2 Kings 18 - Ohiatonhseratokénti

Ne Hezekiah Rahónha Ne Ronnontí꞉iokwe Ne Judah Nón꞉we.

¹ Naʼsʼenhaton niʼioseratátie shionontí꞉iokwe ne Hoshea né꞉ne ronikénhen ne Elah ne ronnontí꞉iokwe ne Israerʼró꞉nonke, ne Hezekiah né꞉ne ronikénhen ne Ahaz rahónha wahonontí꞉ione ne Judah nón꞉we.

² Tewásen-wísk satehahoserihwakon, tánon rahónha rakóraʼkwe kènʼne ne Jerusalem né꞉ne tewásen-tióhton niʼioserákekwe nikaríhweskwe. Né ronisténha Abijah iontátʼtsiatskwe, né sakoienkʼenʼen ne Zechariah.

³ Né tahotenientensthonhátie ne rosotkʼenʼen Táwit, né roiótenskwe nahawerienhtí꞉io ne Roiá꞉ner.

⁴ Waharihwenthóseron tsi nonwé꞉sonhs nihonterenhnaienthákwah ne iáh tehotiʼiánere, watarihthanion nonénias kanawaʼhathótons, tánon waʼharenienthánions tsi kaiatarónhnions ne kaní꞉io Asherah. Kwáh ó꞉ni onhnonwénhsera waʼrónhniaʼte tsi nathárihte ne otsínekwar nikaristó꞉ten nó꞉niare rahonhniáton ne Mahís, né꞉ne Nehushtan konwanathónkwah. Éhthoh náhe nonhkweshón꞉as Nisraeʼró꞉nonke ne konwatsienkwahronhniatenhniskwe tsi nikonkwakweniénsthakwe.

⁵ Ne Hezekiah tawethákwenhne ne Roiá꞉ner, né꞉ne Sakoní꞉io Nisraeʼró꞉nons; ne Judah iáh nonwénton shé꞉kon nó꞉ia teshotinontiʼiotseraientáʼon tsi niʼiohthónʼne ne rahónha, né nohénton tkènʼne ó꞉ni né ken tahiótsete.

⁶ Kwáh rorihwató꞉kenʼne rahonháke ne Roiá꞉ner tánon iáh nonwénton ne iáh tahowenhnarákwen, ók kwáh kíʼ ranikonrárahkwe roteweiéntonkwe akwékons ne karihwathátseras nètho Roiá꞉ner thó꞉wi ne Mahís.

⁷ Ká꞉ti ne Roiá꞉ner nikweʼkónkwe, tánon akwékons roianerasthénhnikwe tsi nenhá꞉tiere. Wahonenrókthase ne rakó꞉ra ne Assyria tánon iáh tehothontáton nahohiótenhse.

⁸ Washakosénhni ne Philistiaró꞉nons tánon thontaiawénstsi washakonenhrénhten tsi nón꞉we nihonatenátaiens, né꞉ne kenknakanátaske khés ne akanatowanénhake, thóh í꞉kare ne Gaza tánon aktatsesónhas kanakeraserakéron.

⁹ Né kaieríhaton niʼioserakehátie ne Hezekiah shiʼhonontí꞉ioʼkwe—né꞉ne tsatákhaton siʼioserakehátie ne Hoshea shiʼhonontí꞉ioʼkwe ne Israerʼró꞉nonke—ne rakóra Shalmaneser ne Assyria washakonenhrénhten Nisraeʼró꞉nons tánon wahaiéna ne Samaria.

¹⁰ Nasénhaton siʼioserakehátie siʼhaié꞉nen ne Samaria wakonwasénhni; né꞉ne ia-iákkhaton siʼioserakehátie ne Hezekiah shiʼhonontí꞉ioʼkwe tánon né꞉ne tiotónhaton siʼioserátekwe ne Hoshea shiʼhonontí꞉ioʼkwe.

¹¹ Né Assyriaró꞉non rakórahkwe Assyria niashakoiaténhawe Nisraeʼró꞉nons tsi ní꞉ioht ne ratinó꞉tons í꞉ken tánon ótiakes tsi kanatowanénhke ne Halah nón꞉we nasakó꞉teron, ótiakes ó꞉ni ákta ne tsi Konrahrós꞉tha Kaniatarahtátie né tsi watonhontsáien ne Gozan, tánon ótiakes tsi kanatowanénhke ne Media.

¹² Ne Samaria wakonwasénhni tsioríhwa Nisraeʼró꞉nons iáh tehonwawenhnaráhkwah ne Roiá꞉ner Raotíní꞉io, ók kíʼ tehotiʼiákons ne sakoianerenhseʼrihshenhénhni tánon iáh tehonatewenhnaráhkwen akwékons ne kaianerénhseras ne Mahís thó꞉wi, né raʼonhatserakénʼen ne Roiá꞉ner. Iáh tehonatahonsatháton iáh ó꞉ni tehonatewenhnaráhkwen.

