ne kwáh èhʼneken tsiót꞉tes, nó꞉nenh èntre ne tsi raterenhnaientákwah nahaterénhnaien, iáh kí taohianeráhsten.

¹³ Ne kíʼ꞉ken nowenhnasónhas nèthoh Roiá꞉ner tsi nihothatíhon ne aorihwàke ne Moab ne tsi nitsiotohestʼtáhnion.

¹⁴ Ók kí nón꞉wa ne Roiá꞉ner rá꞉ton, Né áhsen niʼioseráke niʼió꞉re, kwáh thóh nenhioserothénhake tsi ní꞉ioht ne ranhátshera, ne raoʼiatanerakwáhtshera ne Moab ehʼtàke enhionhníhake skát꞉ne tsi nihonatsiokowáhnen neh ratinákereh; tánon ne wahakotátere kwáh kénk nentsakónhake tánon iáh tahonsahatishátsteke.