Ecclesiastes 10 - Ohiatonhseratokénti

¹ Notsíks ne katʼtshétakon ronenhéion kaktseʼthakwékon kíʼ ne iontsiatakonhonsthákwa tsi enhonnonhseráksathe, tánon kénk níkonh ne tehiotenonhwaroríhthonthe enkakwéni ne éhren enhkaháwite natʼtokhátshera.

² Kwáh nènʼne sahoiénhren ne ronhtenikonhratʼthó꞉kha né thóh nahatí꞉iere ne tkariwahiéri ók ne thonathónnokʼthe thóh né nenhatíhiere nahó꞉ten ne iáh tetkariwaiéri.

³ Tsi tehonahtenonhwarohríthonthe kwáh tsewé꞉ne shé꞉kon nònhʼne tsi nokwáh ne thihononhontsáte ne tenhontátken tsi nihioháhes; onhkweʼtakwékon enhonwanahronhkáten tsi thonathónhnokʼthe.

⁴ Tó꞉ka shí꞉ken ne iakóra enhianáhkwahse, tó꞉sa kíʼ ensahthorísʼsen; ne iorihowáhnen tewaterientawenriéhon ahónton nahonsahionthatenikónhrenhse tó꞉ka sak tenhsahthatónhni.

⁵ Kénʼen shé꞉kon nóia tewaterientawenhriéhon wakatʼkáton tsi ionhwenhtsáte—ne tewaterientawenhriéhon né꞉ne rakóra eh nihó꞉shon.

⁶ Ne tsiakotónhnokthe thóh nónhwe nihionthateríhonthe tsi nónhwe nikáien ne kashastsʼténsera, ók ne rothikwáhses, ó꞉ni ne thohʼnatʼtsénnahtes, né nenʼné꞉e ne nitsiotenakthatéha nónhwe nihonaterihóntons.

⁷ Khèken ne ratináskwas kosáhtens rotishátentse ók ne ratisenhnowánens takhéson nenʼné꞉e rónhne tsi ní꞉ioht ne ratináskwas.

⁸ Tó꞉ka shí꞉ken entionhhiónhni, thóh ienshá꞉tenhne; tó꞉ka iatenshashontót꞉kaʼwe, óniare ensahkári.

⁹ Tó꞉ka thóh nónhwe nisahióthe ne tsi ienenhiokwástha, ensakaréwahthe kíʼ nonenhiasónhas. Tó꞉ka tenshientó꞉ren, enshakaréwahthe kíʼ tsi né shahióthe.

¹⁰ Tó꞉ka ne sató꞉ken iáh tehiohiothí꞉ie tánon iáh tashiotí꞉ie, sénha ki ensehronhiá꞉ken tsi né énsasthe. Kwáh íken tsi iohiá꞉nere nohénton ahontahiontʼtatkwatháko.

¹¹ Niakoteriéntare onhʼní꞉ioht tsi takonwanikonhrawénrie nóniare iáh kíʼ othé꞉nen tekariwáhstha tó꞉ka nakonhwaríhon niarékwe aiakokári.

¹² Nahó꞉ten ne ronteʼnikonhrahtókha rónhton tsiakówis ne karensarónhtshera, ók ne tonathónnhotʼthe nek khók ne roʼnónhak raotiwenhnahó꞉kons iakohiatathóntha.

¹³ Tsi enthontásahwen ohnonwarorí꞉ta íken tsi rotíthare tánon kíʼ tsi ienhathísa kwáh íken tsi rothinahkwénhʼen.

¹⁴ Ne thothónhnokʼthe tsiókonhthe ró꞉thare. Iáh ónhka tehiakoteriéntare onhnientsá꞉wenhne, tánon iáh ónhka tahiekwéni nahionkhiró꞉ri onhnenhiá꞉wenhne nónenh entewénheie.

¹⁵ Ne kahioténsehra ne thothónnhokʼthe rohiótens tehowisenhehiátha, tsioríhwa tsi iáh nonhwénhton tshiéras tsi nónhwe nihonétsonte.

¹⁶ Ne kanakerásehra wenhtó꞉rahtse nónenh ne Ahonnonhtiʼiótshera kenʼnithohiónha tánon ne ohénton iehonhnéton asonthakwéksons tsehonatʼthonró꞉hon tehonatskáhon.

¹⁷ Ók kíʼ ioteraswí꞉io ne kanakeráhse nahonhnontiʼiótsera rahónʼa akwékon iatehoriwahiéntase tánon ne ohénton iehonhnéton tehontskáhons tsi nihioteriwíson, thóhʼnathateniaró꞉taron tánon iáh tehotinekátas.

¹⁸ Nónen sóhtsi senhtó꞉ra nahonsashateronhkwenahsehrónhni, enhionronhkwenhókʼkha tánon entkaronhkwérenhne.

¹⁹ Nensahtekónhni entíson nasatʼtsenhnónhni tánon notsítsa enshanikonhkétsko, ók kíʼ tetsáronh iáh tahónton nahisaiéntahne tó꞉ka iáh tesawísthaien.

²⁰ Tó꞉sa tieriwáhkwas ne Ronhnonhtí꞉io, shé꞉kon ne kentkakónhake, tánon tó꞉sa sehrikwáhkwas ne rothikwáhses, shé꞉kon nónenh sonháhak khók íken ne tsi sanonhwétstha nónwe nhíses. Nonhtsérenk otsiténha ienhieriwénhawe ienhonwathiró꞉ri tsi nahó꞉ten wahshí꞉ron.