Né Assyriaró꞉non Wahaterónhkwen Ne Jerusalem

¹³ Né kaiériʼiawenréhaton siʼioserakehátie siʼhononhtí꞉ioʼkwe ne Hezekiah, né Sennacherib, ne rakó꞉rahkwe ne Assyria, iahatsatónti ne tsi watenhénraiens ne tenanatanáktons ne Judah tánon washakosénhni.

¹⁴ Ne Hezekiah iahoterihwaniéthase ne Sennacherib, Lachish né nón꞉we ítreskwe: “Tewakaterienhtaʼwenhréʼon; asatʼthontátʼtseke téstann tsi teskwahtsathónties, tánon enkonká꞉riakse tsi nenhseriwanónton.” Ne rakóra tsi watharihwaseráko nètho Hezekiah ahó꞉wenk nahontahoteniétase tewásen tewenhniawehetsherásen nikakontesrake kawistaráken tánon tékeni tewenhniawehetsherásen nikakontseráke owistanó꞉ron.

¹⁵ Né Hezekiah akwékon nononsatokentiʼkówaʼne kaiéntakwe ne kawistarákens ó꞉ni ne tsi ratiwistaientákwa ne kanontiʼiótseras iahoteniétase;

¹⁶ kwáh ó꞉ni waharanenhthashiónko nowistanórons nononsatokentiʼkówaʼne ionohentónhnionskwe tánon nowistanórons ne kwáh rahónha rorohrókʼkonskwe ne tsi kanawaható꞉tons ne tsi kanonkaróntons, tánon akwékons Sennacherib iahoteniéthase.

¹⁷ Né Assyriaró꞉non rakó꞉ra ronatsiokowánen ronhterí꞉ios iashakoténiete Lachish nón꞉we nonhtahónne niahonwatsatónhni ne Hezekiah ne Jerusalem nón꞉we; né tahatiniarótarohke ne áhsen nihá꞉ti rahonkweʼtashón꞉as ratisenhnowánens. Nó꞉nen shahónhnewe ne Jerusalem, wahatihanóton tsi nón꞉we ne rahtiniatarónhni nihotiʼióte ne tsi teiahontsakonhátie tsi nitsiotnekínon ne tsitkanèko.

¹⁸ Ethòne ó꞉nen iahonwénhnonke ne Ronnontiio Hezekiah, tánon náhsen niháti ne rahonkweʼtashón꞉as ratisenhnowánens thóh niahónhne iathonwanáterate: Eliakim né꞉ne roiénha ne Hilkiah, rahónha ne ranikonráhrakwe ne tsi kanontiʼiotseráien; ne Shebna, né꞉ne sakohiatónhnisʼkwe ne tsi teiehiatorethákwah; tánon ne Joah né꞉ne roienkenén ne Asaph, rahónha nènhne ranikonhrárahkwe ne kahiathonserasónhas.

¹⁹ Saiáta ne Assyriaró꞉non rasenhnowánen washakoróri nètho rakóra tehotonhontsóniʼne nahoteriéntaraʼne ónhka ronhhionhnénhni ne Hezekiah tsi nióre tsi orihwí꞉io rahónhni.

²⁰ Waharihwanónton, “Í꞉sere onhtèken nètho nikawenhnó꞉tens akakwéni ne tahiakonakthákwen ne ronhterí꞉ios tsi nihotirenhnáhon ó꞉ni ratishástste? Ónhka ónhte í꞉sere aiekwéni naiesasniénon natsenenrókʼthase ne Assyriaró꞉nons?

²¹ Tó꞉ka né sará꞉re ne Egypt á꞉iasnienon, ók kwáh né꞉ne satèhiot ne áionste ne ohshonwennitakówah tánon ne ahiontenhnitserónhniaʼte—tenwátsake nén꞉ne tánon tehiakotsanáweheste. Thóh kí꞉ken nihahiatóten ne Egypt ronnontí꞉io nó꞉nen ónhkak enhonwaniáhese.”

²² Ne Assyriaró꞉non rasenhnowáne iahatasónhteren, “Khés kwáh kíʼ takró꞉ri tsi né tserá꞉re ne Roiá꞉ner Saní꞉io í꞉ken? Kwáh kíʼ Roiá꞉ner rahononsatokentíke tánon ne ietienharákwah nètho Hezekiah rorihwéntʼton, nó꞉nen shaʼsakoróri nonkweʼshón꞉ʼas ne Judah ó꞉ni ne Jerusalem nek akonwasénhnaien ne ietienharákwah ne Jerusalem nón꞉we nikáien.

²³ Kwáh kíʼ entsaterihwaserónhni ní꞉se rahosénhnakon ne rakó꞉ra. Tékeni tewenhniawehetserásen niháti kosáhtens entkónhion tó꞉ka enskwéni nasehiatatʼtséri né nihonatsókwah nahotisáhten!

²⁴ Kwáh iáh satésena tèken shé꞉kon ne kwáh ken tithasenhnáha ne Assyriaró꞉non rahonkwéʼta, ók kíʼ ethosàne kwáh shá꞉rahre ne Egyptró꞉non nahontahiateniétase ne otsónhkwas ó꞉ni ne rotisátens ronhterí꞉ios!

