Deuteronomy 15 - Ohiatonhseratokénti

Ne Tsatakʼháton Niioseráke

¹ “Ne ienwatésa ne tsatákhaton nihioserá꞉ke shasewarónhko tsi nihá꞉ti ne ietsikarotá꞉ni noʼwístha.

² Ken kíʼ nakaié꞉renhke. Ne tsi sewahiatà꞉tsons nónhka ietsiwistaní꞉hen nʼIsraerʼró:nons tsi tahonsakanákonhke tsi ronatká꞉rote; kwáh tó꞉sa sewateʼniénten naieʼtsikarotá꞉shien; ne Roiá꞉ner iaʼtehahiá꞉ti rotró꞉ri ne iotká꞉rote tsi teskaná꞉kon.

³ Ók enwá꞉ton nahonshaieʼtsikarotáshien ne thihononhontsá꞉tes ne ieʼtsikarotá꞉ni, ók kwáh tó꞉sa shaieʼtsikarotá꞉shien nahó꞉ten akénhake ne tsonhkweʼtashón꞉a ieshakarotháni.

⁴ “Ne Roiá꞉ner sewaNí꞉io enhiaiaʼtatériste ne tsi ionhontsá꞉ien ne thetsisewawì꞉re. Iáh ne saiá꞉ta ne tsonhkweʼtashón꞉a tahoténhtonke

⁵ tó꞉ka entsisewawénhnaraʼkwe tánon kwáh ioriwatokénhak orihwakwé꞉kon tsi sewatenhnikónhraren tsi nahó꞉ten wakwahró꞉ri nón꞉wa wenhniserá꞉te.

⁶ Ne Roiá꞉ner enhiaiaʼtaté꞉riste, tsi ki nihorahrátston. Kwáh ensehwistanihá꞉sehke ne niatehononhontsá꞉kes, ók iáh ní꞉se thatehiotonhontsóhon ónhka thaieshawístani; kwáh iakotiohkowá꞉nen ne tsi ionwenhtsá꞉te entesehniarotaróhke, ók iáh ne skentióhkwa nónhka tahonthaieshaniarotaróhke.

⁷ “Tó꞉ka tsi ní꞉konh ne kanataiéntons ne thonón꞉we niʼionhontsá꞉ien ne Roiá꞉ner tetsisewawì꞉re tó꞉sa ietsihiateriasaní꞉rats tó꞉ka ó꞉ni nahisewatiaʼkwenón꞉ni tsi nokwáh ne rothí꞉tens sewatatekenʼokón꞉has raotirihwà꞉ke, káti tó꞉sa í꞉se kók ahisewathatehiá꞉rake tánon ahisewaterahiá꞉takwe naieʼtsiriwawá꞉se ne ronónha.

⁸ Khékok, tasewariwaiérik tánon ietsíni kwáh tsi ní꞉kon tahonatonhontsoní꞉heke.

⁹ Tó꞉sa sewateʼnikonráksat ne tsík nahoʼténhsons aieʼtsíni, né꞉ne ahisewateriwahkèn꞉serahkwe tsi ó꞉nen tó꞉wa iahonsakáhewe nóhsera nó꞉nen tsi nón꞉we nihiakotkaró꞉tons ne tenskanakónhke. Tó꞉sa sewatʼthontat ne niwanonhtonʼnionhtseráksen iahontáwehiaʼte ne sewanikonhrá꞉ke. Tó꞉ka ensaterihwaié꞉saʼte nasewístani, iaʼtenhonsèn꞉tho raonhà꞉ke ne Roiá꞉ner tsi nokwáh ní꞉se ók kwáh enshaʼnonhtà꞉nake.

¹⁰ Kwáh seténrat tánon tó꞉sa thesehnonhiá꞉niks, tánon ne Roiá꞉ner kwáh enhiaiaʼtaté꞉riste orihwakwé꞉kon tsi nenhsátiere.

¹¹ Kwáh tió꞉konhte ónhkak ne Israerʼró꞉nons tsi enhotitenhtónhake tánon knahó꞉tenk tenhonatonhontsónike, tánon káti kwahró꞉ris nahontesewariwaié꞉rike ne rononhà꞉ke.

