2 Kings 4 - Ohiatonhseratokénti

Ne Elisha Wahaiénawaʼse Ne Ióthen Ioterèhons

¹ Né ioterèhons thóh nonh nikaiátare ne rahotitsiókwahkon ne rotitókense Elisha wahotkénsera tánon wakénron, “Shénhshien, né teiakení꞉teron rawenhé꞉ion! Tsi nisateriénhthare, kwáh í꞉ken tsi rotsániskwe ne Rawenni꞉io, ók kíʼ ónenh ne rónhkwe nowísta rokaróthani thá꞉re niasakohiathenhawe ne tenihiáse khehiohokónhas nasakonaskónhniate né nanikhárhiathe ne tehiakeníteron rotkaróthakwe.”

² “Onh káti nahó꞉ten tsi nakonhiatiérase?” Waharihwanónhtonhse. “Takró꞉ri, nahó꞉ten tiʼsáien ne tsi teshí꞉teron?” “Kwáh iahʼothènen, nék ne kén nikawísa iakeniewátha kénhie,” tsi watkariwaseráko.

³ “Wáhs thóh niaháse tsi thatíteron ne tesewanonsanekʼkhánions tánon iesháni kwáh tsi níkon ahónhton ne kátʼtshes,” ne Elisha waharóri.

⁴ “Ethòne í꞉se tánon ne sehiohokónhas kanóns꞉kon nionhsásewe, sewanó꞉ton, tánon thasewathásawen kénhie sewatsethananónhkon. Ákta sewáien kwáh tsi niʼiosthó꞉re enkatshétiʼne.”

⁵ Káti ne iónhkwe ahonónskon hionhsonhtháwehiate skát꞉ke nakohiohʼokónhas, thakanóton, hontʼtháwa ne kén nikatsetáha ne iakeniewátha kénhie í꞉kare, tánon katshétakons iahonienáweron tsi nonhthakónhion nakohiohʼokónhas.

⁶ Nó꞉nen akwékon sahatiʼtshétike, wakarihwanónhton tó꞉ka ken shé꞉kon iothetsetathaténron. “Né nonàken í꞉ken nètho,” saiáta ne roiénha wathariwaseráko. Tánon ne iakeniewátha kénhie wát꞉kathane tsi ionahóte.

⁷ Elisha sahotkénsera, né꞉ne rotó꞉kense nahahiatóten, tsi waharóri, “Sathenhnínon nètho iakeniewátha kénhie tánon akwékon skáriak tsi nishatkaróte, tánon iathenhkaiérike tsi níkon enhiothátere nowísta ní꞉se tánon ne sehiohokónhas aisewathónnhetsʼte.”

Elisha Tánon Ne Iokwáhtse Ne Shunem Nónhwe Nikanákere

⁸ Énska nènhneʼe ne Elisha Shunem nónhwe niaháre, thóh nónhwe iokwáhtse tkanákereʼkwe. Wahohónkaron ne tahiáthonhte, tánon thóh thonhthásawen kwáh tsi nihioríhwake ne Shunem nónhwe nienhénre tsi tsononhsóh꞉the nónhwe iathenhaskáhon.

⁹ Wahoróri ne teníteron, “Kwáh oriwihio wakónhni kí꞉ken rónhkwe né kénʼen iotʼkáthe tré꞉tha tsi ronhkwetatokénti nahahiátothe.

¹⁰ Ánion nikanakʼtháha tsi thininatʼthónhnien ne karonhkwenáke, teninákʼthaien, anitskwáhra, tánon kahásera teníhien, tánon thóh nónhwe nahatiénhseke nónen enteshonhkeniʼnatharénhsera.”

¹¹ Énska kíʼ nènhneʼe ne Elisha Shunem nionhsáre tánon iaharát꞉then tsi thanonhwéstha nahatoríhsen.

¹² Wahoróri ne rahonhátsera Gehazi niáre tánon iehénhnonk ne iónkwe. Nó꞉nen thóh sónhwe,

¹³ wahawénhase ne Gehazi, “Serihwanonhtons onhnakatiérase né tsi nióre tsi watewathatenikonhráhren tsi natsionkenirihwásnieʼse tsi nathahionhtsatonhontsónike. Tó꞉ka nónhwa akanónhwene ne ronhnonhtí꞉ioke khés ne raterihioserakweʼní꞉io nonhniake tánon ioiánere tsi akathátsase.” “Akwékon niewátien tsi nathahonkatonhontsoníheʼke tsi nihiakwahkwékon nakonhkwetaʼshón꞉as,” tsi watkarihwaseráko.

¹⁴ Né Elisha wahorihwanónhtonhse ne Gehazi, “Onh nahó꞉ten káti tsi nakatiérase?” Tsi watharihwaseráko, “Kwáh kíʼ wáhi: iáh tehionekenteronhtseráien, tánon ne teníteron ónen thó꞉hion.”