²⁵ Í꞉sere ken tsi iekatsathóntion ne sanakerásera tánon wakeriwathónton iáh thahóten ne Roiá꞉ner tehatiénawase? Kwáh rahonhatsíwa ne Roiá꞉ner rakró꞉ri niakatsatónhti tánon nakerihwáthonte.”

²⁶ Ethòne ne Eliakim, Shebna, tánon ne Joah wahonwaró꞉ri ne rasenhnowánen, “Aramaic satewenhnón꞉tat tsi takwátharas, shénʼshion. Iakwahrónkʼkha. Tó꞉sa Hebrew satewenhnón꞉takwa; onhkweʼtakwékon ne tsi watehenró꞉te í꞉iens iakothónte.”

²⁷ Thonsaharihwaseráko, “Í꞉sere onhtèken ní꞉se tánon ne ronnontí꞉io senonwahákhok ne rakóra tsi tahakaténieʼte nakirónhnion akwékons kí꞉ken nahorihoténhsons? Iáh, kwáh ó꞉ni kheʼtaráni nonkweʼshón꞉ʼas natenhenrátʼtha rónhnes, ronónha nenhontatítake ó꞉ni enhatinekíʼra ne rahotinénhas, kwáh kíʼ tsi ní꞉se nenhsewáiere.”

²⁸ Ethòne ne rasenhnowánen wathátaʼne tánon wathohénrete Hebrew wahatewenhnónhtakwe, “Sewatahónshatat tsi nahoténsons ne rakó꞉ra ne Assyria tsi sewaró꞉ris!

²⁹ Tsi sewaronhkaténhnis ne tó꞉sa atsisewaríhon ne Hezekiah naʼtsisewanikonhráten. Ne Hezekiah iáh tahakwéni natsisewanóns꞉thate.

³⁰ Tánon tó꞉sa tsi sewaríhon natsisewáreʼke ne Roiá꞉ner atsisewaterá꞉rahte. Tó꞉sa sewérek ne Roiá꞉ner entsisewanóns꞉thate onhtèken tánon ne tashakótaste nonkwentsiókwah ne Assyriaró꞉nons ronhterí꞉ios nahatiʼiéna ne sewanatowánen.

³¹ Tó꞉sa tsi sewathahónsatat ne Hezekiah. Ne rakóra ne Assyria tsi sewaró꞉ris nahontesewaiákenʼne ne kanatowanénhke tánon sewatsakwahríhsi. Tánon enietʼtsiríhon naisewanenhárake ne tsi sewatenenhárare ó꞉ni ne kahiksónhas ne tsi sewatkwirótons, tánon naisewanekíra ne kwáh í꞉se tsi sewatnaweró꞉tons—

³² né꞉ne tsi nióre ne rakó꞉ra ákte nón꞉we ientsetsisewénhteron né kwáh ne sá꞉ka ne sewanakerásera, thóh nón꞉we nihiotenenharáres nakanekonhniaton notsítsas ó꞉ni nonátsias nakanatarónhnike; né iohontsionhniáton ne iakeniewátha kénʼie ó꞉ni ne ohtsinakonthakwáhne otsikhéta. Tó꞉ka thóh nenhsewáiere tsi niharihwanónhtons, iáh kíʼ taʼisewénheie, ók entiónhnheke. Tó꞉sa tsi sewaríhon ne Hezekiah natsisewatenonwarorithónhniaʼte né naisewanonhthonhniónheʼke nètho Roiá꞉ner tsi kwáh entsisewaniákenhte.

³³ Né iakotiniʼiohokónhas né tiʼiakahontsátes iotinonstáton kén ne rahotinakeráseras tsi nòkwah ne rakó꞉ra ne Assyria?

³⁴ Kaʼnón꞉we ó꞉nen niskónhnes, ne rahotiní꞉ios ne Hamath ó꞉ni ne Arpad? Kanieionénons ne raʼotiní꞉ios ne Sepharvaim, ne Hena, tánon ne Ivvah? Ónhka kén iakonónstaton ne Samaria?

³⁵ Kát꞉ke onhtèken kí꞉ken kontiniʼiohokónhas tsi níkons kanakeraseraiéntons nonwénton ahiotinonstátonhke ne raotinakeráseras tsi nòkwah ne onkwahkó꞉ra? Ká꞉ti nahó꞉ten tionhniénhnis naisewanonhtónhnionwe ne Roiá꞉ner nahakwéni nahanóns꞉thate ne Jerusalem?”

³⁶ Nonkweʼshón꞉as kwáh sak tahonthatónhni, kwáh kíʼ tsi ní꞉ioht ne Ronnontí꞉io Hezekiah tsi sakoróri tsi thóh nahatí꞉iere; iáh ne tsowénhna tehó꞉nen.

³⁷ Ethóhʼne ne Eliakim, Shebna, tánon ne Joah wahatiratiónhko ne rahonatʼtserónhniat kanikonratʼtsenhtserákon, tánon iahatiʼiákenʼne nahonwaroriána ne ronnontí꞉io tsi nahó꞉ten ne Assyriaró꞉non rasenhnowánen wahénron.