2 Timothy 4 - Ohiatonhseratokénti

¹ Rahohénton ne Rawenni꞉io ó꞉ni ne Kerístos Ié꞉sos, tsi nikáien ne tensakohiatórethe ne iakónnhe ó꞉ni ne iakawenhéion, tánon tsioríhwa tsi thontáre nahatkórasthe tsi ní꞉ioht ne Ronnontí꞉io, kwáh aterennaientatserákon tsi konretiárons

² saterihwanóten naʼteriwahnotátsera, naʼsatsniénon nakarihowahnáton (tóhkaʼ kén ónen iehióhe tsi nikaháwi tóhkaʼ kén ó꞉ni iáh), iasenikonrénhaf, serehtiáron, ó꞉ni sehnikonranírat, tsi nen sanikonkátsʼteke tsi enserihónnien.

³ Asèken ienkáhewe nónen nónkwe iáh tahonsahionthahónsataʼthe ne oriwihioʼónwe karihonniennítsera, onk neh enhatísere ne kwáh iatehatihiáti rahonaskanéktseras ó꞉ni sénha ensakotihiataróhroke ne sakotirihonniénnis ronónha ensakotirórih tsi nahóten ne kwáh rontihontarónkwani nahonatʼthón꞉tene.

⁴ Enhontarónti nahontahónsatathe norihwí꞉io tánon neh enhonaterihwaiénhaʼse ne iekarathónkwas.

⁵ Nók ónenk tsi entesatatheniarótarohke ne kwáhk tsi nahorihhoténsons; sakátstek naseronhiáken, neh sahióten ne rateriwahnótʼtha ne kariwí꞉ios, tánon neh sateriwahténtsiat kwáh tsi nisateriwahiénʼni tsi Rawenni꞉io tiótense.

⁶ Nók ní꞉i, iakáhewe nahionkeronhiákenthe; ónwe ne tsi nikawistáheks ní꞉i tahiatiatetkhási tsi kén꞉en kónnhe.

⁷ Kwáh iaʼtewahkatatʼtshaʼháton tsi tewahkaréron, kwáh iaʼtewahkókte tsi tewahkaratháton, tánon wahkatienawástonʼne ne tewehtákwen.

⁸ Tánon nónwah ónen wakeráh꞉re ne atesenniétsera kahkariák꞉tsera neh tsi tkaiéri tsi tionkeriwahseronniénʼni tsi nòkwa ne Rawenni꞉io, neh꞉ne Roiá꞉ner, ne kariwahkwarisióntsera Rarihwéntha, entʼthákon nètho tewenniseráte—nók iáh I꞉i khók tèken, nók tsi nihiákon neh꞉ne iakórare ne kanoronkwátsera ne rahónha enhokéthothe.

Kwáh Hiatehahiáti Rahowennahókons

⁹ Kwáh iatesatátʼtiahat ne iosthóre taitiatátken.

¹⁰ Ne Demas wahanóronkwe ne kén ionwentsiáte tánon wahakatewéntethe, Thessalonica niaháre. Ne Crescens Galatia neh niaháre, tánon ne Titus Dalmatia ne niaháre.

¹¹ Kwáh Luke khók tiontiariskhóʼon. Mark hiatsínonk tánon tatʼtiaténhaf, tioríhwa tsi enhakwéni nahasniénon ne kahioténsera.

¹² Tychicus Ephesus non iaihiaténieʼthe.

¹³ Nónen entése, thontáh꞉saf nakwatiátawi neh꞉ne Troas nónwe iewáhtsien skátke ne Carpus; kahiatonserasónhas ó꞉ni tás꞉saf, sénha ne kanéʼons nón nikahiathónkwen.

¹⁴ Alexander ne raristakerónon kwáh wéso tsi ratʼkaronníʼon; ne Roiá꞉ner tehorihwaserákwase tsi nihotiéren.

¹⁵ Kwáh ákta tsi tiatennikonráh꞉ren, tioríhwa kwáh íken tsi rariwáhsonskwe nonkwateriwahnothátsera.

¹⁶ Kwáh iahʼónka tetsionkastswahnónnen neh sontontsérenthe takatátheʼne; ratikwékon wahonkatewéntethe. Aiáwens ne Rawenni꞉io tóhsa thènen asakonontánahke!

¹⁷ Nók ne Roiá꞉ner wahakarískothe ó꞉ni tahákon ne kasatsʼténsera, neh natkwéni akerihówahnahthe nakananónhake nateriwahnothátsera ratikwékon ne iáh tehatisitaerónons nahónronke; tánon sakeniákenʼne nahionkeriwénton nahonkihéion.

¹⁸ Tánon kíʼ ne Roiá꞉ner kwáh ensakeniákenthe kwáh oriwahkwékon ne kariwáksen ó꞉ni kwáh skenènʼtsi tsi ienhatiaténhawe ne Rahonakeraserákon ne karonhiáke. Rahónha ne kahiathanerakwátsera tsi iénhenwe ó꞉ni tsi nénwe! Éhʼtho nenʼiáwenʼne.

Nonakènkha Kanonweratóntsera tanon ne ienotonhkwa

¹⁹ Iakehiatheniéthen ne kanonweratóntsera ne Priscilla ó꞉ni ne Aquila tánon ne Onesiphorus rahowáhtsire.

²⁰ Erastus Corinth neh nónwe tahatatíteron, onk ne Trophimus Miletus neh nónwe taihiátʼkawe, tioríwa tsi rononwaktaníhaʼkwe.

²¹ Iaʼtesatásahat nahontáse nohénton nahioseráthe. Eubulus, Pudens, Linus, tánon ne Claudia iahʼitsihiateniéten ne rahotinonweratóntseras, tánon ó꞉ni ne ronátiakes ne rotiriwiʼióstons.

²² Ne Roiá꞉ner senikweʼkónhak tsi sónnhe. Ne Rawenni꞉io rahoténrat sewakwékon sewakwekónhak.