¹⁵ “Sró꞉ri kénʼen nítewe,” ne Elisha tsi wahathénhnaʼne. Tá꞉we tánon tsi kanonhkáronhte nónhwe natkáthane,

¹⁶ tánon ne Elisha warénhase, “Kénʼen nenhkaháwike ne ientsó꞉serate roskenrakéte entsakitharó꞉ke.” “Oh!” tsi nakariwáson, “Asatʼthontátʼtseke, sién꞉shion, tó꞉sa thakanowénhtas. Í꞉se ne Rawenni꞉io rahonkwéta í꞉ken!”

¹⁷ Ók, kíʼ tsi niháwen ne Elisha, kwáh tó꞉ka thóh sí꞉kahawi nó꞉ia sahioseráthe raksáha wahonákeratsthe.

¹⁸ Thó꞉ka nihioseráke onakènhke, tsi niʼieientwákwas, né raksáha iahahiákenʼne noronhkéne nahorískhothe ne roʼníha, né rahónha kahentháke né ítreskwe skát꞉ke ne rathiʼientkwákwas.

¹⁹ Thonthaiawénhstsi iathohénrethe tsítres ne roʼníha, “Wakenonhtsistanónhwaks! Wakenonhtsistanónhwaks!” “Hionhtsiatsisewahiathénhaf tsitʼkénhteron né ronisténha,” ne roʼníha wahawénhase ne rahnhá꞉tsera.

²⁰ Né rahnhátsera ronistenhnéha nionhsahohiathénhaʼwe, kakwitsáke wahohiathenháwa tsi nióre nénhtie sí꞉kare, et nhiʼkaháwi warénheʼie.

²¹ Elisha tsi thaʼnonhwéstha niahohiathénhawe, kanakʼtháke wahohiatiónhnite tánon thonhthakahiákenʼne ó꞉ni thonthakanó꞉ton.

²² Ethòne ó꞉nen teníteron hionhsahó꞉nonhke tánon wahawénhase, “Thatsatóri ne rahnhá꞉tsera tewahóntes thohiathénhaf. Tewakathonhontsóni tsi thénhteron ne rotó꞉kenhse Elisha niá꞉ke. Kwáh tsi nihiostó꞉re enwáton tsi thént꞉ke.”

²³ “Onh nonhtséren tsi ónhwa wenhniseráte thóh iáhse?” ne teníteron waharihwanónhton. “Iáh seh orákwahse tsi naʼtehiontenónhwerons khés ne iawenhthatokentíke thèken.” “Iáh werohatiénhak,” tsi watkarihwaseráko.

²⁴ Ethòne ó꞉nen wahonwakweʼniáren ne tewahóntes, tánon wahó꞉nhane ne rahnhá꞉tsera, “Tahosteríhate ne tewahóntes iosthó꞉re tsi niáhne, tánon tó꞉sa thaʼtsiaserónhthen tsik enkonhró꞉ri.”

²⁵ Káti tahiatashá꞉wenh tsi tsonónhte ne Carmel niaháne, tsi nónhwe ne Elisha thenhterónhthakwe. Né Elisha wahá꞉ken shé꞉kon ahí꞉nonh nióre sonhtháwene, tánon wahawénhase ne rahoʼnhá꞉tsera Gehazi, “Satʼkátho, ahé꞉re táwe ne iónhkwe né Shunem nónhwe nonhtáwe!

²⁶ Teshasteríhen iateshiá꞉terat tánon sherihwísak tó꞉ka kén akwékon sakʼtíken nahonháke, ó꞉ni ne ró꞉ne, tánon ne roiénha.” Wahoró꞉ri ne Gehazi tsi akwékon ioiánere,

²⁷ ók kíʼ nó꞉nen shiahónwe tsi thénhteron ne Elisha, rahohénton watewatsákete tánon rashitáke wakaiéna. Óhnen thóhwa ne Gehazi niahá꞉reke, ók ne Elisha wahawénhase “Tó꞉sa othènen satstéristhat. Iáh kén tesatʼkhátos tsi nitsionikonhrénhen? Tánon kíʼ ne Roiá꞉ner kwáh iáh thaʼhóthen tehakróris nètho nahorihóthen.”

²⁸ Né iónhkwe wahawénhase, “Sién꞉shion, konhrihwanonhtónhni ken ne raksáha? Iáh kén tekonhró꞉ri ne tó꞉sa shó꞉tsi askenikonhkétsko?”

²⁹ Ne Elisha Gehazi iatotkáneren tánon wahénron, “Óksa! Iahá꞉saf nakathénhnits tánon wáhs. Tó꞉sa ónhka teshenónhweron ne tahitsáteraʼne, tánon tó꞉ka ónhka taiesanónhweron, tó꞉sa sathenhníswat ne taserihwaseráko. Kwáh iasatʼthakwahríhshiat ne tsitkanónhshothe tánon nakathénhnits é꞉neken ne tsi rahiatiónhni ne raksáha ístat.”

³⁰ Né iónhkwe wahawénhase ne Elisha, “Wakerihwanírathe tsi niwakerihwató꞉ken ne tsi nironhnhehónwe ne Roiá꞉ner tánon ní꞉se tsi iáh thakonhiatewénhtheʼte!” Káti ne tenihiáse tahiathásawenh thóh nionhsáne tsi tsonónhshothe.

