2 Kings 5 - Ohiatonhseratokénti

Né Naaman Wahonwá꞉tienʼte

¹ Né Naaman, raónha ranenhrakwení꞉iokwe ne Syriaró꞉nons ronhterí꞉ios, kwáh í꞉ken tsi ronhwakweniénsthakwe tánon tehorensháronskwe ne Syriaró꞉non ronnontí꞉io, tsioríhwa tsi raonhá꞉ke ne Roiá꞉ner teshakówi ne Syriaró꞉nons ronterí꞉ios naʼtesenhniétsera. Kwáh í꞉ken tsi rasenhnowánenʼne tsi rashotarkénʼen, ók né roʼronhiakénthaʼkwe tsi rostá꞉wiskwe.

² Énska tsi nashakotinenhrénhthen Nisraerʼró꞉nons, ne Syriaró꞉nons iashakotihiathénhawe né ken nihiaká꞉ha Israerʼró꞉non ieksáha, né wahakohióthenhse ne Naaman ró꞉ne.

³ Énska kíʼ nenhné꞉e wahakawénhaʼse ne iakó꞉nhas, “Kaskáneks ne rakénas thóh iáre ahotkénhsera ne rotó꞉kense ne Samaria nónhwe thénhteron! Kwáh kíʼ enhó꞉tienhte tsi nihononhwák꞉thani.”

⁴ Nó꞉nen ne Naaman saharihwáronhke ki ken, ronnonhtí꞉ioke niaháre tánon wahoróri tsi nahó꞉ten wakénhron ne kaksáha.

⁵ Né ronnontí꞉io wahénron, “Wáhs ronontí꞉ioke Nisraerʼró꞉nonke niaháse tánon thá꞉tion kií꞉ken kahiatónhsera.” Sók kíʼ ne Naaman thóh waré꞉the, tsáta tewenhniáwe nikakonhtseráke kawistaráken iahá꞉hawe tánon énska tewenhniáwe wísks-niwásen nikakonhtseráke owistanó꞉ron, tánon iaʼhahá꞉we ne rahothakwénia ne noiéri nihiorihwáke tsi tahonsahatá꞉ton tsi rotsherón꞉ni.

⁶ Kí꞉ken kahiatónhsera ne iehó꞉ha ken nikawenhnó꞉then: “Kí꞉ken kahiatónhsera né thenhoterósehron nakonhkwéʼta Naaman. Tewakathonhontsóni natsétsenthe tsi rononwáktani.”

⁷ Nó꞉nen ne ronnontí꞉io Nisraerʼró꞉nonke wahawenhnanóthen ne kahiatónhsera, waharatsiónhko ne rahotserónhniat tsi nonthahathónhneke tánon wahénron, “Onh ní꞉ioht tsi ró꞉rahre ne Syriaró꞉non ronnontí꞉io nakʼkwéni ahí꞉tiente kí꞉ken rónhkwe? Í꞉rehre ken Ní꞉io ní꞉i í꞉ken, naonkeshastsʼtenseraiénhthake tsi nòkwah natónnhets ó꞉ni ne kenhé꞉ion? Tehiostwát꞉the tsi í꞉rehre tahiakenirihwakéna!”

⁸ Nó꞉nen ne rotó꞉kense Elisha saharihwáronhke tsi nahá꞉wenhne, iahoterihwaniéthase ne ronnontí꞉io: “Onh nontiéren tsi nithisathónhne? Kénʼhen thatsiatórih nètho rónhkwe, tánon enhinathónhaʼse tsi renhterónh ne rotokénse Nisraerʼró꞉nonke!”

⁹ Káti ne Naaman koshá꞉thens washakohiathanihiónhthen raó꞉sere otsónhkwa né wahohonwísere tánon thóh iathátaʼne tsi iothenhenrakáronhte ne Elisha tsi thonónʼsohthe.

¹⁰ Né Elisha rahonhátsera wahoróri niahahiákenhne nahoróri thóh iére tsi kaniatarathátse ne Jordan tánon tsáta nihioríhwake shatiatóhare, tánon kwáh kíʼ ienshaiewénhtaste tsi nihononhwákʼthani.

¹¹ Ók kíʼ ne Naaman tsi nathaʼterhiathíkon, rathónhnionskwe, “Waʼké꞉ron aronáha kíʼ ahonhthahohiakénʼen tsi thóh í꞉keskwe, wakerá꞉rekwe nahonenstsakétskwen tánon ahoterenhnaiénthake rahosénhnakon ne Roiá꞉ner ne Raoní꞉io, thóh tahonisnonshárake tsi nón꞉we niwakenonhwák꞉taʼni.

¹² Tshieskàte, ne tsi kaniatarathátse ne Abana ó꞉ni ne Pharpar, né Damascus nón꞉we, iáh kén ne sénha tekanekí꞉io tsi ní꞉ioht ne Israerʼró꞉nonke? Thóh nón꞉we nahonsonhkatiató꞉hareke tánon kíʼ ahonsonhtsewenhtáhon!”

¹³ Né rahonhatserahókon tsítres niahónhne tánon wahonníron, “Sién꞉shon, tó꞉ka ne rotó꞉kense thé꞉nen wahiaróri ne waterihwenhtó꞉re tsi nashá꞉tsere, thóh kíʼ nahisaiérenhke. Káti nón꞉wa nonʼtsé꞉ren tsi iáh kíʼ teshatsatóhares, tsi kíʼ niháwen, tánon satseʼwén꞉tan?”

¹⁴ Sók kíʼ ne Naaman Jordan niaháre, tsáta nihioríhwake iahatéskowe, tsi kíʼ nihorihwatáʼti ne Elisha, tánon kwáh kíʼ sahaiewénhtane. Né tsi rónhnhe kwáh kíʼ sahiohiánerenhne tsi ní꞉ioht ne ieksáha.

