Hebrews 3 - Ohiatonhseratokénti

Sénha Ié꞉sos Rahiatanóron Tsi Niʼiohtónʼne Ne Mahís

¹ Tekanóronn Sewahriwiʼióstons onkwahtenrosónha, í꞉se ó꞉ni ne Rawenni꞉io ietsisehwennónkon! Ié꞉sos tsi sewahnonthónnionf, tsi raónha ne Rawenni꞉io thotórion tsi tókthe ratsihenstowáhnen tánon ne tewetákwen tewahriwahnírats.

² Rorihwahtókenʼne tsi nòkwa ne Ní꞉io, raónha rohiatarákwen nahoióten ne raohioténshera, kwáh tsi nihiotónne ne Mahís rorihwahtókenne tsi niʼohiótenskwe ne Rawenni꞉io raononsatokentíke.

³ Rónkwe nenhatenonshónni sénha ne tekarénsaron tsi ní꞉ioht ne kwáh kanónsha. Kwáh ne saoríhwah ne Ié꞉sos tiawetatʼtsáni sénha raónha rahiatanóron tsi niʼiohtónne ne Mahís.

⁴ Kwáh iaʼtekanónsake, nénhne tsi ónkak iakononshíʼshion—tánon Rawenni꞉io káti ne orihwakwékon roshahánion.

⁵ Mahís rorihwahtókenʼne ne Rawenni꞉io raonónskon tsi ranhátsheraʼkwe, tánon né rotarákwen tsi nahorihoténsonsʼkwe ne Rawenni꞉io enhénron tsi niahawenonháti.

⁶ Nók ne Kerístos rorihwahtóken tsi nòkwah ne roʼníha tsi rohteriwahtentiáton ne Rawenni꞉io rahonón꞉sha. Í꞉i ne rahonónsha íken tóka ientewahtashónteren nonkwáh nikonranirátʼtshera ó꞉ni tsi tionkwetákwen nahóten tewaskáneks.

Ne Rawenni꞉io Rahonkwetashónha Enhiontorísʼsen

⁷ É꞉tho káti, tsi niháton ne Ronikonratokénti, “Tóhka enshathónteʼne ne Rawenni꞉io raowénna nónwah wenniseráthe,

⁸ tóhsa satenihkonrák꞉sat, tsi nihotihʼiéren ne shesoʼthonkonhkén꞉en ne iáh tehonwahwennaráhkwen ne Rawenni꞉io, tsi niiohʼthón꞉ne né tewenniserátekwe ne kahentakekówah ne sahonwahtheniénten.

⁹ Thóh nónwe nahonkíteron ó꞉ni wahonkátʼkense tánon wahonkatheniénten, ráton ne Rawenni꞉io, Ethosáh꞉ne ronatkáton tsi niwahtiéren ne kaiéri-niwáhsen niʼioseráke nikaríwes.

¹⁰ Tánon kíʼ kenakwáhsene nètho onkweshónha tánon wahkíron, ‘Né꞉ne onkweshón꞉as ne iáh tehiakorihwaʼtóken, tánon iáh tehonthóntats nahontewénnahraʼkwe nakerihwataʼtséras.’

¹¹ Wahkenakwénhenʼne ó꞉ni iorihwahníron wakarahrátsʼton: ‘Iáh nonwénton tiahatiráhtaʼne nonwentsáke tsi nónwe nikhehionhontsáwi nahonthoríhsen!’”

¹² Tewatenroshón꞉a, sewanikonráhrat tóhsa ónka tsi nítion thoʼnióre tsi aiseweriaskatsénhake ó꞉ni aisewahtenowéntake kwáh ahtsisewatswahténien ne ronnheónwe Ní꞉io.

¹³ Khekhók, naiotónʼon tóhsa ónka tsiʼnítion ne kariwáhneren aisewahnikonráhten ó꞉ni aisewahtenikonrákshaʼte, ónenk tsi tesewahtatiénawashe kwáh niatewenniseráhke, kwáh tsi nikaríwes nowénhna “Nonwawenniseráte” nohiatonseratokentíke í꞉i ionkwáhtiaʼte.

¹⁴ Asèken tewahkwékon teionkwahienawáhkon ne Kerístos tóhka enionkwahriwahníronke kwáh tsi nióre tsi ieiohtókʼte tsi nitionkweʼtakwenʼne tsi niʼtiotáh꞉sawen.

¹⁵ Kén nahòten wáhton noriwahtokénti: “Tóhka ensaʼthóntene ne Rawenni꞉io raowénhna nónwah wenhniseráte, tóhsa satenikonráksat, tsi né niotiʼiéren ne shesoʼthonkonhkén꞉en nónen tehonwahwennaráhkwen ne Rawenni꞉io.”

¹⁶ Í꞉se ne tiónkwe tsi sewahwennarónken ne Rawenni꞉io tánon wahtsishewatswathénien? Sewahkwékon tsi nítion ne Mahís tsi shewenhéntenʼse tsi tishewahiakénʼen ne Egypt.

¹⁷ Ronónha ne Rawenni꞉io tsi shewahnakwáhsheʼne ne kaiéri niʼiohseráhsen nikaríwes? Ne nónkwe ne iakoriwáhneren, kahentakekówah nónwe nahonníheie.

¹⁸ Nónen ne Rawenni꞉io kwáh waharihwanírate tsi waharáhratsʼte, “Iáh nonwénton tiahontáwehiate tsi tiohontsáien ne kehiarahratsʼténni ienhontoríhsen” ónka shakotaráhkwenʼne? Ne tsi niháti ne ronwahtaróntion.

¹⁹ Tehwatʼkáthos, káti, tsi iáh tehotikwénion iahonatawehiáton tsi tiohontsáien, tioríhwah tsi iáh tehʼthonetákwenʼne.