1 Tiér 5 - Ohiatonhseratokénti

Ne Raotiókwa Ne Rawenni꞉io

¹ Í꞉i ne katretiárons, kheretiárons ne ononsatokentíke ratiretiárons ne skátke sewakwékon. Kwáh Í꞉i wakatkáton tsi nihoronhiakén꞉en ne Kerístos, tánon enkatsʼniénon ne thóh kaiatanerakwátsera nenkarihotáshionke. Í꞉se kwaretiárons

² naseiatennikonráren ne kentiókwa tsi niʼientiokwáwi ne Rawenni꞉io tánon kwáh thoʼnaisanikonrohténhake tsi ahseiatennikonráren, kwáh tsi naʼtehontonwentió꞉ni ne Rawenni꞉io neh náshere, tánon tóhsaʼ ne iáh thoʼtaisanikonróhten. Sahióten ne sahioténsera, iáh tóhkaʼken ne tsi satʼkarhiákse, nók neh tsi kwáh thóh nithesaskáneks naisahióten.

³ Tóhsa satheniénten nahontaseniarótaroke tsi nikáien ne ronwatináʼon naʼiesatennikonráren, nók neh kíʼ naiesanakéren tsi nisewehienní꞉io tsi nókwa ne kentiókwa.

⁴ Tánon nónen enhathotáshon ne Ohénton írate ne Sakonón꞉ne kentiókwa, enshèna ne ioriwanerákwat oronhónkwa neh꞉ne iáh nonwénton tahióti naoswatʼthétsera.

⁵ Kwáh ne saoríwa ne nitisewahiónsas ietʼtsikweniénstak ne thoʼtí꞉ions. Tánon kwáh sewakwékon teʼiothonwentióʼon naisewatenihiónten ne tkariwaiéri, tesewatateriwáhwas, Asèken wáhton nʼoriwatokénti, “Ne Rawenni꞉io sakonenrotánis ne hiontatónni, nók sakoténras ne ne ehtáke iakotatónh꞉ni.”

⁶ Ehtáke sewatatónhni, káti, rahohénton ne Rawenni꞉io rahosatsʼténsera, neh꞉ne ahiaiatakarátate nónen iatenhoriwaiéntase.

⁷ Rahonháke nonnáh꞉tsen tsi nahóten tesanikónrare, tioríwa tsi tehiatheriéntare.

⁸ Sathateweiennentahónhak, thasaráhrek! Ne iáshons, ne ótkon, tehathawénries tsi ní꞉ioht ne kénreks, thoʼhatʼthónties ónhkat asakowéntho.

⁹ Sewariwanirónhak tsi tisewetákwen ó꞉ni tóhsaʼ thénen karíwa tsi tiónni, tioríhwa sewateriéntare nakorénson ne thoʼnetákwen nonhontsiakwékon tsi kwáh thoʼní꞉ioht tsi rohtironhiáken.

¹⁰ Nók nónen kén nikariwésʼsha wesewaronhiáken, Rawenni꞉io ne akwékon niesakoténre, shieʼianátons nasatiátaren ne rahówenk kaiatanerakwátsera tsi nénwe ne tsi tehonateriwasóntere ne Kerístos, kwáh rahonhatsíwa enshiakwatákwase tánon éntʼhion ne kariwanirátsʼtsera, kasasténsera, tánon kwáh ioníron tsi tkenstskwáhere.

¹¹ Rahónha ne kasatsʼténsera tsi nénwe! Éhʼtho naiáwen꞉ne.

Nonakènkha Karensaróntsera

¹² Iakonhiátonse kí꞉ken nikaiatonseréssa neh꞉ne Silas wahaksniénon, neh tsi rahónha riniáhese nahoriwiʼiosthóntake. Tewakatonwentió꞉ni nakonretiáron ó꞉ni nakeriwanírate neh kí꞉ken ne kwáh oriwiʼioʼónwe Rawenni꞉io rahoténrat. Thoʼnónwe nasariwanirónhak.

¹³ Ne sewathenosenhokónhas ne tiakawetákwen ne Babylon nónwe Rawenni꞉io nòn꞉ne sakohiatarákwen, iateietʼtsinonwerátons, tánon ó꞉ni ne riʼiénha Mark.

¹⁴ Tesewatatenóronk ne tesewatatenoronkwániont nahononronkwátsera ne kariwiʼióston. Aiáwens ne skénnon aisewakwekónhake tsi nítion ne Kerístos rahonkwéta íken.