¹⁵ Elisha tsi thénteron nionhsáre rónhne ne rahonkwetashón꞉ʼas tánon wahénron, “Ónen kíʼ onhkateriéntaraʼne tsi kwáh iáh tekáien nó꞉ia ne ní꞉io akénhake kwáh nék khók ne Raní꞉io Nisraerʼró꞉nonke; káti asatʼthonthátseke, sién꞉shion, tséna kí꞉ken athatawítsera né konhiá꞉wis.”

¹⁶ Elisha watharihwaseráko, “Tsi nironnhehónwe ne Roiá꞉ner, tsi nikáien ne rihióthenhse, wakerihwanírate tsi iáh thatséna nètho athatawítshera.” Né Naaman taharihwáreke, ók iáh kíʼ tehoienáhon.

¹⁷ Káti ne Naaman wahénron, “Tó꞉ka iáh thasèhna nakathatawítsera, káti takeríhon né tenihiáse akitsenenhó꞉kons tewahóntes kherenʼniakétat nokénhra niahonsátkhawe, Asèken kénhen ienwatashá꞉wen iáh shé꞉kon tsiahonsakátkaʼwe ne karihwihiosehokónhas khés nakhehiateskónhthaʼse nónhkak akóren akénhake kwáh kíʼ nek khók ne Roiá꞉ner.

¹⁸ Káti aiáwens ne Roiá꞉ner nahonsahakenikónhrenhse nó꞉nen entsiatsateró꞉sen nakenonhtí꞉io tsi nienhiákene Nononhsatokentiʼkówaʼne ne Rimmon, né nahó꞉ní꞉io ne Syriaró꞉nonke, tánon nahisénhnaien, Oriwiʼiohónhwe ne Roiá꞉ner tsi enshakenikónhrenhse!”

¹⁹ “Wáhs skénnonhk tsi nionsháse,” ne Elisha wahénron. Tánon ne Naaman sahathénhti. Kwáh kénk nióre shesawénon,

²⁰ nó꞉nen ne Elisha raonhá꞉tsera Gehazi wahénron ne rahonháke, “Né rakénas wahoríhon ne Naaman né꞉ren ahonsáreʼthe né kwáh iáh othènen tehokarhiákon! Ahowenhkénʼen nahoienáhon tsi nahó꞉ten rátatsʼkwe nètho Syriaró꞉non. Tsi nironnhehónwe ne Roiá꞉ner enhí꞉sehre kíʼ tánon tkahó꞉thenk kíʼ entséna.”

²¹ Sók kíʼ sahó꞉sehre ne Naaman. Nó꞉nen ne Naaman wahó꞉ken rónhkwe tahó꞉sehre, wahathitáko ne rahoseréthakon notsónhkwa né tahiatátken, tánon waharihwanónhton, “Thènenh kén nihioterihwatséren?”

²² “Iáh,” Gehazi watharihwaseráko. “Ók kíʼ ne rakénas tahakathénieʼthe nakonhró꞉ri kwáh ónhwak khók tenihiáse ne rotitókense ne rahothitsiókwakon ne tsi tsononhtáhere ne Ephraim nonhtáne, tánon káti tehothonhontsóni tsáta tewenhniáwe nikakonhtseráke kawistaráken aséhion tánon né꞉ne kwáh wakweʼní꞉io atserónhniat né꞉ne tékeni iahónterasthe tsi tahonsaniténi ne rahonatʼtserónhniat.”

²³ “Ahsatʼthontátʼtseke énska-tewenhniáwe nikakonhtseráke kawistaráke iahá꞉saf,” ne Naaman watharihwaseráko. Kwáh kíʼ waharihwanónhwene, tekahiárake tsi wahawánerenhke né kawistaráken, thasakáwen tánon ne kwáh wakweʼní꞉io né꞉ne tehiorihwáke tsi tahonsanithéni ne rahonatʼtserónhniat ne tenihiáse rahonhátseras, tánon ohénton iashakotóri tsi í꞉re ne Gehazi.

²⁴ Nó꞉nen shiahá꞉neʼwe tsi tsionhniáhere tsi nónhwe thénhteron ne Elisha, né Gehazi iahá꞉hawe ne tekaiarákes tánon kanónskon iahá꞉hionhte. Ethòne hionhshasakotóri ne Naaman rahonhátseras nahonshahiathénhti.

²⁵ Kanónskon né nionhsáre, tánon ne Elisha wahorihwanónhtonhse, “Kaʼnónhwe ièseskwe?” “Oh, iáh kanèka, sién꞉shion,” watharihwaseráko.

²⁶ Ók né Elisha wahénron, “Iáh kén nék khók nakenikónhra tsi thóh iéweskwe nó꞉nen ne rónhkwe shonthahathitáko ne rahoseréthakon notsónhkwa ne tahitsatátken? Iáh kíʼ tsehióhe naieiéna nowísta tánon natʼtserónhniat, iakeniewátha karonhthaiéntʼtons ó꞉ni ne onénhare kakwiraiéntʼthons, teiotinakaronhtónʼa ó꞉ni tsonónskwahrons, khés ne kanhátseras!

²⁷ Tánon káti ónen ne Naaman rahohratharihnétsera í꞉se entsisáraʼne, tánon níse ó꞉ni tsi iensatwatsírihne tsi tiókonthe ensewatsʼtawíseke!” Nó꞉nen ne Gehazi é꞉ren sonhsárethe, rostháwiskwe kíʼ—né tsi ronewáre thóh nikaráken tsi ní꞉ioht nóniete.