³¹ Né Gehazi rahónha rahénhtheʼne tánon é꞉neken ne tsi rahiatiónhni ne raksáha wahá꞉thaʼte nathénhnits, ók iáh kíʼ othènen theʼthotháti khés ne thènhnen ahawenéston tsi arónnheke. Káti sahá꞉kethe niatahóterathe ne Elisha tánon wahénron, “Né raksáha iáh tehoiéhon.”

³² Shiaʼháraʼwe ne Elisha, rahonháha khók iahatháwehiaʼthe ne tsi ranonhwéstha tánon wahó꞉ken ne raksáha kanaktháke rahiatiónhni.

³³ Wahá꞉noton tánon wahatherénhnaien rahonháke ne Roiá꞉ner.

³⁴ Ethòne ó꞉nen é꞉neken rahiatáke ne raksáha wahatsiatiónhnithe, né tsi rashakáronthe, ne rakarahkésons, ó꞉ni ne ratsaná꞉kens akwékon iakaienáseron né raksáha tsi rashakáronhthe, ne rakarakésons ó꞉ni ne ratshaʼnákes. Tsi nihotsathakwahríshion ne raksáha rahiatáke, né raksáha rahoierónhtha thontonhthásawen nahonsahiotharíhen.

³⁵ Ne Elisha waʼthataʼne, kanonskónhson wá꞉reʼson, tánon ethòne shé꞉kon thóh nionsáre rahiatháke ne raksáha sahathatsatiónhnithe. Né raksáha wathótionsthe tsáta niaʼhónterasthe ethòne thonsahatkakwaríhsi.

³⁶ Elisha iahó꞉nonhke ne Gehazi tánon wahoró꞉ri ne iahénhnonhke ne raksáha roʼnisthénha. Sonhthontháwehiaʼthe, warénhase, “Tsié꞉na né ehʼtsiénha.”

³⁷ Elisha rashiʼtáktha waʼkahiatsénenhne, kwáh tsekakónhen nohontsáke; ethòne ionhsahohiathénhaʼwe ne roiénha tánon sonhthénhti.

Shé꞉kon Tehiorihwákes Ne Iorihwanerakwahthénions

³⁸ Énska nènhneʼe, nó꞉nen sahonthonhkarhiákon né tsi iohontsáte, Né Elisha Gilgal nionhsáre. Tsi nikaríhwes sakorihonhnienhníhaʼwe ne Rotitó꞉kenhse, wahoróri ne rahoʼnhá꞉tsera kanatsowánen tsi iothèkha ranatsá꞉ren tánon né ratkónhni ne tekakhwaiesthánion.

³⁹ Saiáta kahé꞉thakon niahá꞉re wahakóha ne kahonthákon. Iahatʼtsénhri ne karakónha watenenharíseres tánon né wahá꞉ko kwáh tsi níkonh nahakwéhni ne iahonhsahahá꞉we. Sonhsahá꞉hewe kenkʼní꞉was tsi wathahiákon tánon thóh iahó꞉thi tsi roríhton ne tekakhwaiesthánions, iáh tehotheriénhthare nahó꞉then nètho í꞉ken.

⁴⁰ Né tekakhwaʼiesthánions wahonwatíraʼse ne ronhnónhkwe nahónhneke, ók kwáh tsi niʼiosthó꞉re wahonthonkonʼontserákʼkenhse wahonwénhase ne Elisha, “Kanonhkwahtserákʼsen kí꞉ken í꞉ken!” tánon iáh kíʼ tehonékon.

⁴¹ Né Elisha ostónha Waharihwanónton nahonwanonhthe, kanatsákon ionsahá꞉ren, tánon wahénron, “Shé꞉kon saietʼtsíras ne tekakhwaiesthánion.” Tánon ethòne kíʼ ó꞉nen iáh othènen thètsok.

⁴² Shé꞉kon ó꞉ni óia kènhʼne, rónhkwe Baal Shalishah nónhwe nonhtháre, tewásen niʼkanataráke tahonatharenhawíten ne Elisha né꞉ne tsiotserénhton ne tehiotikonstónhres rotiʼientwákwen nètho ioseráthekwe, tánon osthónha toʼkàra nikarahthákes nonátsas. Né Elisha washakoróri ne rahonkwetashón꞉has né ahonwatínonhthe ne rotitókense rahotitsiókwa,

⁴³ ók watharihwaseráko, “Íh꞉sere kén iathenhothiʼiérihse nénska-tewenhniáwe niháti?” Né Elisha watharihwaseráko, “Thaʼietʼtsí꞉ion nahónhneke, tsioríhwa ne Roiá꞉ner ráton tsi kwáh enhónhneke tánon shé꞉kon wéso enhiothátere.”

⁴⁴ Káti ne ratiná꞉tseras wahathikhwarónhnion ne rahothihénton, tánon kíʼ tsi niháwen ne Roiá꞉ner, rathikwékon wathonskáhon, tánon kíʼ shé꞉kon wahothátere.