Tsi Sahonwanátkaʼwe Ne Ratináskwas

¹² “Tó꞉ka ónhka ne Israerʼró꞉nons, rónhkwe khés ne iónhkwe, naiesatkerónhase ne tsi ronónhnhe ne naseiatenaskónhniate, ó꞉nenk tsi ensehsehiatkà꞉we nó꞉nen iá꞉iak nihioserá꞉ke waheshahiò꞉tenhse. Nó꞉nen ne tsatákhaton nihioserá꞉ke enwáhwe ó꞉nenk tsi ensehsehiatkà꞉we.

¹³ Nó꞉nen iensehsehiatkà꞉we, tó꞉sa ki rahotihiaʼtóskon kénhak.

¹⁴ Tkariwaié꞉rik tsi nentesé꞉ion né꞉ne tsi nahoʼténhson ne Roiá꞉ner iahiaʼtatiríston—né꞉ne teiotinakarontón꞉a, onátsas, tánon ne onenharataʼsehontsherákeri.

¹⁵ Sehwehiárak tsi í꞉se ó꞉ni sewanaskwahkén꞉ne ne Egypt nón꞉we tánon ki ne Roiá꞉ner sewaNí꞉io sehtsisewahiatotaríshion; ne káti aorì꞉wa nón꞉wa tkwá꞉wis kí꞉ken kariwatà꞉tshera.

¹⁶ “Ók ki ne tsenaskón꞉ni tó꞉ka nón꞉wa iáh thá꞉rehre ne é꞉ren ahonsà꞉rehte; tánon eʼnenhonikónhrawen nahenterón꞉take.

¹⁷ Ethò꞉ne ki tsi sahtenonhkà꞉ronte niatiaténhaf tánon tetiahontakarónhten; ethò꞉ne ki kwáh tsi nirón꞉nes tsi í꞉se entsenaskonhní꞉heke. Kwáh nónhne thóh nihiotónhak ne tiotonhwísen tsi sehnaskón꞉nis.

¹⁸ Tó꞉sa ki saʼnikonhrakarewáton nó꞉nen ensehtsiatkà꞉we ne ranáskwa; ethosà꞉ne iá꞉iak nihioserá꞉ke waheshahioʼténhse shatehiokarhiaktseríhen kók tsi nihonatkarià꞉se ne ratinátsheras. Tó꞉ki násere tánon ki ne Roiá꞉ner kwáh ki ne iahiataté꞉riste orihwakwé꞉kon tsi nenshá꞉tiere.

Nentewatié꞉renhte Enhonhnákerate Ne Ienáskwaiens

¹⁹ “Ákte natsiénhas ne Roiá꞉ner saʼNí꞉io ratikwékon nentewatié꞉renhte enhonnakerà꞉te ne satshenenhó꞉kons tionhnónskwarons ó꞉ni ne teiotinakarontón꞉a; tó꞉sa sehió꞉tents kí꞉ken tionónhskwarons tánon tó꞉sa ó꞉ni ne skahiáta asehnónhkaron kí꞉ken teiotinakarontón꞉a owí꞉ra.

²⁰ Énska ne tiotsera í꞉se tánon ne sakwáhtsire Roiá꞉ner rahohénton nónwe natesewaskáhon né꞉ne tsi ionterenhnaientákwa nónhwe.

²¹ Ók tó꞉ka káti thé꞉nen nihiotehiátawens ne konhtiʼtshénens, tó꞉ka iotihiaʼtakenhé꞉ion tó꞉ka nʼó꞉ni iáh tekonhtíken tó꞉ka ó꞉ni ó꞉ia nahó꞉ten tsi nahiotihiaʼthawénhseke tsi konhnónh꞉nhe, iáh ki tehió꞉wenk ne Roiá꞉ner iastátske.

²² Né꞉tho kaʼtshénen enwá꞉ton í꞉se ne ahisewahwà꞉rake. Sewakwé꞉kon, né꞉ne tó꞉ka ken shihioriwaká꞉ion sewatʼkwénienskwe tó꞉ka ó꞉ni iáh tesewatʼkwénienskwe, enwá꞉ton nahisewahwà꞉rake, kwáh tsi ní꞉ioht tsi sewawà꞉rats noskenónhton tó꞉ka ó꞉ni ne kahentaʼké꞉ha oskenónhton.

²³ Ók tó꞉sa ki ne rahotinekwénhsa nahisewateʼkhonhniá꞉te; khékok, ohontsà꞉ke tasewáweron tsi ní꞉ioht nohné꞉kanos.