Ephesians 6 - Ohiatonhseratokénti

Ratiksahokónha Tánon Ne Ronwatiʼienhokónhas

¹ Sewaksahokónha, ne tsi sewariwiʼióston sewateriwaiénʼni naietʼtsiwénʼnarakwe ne ietʼtsiʼienhokónha, Asèken neh kíʼ tkariwaiéri neh naiéhiere.

² “Sheʼkwénienst ne ianíha ó꞉ni ne sanisténha” neh kí꞉ken ne tiotierentákwen ne kaianerénsera nètho wahrahrátstha tsi ensaiánerase:

³ “ne kwáh ahioianeréhake ne sarihwà꞉ke tánon káti nahónton karí꞉wes ashón꞉nheke tsi ionhontsá꞉te.”

⁴ Sewawiraiéntons, tóhsa thènen seiatewehienaksáten ne ietʼtsiʼienhokónha nehne akarihónʼni aietʼtsinákwase. Khék, teietʼtsihiaróthon tsi enietʼtsihieiáron tsi nòkwa ne kariwihiosthontserákon ó꞉ni ahontewéienste nahontahonwethákwen ne Ié꞉sos Kerístos.

Rathináskwa Tánon Ne Rathiʼiatakwení꞉ios

⁵ Sewanáskwas, ietʼtsiwenʼnarákwak ne ronʼnónkwes ietʼtsihiótense ne ne kateronhtserakon oni nahotiiatisonhkwahke, tanon ioriwatokenhak ne sewerhianes, ne akénhake Kerístos tsi sewaiotenhse.

⁶ Kén kíʼ nasewáier ne tóhsa thokàken tsík ahietʼtsiʼiateróron, nók ne kíʼ tsi ísere ahonthasenikonraiérithe; nók kwáh kíʼ seriahsakwékon thóh nátsiere ne tsi natehothonwentió꞉ni ne Rawenni꞉io, tsi kwáh senáskwa rahonháke ne Kerístos.

⁷ Tsi senáskwa kwáh kíʼ satʼtsennonʼníhak sahióten ne sahioténsera, tsi shíken ní꞉ioht Kerístos tioténsen, tánon iáh kíkʼ onkwesónha tesehiótense.

⁸ Sehʼiárat nétho Roiá꞉ner kwáh tsi tewaiatʼtátʼtion tensonkwariwaserákwaʼse, thokàken ahitewanáskwa ahkénhake tóhkaʼ ó꞉ni ahionkwatatewenʼniʼiohatiéseke, neh tsi nikahiotenserí꞉io ionkwahióthe.

⁹ Sewahiatakweʼníʼios, kwáh tasewatheweienthónha tsi nòkwati ne shenaskónʼni tánon sátʼkaf tsi tesehionʼnaríkʼkons. Sewehiáhrak í꞉se tánon ne tsi nikáien ne ietʼtsinaskónʼnis neh sahahiáta tetsisewaniarótaron ne karonhiáke tahiatakweʼní꞉io, kwáh akwékon ne sáka tsi nitiótʼte tsi tesakohiatorétha.

Ne Kwáh Rahoriwakwékon Ne Rawenni꞉io

¹⁰ Iakáhewe, sewatesatsʼtenserónni tsi tesewateriwasóntere ne Roiá꞉ner tánon tsi nikéntons tsi nihosastenserowánen.

¹¹ Akwékon ihsasnoriwasónha tsi nithiáwis ne Rawenni꞉io, nekáti naskweni nasatakátsthate nahontasathátene tsi nihatenikonraiéntons ne ranesonrónon.

¹² Asèken iáh seh ónkwe tehionkwaterí꞉io nók nehne rothiriwáneren rathinesonrónons ne tsi karonhiáte ionhontsiáien, ne rathikorásons, kaianerenserasónhas, ó꞉ni ne tsi ionwentsiáte rathikorásons tsi naʼtetiókaras tsi nihonatenʼniserathénion.

¹³ Nekáti ónen í꞉sewats ne Rawenni꞉io rahoriwasónha! Kwáh enskwéni tsi tentswenʼnaráko ne iáswens nónen entʼthiatiathónti; tánon nónen iatensenókten tsi tiaterí꞉io, séhkon kíʼ énstake.

¹⁴ Kwáh káti satateweiennentahónhak, ne noriwihioʼónwe sathatiataʼnhatseronʼniáten tánon satiahtáh꞉nak, ó꞉ni kariwakwarishióntsera satetskweʼnó꞉rok,

¹⁵ Tánon tsi satateweiennentháʼon naserihówanate ne kariwí꞉ios ne skénʼnen, thóh neh nenhióʼton tsi shíken ní꞉ioht tsi tesatárion.

¹⁶ Kwáh tiókonte tsi sawísek ne tewethákwen nehne asatrenhóstaʼkwe; tsi neh íshawe enskwéni ne kwáh akwékon ahontasáʼsente ne iotékha kaiénkwires thóties ne ranikonráksen.

¹⁷ Tánon tsiéna ne kaiathakenátshera tsi shíken ní꞉ioht nanónwaroreh, tánon tsi nitʼthiáwis ne Rohnikonriʼióston ne Rawenni꞉io rahowénʼna kwáh thóh ní꞉ioht kwáh nehne asarekówa.

¹⁸ Oriwakwékon kíʼ ahterenʼnaienthatserákon tsi nátiere, Tieriwanóntons ne Rawenni꞉io nahiaʼiénawase. Kwáh tsík nahoténson tsi saterenʼnaiéntʼsenk, thóh ne kasastenserákon nonikónra. Ne kíʼ aoríwa tiókonte tsi sahrárek tánon tóhsa nonwénton sahtiakwaríshi; tiókonte shehiaterenʼnaienʼníhek ne Rawenni꞉io rahonkwetaʼsónha.

¹⁹ Tánon ó꞉ni takwaterenʼnaiénhas nón ní꞉i, neh Rawenni꞉io nahontahákon nateriwanothátsera nónen enkatáti, nehne ahónton nahonkenikonratʼtianíthon nónen enkatáti tánon nakotáshion ne kariwí꞉ios ne iáh tehiakoteriéntare.

²⁰ Neh kíʼ aorihónniat neh kariwí꞉ios í꞉i rihiathátiase ne Ié꞉sos Kerístos, iahwerohátsien tsi ónen keʼnhóton. Sewaterénʼnaien nehne ahonkenikonratʼtianíthon tsi akathátsiase ne kariwí꞉ios tsi niwakateriwaiénʼni.

Nonakènka Kanonwerathóntsera

²¹ Ne Tychicus, tsi tewanorónkwa athatekénsera tánon roriwathóken tsi rohióte ne Roiá꞉ner rahohioténsera, oriwahkwékon enhiaróri tsi nòkwa ní꞉i, ehnahóntawe ahisewateriéntaraʼne tsi ní꞉ioht tsi konʼnhétie.

²² Ne aoríwa ihséke iahihiathóri—nahiaróri tsi ní꞉ioht tsi ionkwatenniseraténion ó꞉ni nahianikonranírate.

²³ Aiáwens ne Rawenni꞉io ne roʼníha ne Roiá꞉ner Ié꞉sos Kerístos nahontasakáwen tsi niʼiákon ne iakoriwihióstons skénnen ó꞉ni kanoronkwátshera skátne ne tewethákwen.

²⁴ Ne Rawenni꞉io rahoténrat ahathikwekónhake tsi niháti ronwanorónkwa ne Sonkwaiáner Ié꞉sos Kerístos akenikwekónhake ne iáh tekenhéions kanoronkwátshera.